ಹಳೇ ಶಹಾಬಾದನಲ್ಲಿ ಯೋಗ ದಿನಾಚರಣೆ

ಕಲಬುರಗಿ: ವಿಶ್ವ ಯೋಗ ದಿನಾಚರಣೆ ಅಂಗವಾಗಿ ಜಿಲ್ಲೆಯ ಶಹಾಬಾದ ಪಟ್ಟಣದ ಹಳೇ ಶಹಾಬಾದನಲ್ಲಿ ಬುಧವಾರ ಆರೋಗ್ಯ ಇಲಾಖೆಯ “ನಮ್ಮ ಕ್ಲಿನಿಕ್” ಸಮುದಾಯ ಆಸ್ಪತ್ರೆಯಿಂದ ಶ್ರೀ ವೀರಭದ್ರೇಶ್ವರ ದೇವಸ್ಥಾನ ಆವರಣದಲ್ಲಿ ವಿಶ್ವ ಯೋಗ ದಿನ ಅಚರಿಸಲಾಯಿತು.

ಯೋಗ ಶಿಕ್ಷಕ ನಾಗರಾಜ ದಂಡಾವತಿ ಅವರು ಪದ್ಮಾಸನ, ವಜ್ರಾಸನ, ಕಪಾಲ್ ಭಾತಿ, ಶವಾಸನ ಸೇರಿದಂತೆ ಅನೇಕ‌ ಪ್ರಕಾರದ ಆಸನಗಳ ಯೋಗಾಭ್ಯಾಸ ಹೇಳಿಕೊಟ್ಟಿದಲ್ಲದೆ ಪ್ರತಿಯೊಂದು ಭಂಗಿಯ ಮಹತ್ವ ತಿಳಿಸಿದರು.

ಹಳೇ ಶಹಾಬಾದಿನ ಶಂಕರಲಿಂಗನ ಗುಡಿ ಪ್ರಾಥಮಿಕ ಶಾಲೆಯ ಎಸ್.ಡಿ.ಎಂ.ಸಿ ಅಧ್ಯಕ್ಷ ಶರಣಗೌಡ ಪಾಟೀಲ, ನಮ್ಮ ಕ್ಲಿನಿಕ್ ವೈದ್ಯ ಡಾ.ಶೋಯೆಬ್, ಮುಖಂಡರಾದ ಶ್ರೀಶೈಲಪ್ಪ ಬೆಳಮಗಿ, ಬಸವರಾಜ ತರನಳ್ಳಿ, ಅರುಣ ಜಾಯಿ, ಶಾಂತಪ್ಪ‌ ಹಡಪದ, ಕವಿತಾ ಜಂಬಗಿ, ಸರಸ್ವತಿ ತುಪ್ಪದ ಸೇರಿದಂತೆ ಮಕ್ಕಳು, ಮಹಿಳೆಯರು, ವೃದ್ಧರು ಹಾಗೂ ಪೌರ ಕಾರ್ಮಿಕರು ಯೋಗಾಭ್ಯಾಸದಲ್ಲಿ ಭಾಗವಹಿಸಿದ್ದರು.