ಭಾರತದಲ್ಲಿ ವೃದ್ಧಾಶ್ರಮ ಬೆಳವಣಿಗೆ ವಿಷಾಧ

ಕಲಬುರಗಿ: ತಂದೆ ತಾಯಿಯರನ್ನು ದೇವತೆ ಸ್ಥಾನದಲ್ಲಿ ಪೂಜಿಸುವ ಭಾರತದಲ್ಲಿ ವೃದ್ಧಾಶ್ರಮ ತಲೆ ಎತ್ತುತ್ತಿರುವುದ ವಿಷಾದ ಸಂಗತಿ ಎಂದು ವಿಕಾಸ ಅಕಾಡೆಮಿಯ ಮಾರ್ಥಂಡ ಶಾಸ್ತ್ರಿ ಹೇಳಿದರು.

ನಗರದ ಜೇವರ್ಗಿ ಕಾಲೋನಿ ರಾಯರ ಮಠದಲ್ಲಿ ಸೋಮವಾರ ಸಂಜೆ ಆಯೋಜಿಸಿದ್ದ ಹಿರಿಯ ವಿಪ್ರ ದಂಪತಿಗಳಿಗೆ ಸನ್ಮಾನ ಸಮಾರಂಭ ಉದ್ಘಾಟಿಸಿ ಮಾತಣಾಡಿದ ಅವರು, ಹಿರಿಯರನ್ನು ಗೌರವಿಸುವ ಸಂಸ್ಕೃತಿ ಕಣ್ಮರೆಯಾಗುತ್ತಿದೆ. ಯುವ ಪೀಳಿಗೆ ಹಿರಿಯರನ್ನು ಗೌರವಿಸುತ್ತಿಲ್ಲ ಇದಕ್ಕೆ ಯುವಕರಲ್ಲಿ ಸಂಸ್ಕಾರದ ಕೊರತೆಯೇ ಕಾರಣವಾಗಿದೆ. ಪರೀಕ್ಷೆಯಲ್ಲಿ ಶೇ.೯೮ ರಷ್ಟು ಅಂಕ ಪಡೆದು ಉತ್ತೀರ್ಣರಾಗುತ್ತಿರುವ ವಿದ್ಯಾರ್ಥಿಗಳು ಜೀವನ ವೆಂಬ ಪರೀಕ್ಷೆಯಲ್ಲಿ ಫೇಲಾಗುತ್ತಿದ್ದಾರೆ. ಜೀವನ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕಾದರೆ ನಮ್ಮ ಮಕ್ಕಳಿಗೆ ಸಂಸ್ಕಾರ, ಮಾನವೀಯ ಮೌಲ್ಯ, ವ್ಯಕ್ತಿತ್ವ ವಿಕಾಸನದಂಥ ಶಿಕ್ಷಣ ನೀಡಬೇಕು ಎಂದು ಪಾಲಕರಿಗೆ ಸಲಹೆ ನೀಡಿದರು.

ಗುರು ಹಿರಿಯರನ್ನು ಗೌರವಿಸುವುದು ಸನಾತನ ಧರ್ಮದ ಆಧ್ಯ ಕರ್ತವ್ಯವಾಗಿದೆ. ಪಾಶ್ಚಿಮಾತ್ಯರಿಗೆ ಸಂಸ್ಕಾರ ಕಲಿಸಿದ್ದೇ ನಾವು. ಜಗತ್ತು ಇನ್ನೂ ಕಣ್ಣು ತೆರದಿರಲಿಲ್ಲ ಆಗ ಭಾರತೀಯರು ಶ್ರೇಷ್ಠತೆಯಿಂದ ಮೆರೆಯುತ್ತಿದ್ದರು. ವಿಶ್ವಕ್ಕೆ ಗುರುವಾದ ಭಾರತದಲ್ಲಿ ಹಿರಿಯರನ್ನು ಮನೆಯಿಂದ ಹೊರಹಾಕುವದು ಸರಿಯಲ್ಲ ಎಂದರು. ಹಿರಿಯರಿಲ್ಲದ ಮನೆ ದೇವರಿಲ್ಲದ ಗುಡಿಯಂತೆ ಎಂಬ ಮಾತು ನಮ್ಮ ಪೂರ್ವಜರು ಹೇಳಿದ್ದಾರೆ. ಅದು ಸತ್ಯವೂ ಆಗಿದೆ. ಮನೆಯಲ್ಲಿ ಹಿರಿಯ ಜೀವಿಗಳಿದ್ದರೆ ಮೊಮ್ಮಕ್ಕಳಿಗೆ ಶ್ಲೋಕ, ನೀತಿ ಪಾಠ ಹೇಳುವ ಮೂಲಕ ಸಂಸ್ಕಾರದ ಬೀಜ ಬಿತ್ತುತ್ತಾರೆ ಎಂದು ಅವರು ಅಭಿಪ್ರಾಯ ವ್ಯಕ್ತಪಡಿಸಿದರು.

