ಹೆಚ್ಚಿನ ಬಸ್ಸಗಳನ್ನು ಓಡಿಸಲು ಕರವೇ ಆಗ್ರಹ

ಕಲಬುರಗಿ: ಈ ಮೊದಲು ಕಲಬುರಗಿ ನಗರದಲ್ಲಿ ನೃಪತುಂಗ ಬಸ್ಸಗಳ ಸಂಖ್ಯೆ ಹೆಚ್ಚಾಗಿತ್ತು, ಆಗ ಎಲ್ಲಾ ಸಾರ್ವಜನಿಕರು ಶಾಲಾ ಮಕ್ಕಳು, ಕಾಲೇಜು ವಿದ್ಯಾರ್ಥಿಗಳ ಸಂಚಾರಕ್ಕೆ ಯಾವುದೇ ಅಡ್ಡಿ ಆತಂಕಗಳು ಎದುರಾಗಿರುವುದಿಲ್ಲ.ಆದರೆ ಈಗ ಸರಕಾರವು ಉಚಿತ ಬಸ ವ್ಯವಸ್ಥೆ ಕೈಕೊಂಡ ನಂತರ ಈ ನೃಪತುಂಗ ಬಸ್ ಗಳ ಓಡಾಟ 50% ಕಡಿಮೆಯಾಗಿರುವುದರಿಂದ ಸಾರ್ವಜನಿಕರ ಸಂಚಾರಕ್ಕೆ ಹಾಗೂ ವಿದ್ಯಾರ್ಥಿಗಳು ಸಂಚಾರಕ್ಕೆ ತುಂಬಾ ಸಂಕಷ್ಟ ಪಡುತ್ತಿದ್ದಾರೆ ಎಂದು ಕರವೇ(ಕನ್ನಡಿಗರ ಬಣ) ಸಂಘಟನೆಯ ಕಾರ್ಯಕರ್ತರು ಶನಿವಾರ ಜಿಲ್ಲಾಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿದ್ದಾರೆ.

ನಗರದಲ್ಲಿ ಮೊದಲಿನಂತೆ ಸದರಿ ನೃಪತುಂಗ ಬಸ್ಸುಗಳು ಸಂಚಾರ ಹೆಚ್ಚಿಸಿ ಸಾರ್ವಜನಿಕರ ಹಾಗೂ ಶಾಲಾ ಕಾಲೇಜು ವಿದ್ಯಾರ್ಥಿಗಳ ವಿದ್ಯಾಭ್ಯಾಸದ ಅನುಕೂಲಕ್ಕಾಗಿ ಹೆಚ್ಚಿನ ಬಸ್ಸುಗಳನ್ನು ಓಡಿಸಬೇಕು ಎಂದು ಅವರು ಒತ್ತಾಯಿಸಿದರು.

ಕೂಡಲೇ ಮುಂದಿನ ಅನಾಹುತಗಳನ್ನು ತಪ್ಪಿಸಲು ಕೂಡಲೇ ತಾವೂಗಳು ಹೆಚ್ಚಿನ ಬಸ್ಸುಗಳಿಗಾಗಿ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಅಧಿಕಾರಿಗಳ ಜೊತೆ ಸಭೆಯನ್ನು ನಡೆಸಿ ಹೆಚ್ಚಿನ ಬಸ್ ಓಡಿಸುವ ಕುರಿತು ಚಿಂತನೆ ನಡೆಸಬೇಕು. ಒಂದು ವೇಳೆ ವಾರದಲ್ಲಿ ಕ್ರಮಕೈಗೊಳ್ಳದೇ ಹೋದ ಪಕ್ಷದಲ್ಲಿ ಎಲ್ಲಾ ರಿಂಗ ರಸ್ತೆಗಳಲ್ಲಿ ಸಾರ್ವಜನಿಕರು ಹಾಗೂ ವಿದ್ಯಾರ್ಥಿಗಳೊಂದಿಗೆ ಉಗ್ರವಾದ ಹೋರಾಟ ಮಾಡಬೇಕಾಗುತ್ತದೆ ಎಂದು ಅವರು ಎಚ್ಚರಿಕೆ ನೀಡಿದರು.

ಈ ಸಂದರ್ಭದಲ್ಲಿ ಜಿಲ್ಲಾದ್ಯಕ್ಷ ಅಶ್ವಿನಕುಮಾರ ರಂಗದಾಳ,ಅಲೋಕ ವೈಜೊಳೆ,ಆನಂದ ಮಾಲಿಪಟೀಲ, ಲಿಂಗರಾಜ ದೇವಣಿ,ಗುರು ಜಬಾಡೆ, ಪವನ ಬಾಸುತ್ಕರ್, ದಶರಥ ಸೋಲಂಕೆ,ಅವಿನಾಶ ಗುತ್ತೇದಾರ, ಹರೀಶ ಗುತ್ತೇದಾರ ಸೇರಿದಂತೆ ಕಾರ್ಯಕರ್ತರು ಇದ್ದರು.