ನೇರ ದಿಟ್ಟ ಶರಣರೆಂದರೆ ಅಂಬಿಗರ ಚೌಡಯ್ಯನವರು; ಮತ್ತಿಮಡು

ಶಹಾಬಾದ: ಇದುದನ್ನು ಇದ್ದಂಗೆ ಹೇಳುವ 12ನೇ ಶತಮಾನದ ನೇರ ದಿಟ್ಟ ಶರಣರೆಂದರೆ ಅಂಬಿಗರ ಚೌಡಯ್ಯನವರು ಎಂದು ಶಾಸಕ ಬಸವರಾಜ ಮತ್ತಿಮಡು ಹೇಳಿದರು.

ಅವರು ನಗರದ ಹಳೆಶಹಾಬಾದನಲ್ಲಿ ಕೋಲಿ ಸಮಾಜದ ವತಿಯಿಂದ ಆಯೋಜಿಸಲಾದ ನಿಜಶರಣ ಅಂಬಿಗರ ಚೌಡಯ್ಯನವರ ವೃತ್ತವನ್ನು ಉದ್ಘಾಟಿಸಿ ಮಾತನಾಡಿದರು.

ತಪ್ಪನ್ನು ಯಾರ ಮುಲಾಜಿಲ್ಲದೇ ಹೇಳುವ ಸಂಸ್ಕøತಿ ಅವರಲ್ಲಿತ್ತು.ಅದಕ್ಕಾಗಿ ಅವರನ್ನು ಚಾಟಿ ಏಟಿನ ಶರಣ ಕರೆಯುವುದುಂಟು.ಅಂಬಿಗರ ಚೌಡಯ್ಯನವರ ವೃತ್ತ ಉದ್ಘಾಟಿಸಿರುವುದು ನನ್ನ ಸೌಭಾಗ್ಯ.ಅಲ್ಲದೇ ತಮ್ಮ ಸಹಕಾರದಿಂದ ಇಂದು ಶಾಸಕನಾಗಿ ಎರಡನೇ ಬಾರಿ ಆಯ್ಕೆಯಾಗಿದ್ದೆನೆ.ತಮ್ಮ ಬೇಡಿಕೆಯಂತೆ ತಾವು ನಿಗದಿ ಪಡಿಸಿದ ಸ್ಥಳದಲ್ಲಿ ಸಮುದಾಯ ಭವನವನ್ನು ನಿರ್ಮಾಣ ಮಾಡಿ ಕೊಡಲಾಗುವುದು ಎಂದು ಭರವಸೆ ನೀಡಿದರು.

ಈ ಸಂದರ್ಭದಲ್ಲಿ ಶಾಸಕರಾಗಿ ಆಯ್ಕೆಯಾಗಿದಕ್ಕೆ ಅವರನ್ನು ಸನ್ಮಾನಿಸಲಾಯಿತು. ಹಳೆಶಹಾಬಾದನ ಮುಖಂಡರಾದ ಶಿವಕುಮಾರ ನಾಟೀಕಾರ,ಸಿದ್ದು ಬೆಳಗುಂಪಿ, ದೇವೆಂದ್ರಪ್ಪ ಹೊನಗುಂಟಿ, ಸಾಯಬಣ್ಣ ಬೆಳಗುಂಪಿ, ಗುರುರಾಜ ಮಾಲಿ ಪಾಟೀಲ,ಶ್ರೀಶೈಲಪ್ಪ ಬೆಳಮಗಿ, ಶಿವರಾಜ ಪಾರಾ,ಶರಣಪ್ಪ ಕೊಡದೂರ,ಶಿವುಗೌಡ ಪಾಟೀಲ, ಚನ್ನವೀರ ಪೊಲೀಸ್ ಪಾಟೀಲ,ಚಂದ್ರಕಾಂತ ನಾಟೀಕಾರ, ಸಂತೋಷ ತಿಳಗೂಳ,ನಾಗೇಂದ್ರ ನಾಟೀಕಾರ, ಚಂದ್ರಶೇಖರ ಜಾಪೂರ,ರಾಜು ಇಟಗಿ, ವಿಶ್ವನಾಥ ವಚ್ಚಾ, ನಿಂಗು ನಾಟೀಕಾರ, ಭೀಮಾಶಂಕರ ರಾವೂರ, ರಾಜು ನಾಟೀಕಾರ, ಮಲ್ಲು ಬೇನೂರ್ ಸೇರಿದಂತೆ ಅನೇಕರು ಇದ್ದರು.