ಜೇವರ್ಗಿ ಕಾಲೋನಿಯ ರಾಯರ ಮಠದ ಪ್ರಧಾನ ಅರ್ಚಕ ಪಂ. ಗಿರೀಶಾಚಾರ್ಯ ಅವಧಾನಿ, ಅಖಿಲಭಾರತೀಯ ಬ್ರಾಹ್ಮಣ ಮಹಾ ಸಂಘದ ಜಿಲ್ಲಾಧ್ಯಕ್ಷ ರವಿ ಲಾತೂರಕರ್, ಪ್ರಶಾಂತ ಕೊರಳ್ಳಿ, ಖ್ಯಾತ ವೈದ್ಯ ಡಾ. ಎಸ್.ಎಸ್. ಸಿದ್ದಾಪುರಕರ್, ಡಾ. ಪ್ರಹ್ಲಾದ ಬುರ್ಲಿ,ಮುರಲಿಧರ ಕರಲಗಿಕರ,ಲಕ್ಷ್ಮಣ ಕುಲಕರ್ಣಿ, ವೆಂಕಟೇಶ ಕುಲಕರ್ಣಿ, ರಘುನಂದನ ದೋತಿಹಾಳ ,ಆನಂದ್ ಕುಲಕರ್ಣಿ, ಇತರರಿದ್ದರು.

ಸಂಘದ ದಕ್ಷಿಣ ವಲಯದ ಅಧ್ಯಕ್ಷ ವಿನಾಯಕ ಕುಲಕರ್ಣಿ ಪ್ರಾಸ್ತಾವಿಕ ಮಾತನಾಡಿದರು. ಪ್ರಧಾನ ಕಾರ್ಯದರ್ಶಿ ವಿನುತ್ ಜೋಶಿ ಸ್ವಾಗತಿಸಿದರು. ಖಜಾಂಚಿ ಅನುಪ ಆಳಂದಕರ ವಂದಿಸಿದರು. ಶ್ವೇತಾ ಸರಾಫ ಹಾಗೂ ಭಾರ್ಗವಿ ಕುಲಕರ್ಣಿ ಕಾರ್ಯಕ್ರಮ ನಿರೂಪಿಸಿದರು.

ಇಂದು ಹಿರಿಯ ಜೀವಿಗಳನ್ನು ನೋಡಬೇಕಾದರೆ ವೃದ್ಧಾಶ್ರಕ್ಕೆ ಹೋಗುವ ಪರಸ್ಥಿತಿ ನಿರ್ಮಾಣವಾಗಿದೆ. ಮನೆಯಲ್ಲಿ ಮೊಮ್ಮಕ್ಕಳ ಜತೆಯಲ್ಲಿ ನೆಮ್ಮದಿಯಾಗಿ ಇರಬೇದ ತಂದೆ ತಾಯಿಯಂದಿರು ವೃದ್ಧಾಶ್ರಮದಲ್ಲಿ ಜೀವನ ಸಾಗಿಸುತ್ತಿದ್ದಾರೆ. ವೃದಾಶ್ರಮ ಸಂಸ್ಕೃತಿಗೆ ತೀಲಾಂಜಲಿ ಹಾಕಬೇಕು,ಎಲ್ಲಾ ಹಿರಿಯ ದಂಪತಿಗಳ ತಂದೆ ತಾಯಿಯರಲ್ಲಿ ದೇವರನ್ನು ಕಾಣುವ ಉದ್ದೇಶದಿಂದ ಹಿರಿಯ ದಂಪತಿಗಳನ್ನು ಸನ್ಮಾನಿಸುವ ಕಾರ್ಯಕ್ರಮ ಆಯೋಜಿಸಲಾಗಿತ್ತು. – ರವಿ ಲಾತೂರಕರ್, ಅಧ್ಯಕ್ಷರು, ಅಖಿಲ ಭಾರತೀಯ ಬ್ರಾಹ್ಮಣ ಮಹಾ ಸಂಘ.