ಬಿಜೆಪಿ ಕಛೇರಿಯಲ್ಲಿ ಅಟಲ್ ಬಿಹಾರಿ ವಾಜಪೈ ಪುಣ್ಯ ಸ್ಮರಣೆ ಆಚರಣೆ

ವಾಡಿ(ಜಂ); ಪಟ್ಟಣದ ಬಿಜೆಪಿ ಕಛೇರಿಯಲ್ಲಿ ಪಕ್ಷದ ಧೀಮಂತ ನಾಯಕ ಭಾರತ ರತ್ನ ಅಟಲ್ ಬಿಹಾರಿ ವಾಜಪೈ ಅವರ ಪುಣ್ಯ ಸ್ಮರಣೆ ಆಚರಿಸಲಾಯಿತು.

ಈ ಸಂಧರ್ಭದಲ್ಲಿ ಬಿಜೆಪಿ ಜಿಲ್ಲಾ ಹಿಂದುಳಿದ ವರ್ಗಗಳ ಉಪಾಧ್ಯಕ್ಷ ಬಸವರಾಜ ಪಂಚಾಳ ಮಾತನಾಡುತ್ತಾ ದೇಶದ ಪ್ರಗತಿಗಾಗಿ ಅಟಲ್ ಜಿ ಅಮೂಲ್ಯ ಸೇವೆ ಮತ್ತು ಸಾಧನೆಗಳನ್ನು ದೇಶವಾಸಿಗಳು ಎಂದು ಮರೆಯುವಂತಿಲ್ಲ ಎಂದರು, ಅವರ ಅಧಿಕಾರವಧಿಯಲ್ಲಿ ಭಾರತ ಪರಮಾಣು ರಾಷ್ಟ್ರವಾಯಿತು. ಭಾರತ ಕಂಡ ಅಪರೂಪದ ಮಹಾ ರಾಜಕೀಯ ನಾಯಕರಲ್ಲಿ ಪ್ರಮುಖರು. ತಮ್ಮ ಅಸಾಮಾನ್ಯ ವಾಕ್ ಚಾತುರ್ಯ ಮತ್ತು ವಾಕ್ಪಟುತ್ವ ಈ ಮುತ್ಸದ್ದಿ ತಮ್ಮ ಅಧಿಕಾರಾವಧಿಯಲ್ಲಿ ಕೈಗೊಂಡ ದಿಟ್ಟ ಮತ್ತು ದೂರದೃಷ್ಟಿಯ ಕ್ರಮಗಳು ಇಡೀ ರಾಷ್ಟ್ರದ ಜನ ಹೆಮ್ಮೆಪಡುವಂತದ್ದು ಎಂದು ಹೇಳಿದರು.

ಪುರಸಭೆ ಮಾಜಿ‌ ಅಧ್ಯಕ್ಷರಾದ ಭಗವತ್ ಸುಳೆ,ಹಿರಿಯರಾದ ರಾಮಚಂದ್ರ ರಡ್ಡಿ,ತಾಲ್ಲೂಕಾ ಉಪಾಧ್ಯಕ್ಷರಾದ ಗಿರಿಮಲ್ಲಪ್ಪ ಕಟ್ಟೀಮನಿ, ವೀರಣ್ಣ ಯಾರಿ,ಮುಖಂಡರಾದ ದೆವೀಂದ್ತ ಬಡಿಗೇರ, ಆನಂದ ಇಂಗಳಗಿ,ಮಲ್ಲಿಕಾರ್ಜುನ ಸಾತಖೇಡ್,ಚಂದ್ರಶೇಖರ ಬೆಣ್ಣೂರ ಸೇರಿದಂತೆ ಇತರರು ಇದ್ದರು.