ಗ್ರಾಪಂ ಸದಸ್ಯರು ಬಿಜೆಪಿ ತೊರೆದು ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆ

ಶಹಾಬಾದ: ತಾಲೂಕಿನ ಭಂಕೂರ ಗ್ರಾಮ ಪಂಚಾಯತಿಯ ಸದಸ್ಯರು ಹಾಗೂ ಕಾರ್ಯಕರ್ತರು ಬಿಜೆಪಿ ಪಕ್ಷವನ್ನು ತೊರೆದು, ಕಾಂಗ್ರೆಸ್ ಪಕ್ಷದ ತತ್ವ ಸಿದ್ಧಾಂತಗಳನ್ನು ಮೆಚ್ಚಿ ಮೆಚ್ಚಿ ಶುಕ್ರವಾರ ಕಾಂಗ್ರೆಸ್ ಪಕ್ಷಕ್ಕೆ ಅಧಿಕೃತವಾಗಿ ಸೇರ್ಪಡೆಗೊಂಡರು.

Á್ಕಂಗ್ರೆಸ್ ಮುಖಂಡರಾದ ಶರಣಬಸಪ್ಪ ಧನ್ನಾ ಹಾಗೂ ಸುರೇಶ ಮೆಂಗನ ಮಾತನಾಡಿ, ಚಿತ್ತಾಪೂರ ಕ್ಷೇತ್ರದಲ್ಲಿ ಸಚಿವ ಪ್ರಿಯಾಂಕ್ ಖರ್ಗೆ ಅವರ ಅಭಿವೃದ್ಧಿ ಕಾರ್ಯಗಳನ್ನು ಮೆಚ್ಚಿ ಬಿಜೆಪಿ ಕಾರ್ಯಕರ್ತರು ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಗೊಂಡರು. ಇದರಿಂದ ಭಂಕೂರ ಗ್ರಾಮ ಪಂಚಾಯತಿಯಲ್ಲಿ ಕಾಂಗ್ರೆಸ್ ಸದಸ್ಯರ ಬಲ ಹೆಚ್ಚಿದಂತಾಗಿದೆ.ಅಲ್ಲದೇ ಈ ಬಾರಿ ಗ್ರಾಪಂ ಚುಕ್ಕಾಣಿ ಕಾಂಗ್ರೆಸ್ ಪಾಲಾಗುವುದು ಮಾತ್ರ ಶತಸಿದ್ಧ ಎಂದು ಹೇಳಿದರು.

ಗ್ರಾಪಂ ಸದಸ್ಯರಾದ ಯಶವಂತ ನೆಹರು ಚವ್ಹಾಣ, ಕಿಶನ್ ರಾಠೋಡ, ಅರ್ಪಿತ ಗಂಗಾರಾಮ ರಾಠೋಡ, ಅಂಜಲಿ ಕೇಶವ ಚವ್ಹಾಣ, ಅಂಬಿಕಾ ಭೀಮರಾಯ ಹೊಸಮನಿ, ಕವಿತಾ ಪರಶುರಾಮ ಅವರು ಬಿಜೆಪಿ ತೊರೆದು ಕಾಂಗ್ರೆಸ್ ಪಕ್ಷವನ್ನು ಸೇರ್ಪಡೆಯಾದರು . ಇವರನ್ನು ಪಕ್ಷದ ಶಾಲು ಹೊದಿಸಿ, ಸನ್ಮಾನಿಸಿ ಬರಮಾಡಿಕೊಂಡರು.

ಈ ಸಂದರ್ಭದಲ್ಲಿ ಶರಣಗೌಡ ಪಾಟೀಲ ದಳಪತಿ, ಮುಜಾಹಿದ್ ಹುಸೇನ್, ಭರತ್ ಧನ್ನಾ,ಈರಣ್ಣ ಗುಡೂರ್,ಭೀಮಯ್ಯ ಗುತ್ತೆದಾರ, ದೇವರಾಜ ರಾಠೋಡ,ಮಲ್ಲಿಕಾರ್ಜುನ ಧರಿ, ಚಂದ್ರಕಾಂತ ಮಡಿವಾಳ, ದೇವರಾಜ, ನಾಗೇಂದ್ರ ಕಂಠಿ, ಮಹ್ಮದ್ ಸಿದ್ದಿಕ್, ಭೀಮರಾಯ ಹೊಸಮನಿ ಸೇರಿದಂತೆ ಅನೇಕರು ಇದ್ದರು.