ವ್ಯಯಕ್ತಿಕ ಹಣದಲ್ಲಿ ವಿದ್ಯುತ್ ಕಂಬ, ದೀಪ ಅಳವಡಿಸಿದ ಮಣಿಕಂಠಗೆ ಸನ್ಮಾನ

ಶಹಾಬಾದ: ತಾಲೂಕಿನ ಭಂಕೂರ ಗ್ರಾಮದ ಶಾಂತನಗರ ಮಜ್ಜಿದ್ ವೃತ್ತದಿಂದ ಬಸವನಗರದವರೆಗೆ ವಿದ್ಯುತ್ ಕಂಬ ಹಾಗೂ ದೀಪಗಳನ್ನು ಸಮಾಜ ಸೇವಕ ಮಣಿಕಂಠ ರಾಠೋಡ ಅಳವಡಿಸಿದ ಹಿನ್ನೆಲೆಯಲ್ಲಿ ಅವರನ್ನು ಶನಿವಾರ ಬಸವ ನಗರದ ನಿವಾಸಿಗಳು ಸನ್ಮಾನಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಈರಣ್ಣ ಕಾರ್ಗಿಲ್, ವಿಧಾನಸಭೆ ಚುನಾವಣೆಯ ಮುಂಚೆಯೇ ಶಾಂತನಗರ ಮಜ್ಜಿದ್ ವೃತ್ತದಿಂದ ಬಸವನಗರದವರೆಗೆ ವಿದ್ಯುತ್ ದೀಪವಿಲ್ಲದೇ ಇಲ್ಲಿನ ಜನರಿಗೆ ಸಾಕಷ್ಟು ತೊಂದರೆಯಾಗುತ್ತಿದೆ.ಅಲ್ಲದೇ ಜನರು ಭಯಬೀತರಾಗುತ್ತಿದ್ದಾರೆ.ಆದ್ದರಿಂದ ಬೀದಿ ದೀಪಗಳ ಕೆಲಸ ಮಾಡಿ ಕೊಡಬೇಕೆಂದು ಮನವಿ ಮಾಡಿದರು.

ಆನರ ಮನವಿಗೆ ಸ್ಪಂದಿಸಿದ ಮಣಿಕಂಠ ರಾಠೋಡ ಅವರು ತಕ್ಷಣವೇ ವ್ಯಯಕ್ತಿಕವಾಗಿ 1.5 ಲಕ್ಷ ರೂ. ಹಣದಲ್ಲಿ 12 ಬೀದಿದೀಪಗಳನ್ನು ಅಳವಡಿಸಿ ಸಾರ್ವಜನಿಕರಿಗೆ ಅನುಕೂಲ ಮಾಡಿಕೊಟ್ಟಿದ್ದಾರೆ.ಅವರು ಮಾಡಿದ ಉಪಕಾರವನ್ನು ಮನುಷ್ಯರಾದ ನಾವುಗಳು ಸ್ಮರಿಸಲೇಬೇಕು.ಆ ನಿಟ್ಟಿನಲ್ಲಿ ಅವರನ್ನು ಬಸವ ನಗರದಿಂದ ಸನ್ಮಾನಿಸಲಾಗಿದೆ ಎಂದರು.

ಈ ಸಂದರ್ಭದಲ್ಲಿ ಬಸವ ನಗರದ ಬಸವ ಸಮಿತಿಯ ಅಧ್ಯಕ್ಷ ನೀಲಕಂಠ ಮೂದೋಳಕರ್,ಬಸವ ಸಮಿತಿಯ ಮಾಜಿ ಅಧ್ಯಕ್ಷ ಅಮೃತ ಮಾನಕರ್, ಉಮೇಶ್ ಪಾಟೀಲ್, ಮಲ್ಲಿಕಾರ್ಜುನ್ ಘಾಲಿ, ಯಲ್ಲಾಲಿಂಗ ನಾಗೂರೆ, ಗೋಪಾಲ್ ರಾಥೋಡ್, ಮಲ್ಲಿಕಾರ್ಜುನ ಇಟಗಿ, ಸಿದ್ದು ಅಲ್ಲೂರ್, ಸುನೀಲ ಭಗತ್, ಶರಣಪ್ಪ ಸಣಮೋ ಸೇರಿದಂತೆ ಅನೇಕರು ಇದ್ದರು.