ವಿದ್ಯಾರ್ಥಿ ಬಂಧುತ್ವ ವೇದಿಕೆ ವತಿಯಿಂದ ಬಸವ ಪಂಚಮಿ ಆಚರಣೆ

ಕಲಬುರಗಿ: ನಗರದ ಕೇಂದ್ರ ಬಸ್ಸು ನಿಲ್ದಾಣ ಹತ್ತಿರದಲ್ಲಿ ವಿದ್ಯಾರ್ಥಿ ಬಂಧುತ್ವ ವೇದಿಕೆ ವಿಭಾಗ ವತಿಯಿಂದ ನಾಗರ ಪಂಚಮಿ ಅಂಗವಾಗಿ ಬಸವ ಪಂಚಮಿ ಆಚರಣೆ ಮಾಡಲಾಯಿತು.

ಈ ಕಾರ್ಯಕ್ರಮಕ್ಕೆ ದಕ್ಷಿಣ ಮತಕ್ಷೇತ್ರದ ಶಾಸಕ ಅಲ್ಲಮಪ್ರಭು ಪಾಟೀಲ್ ಬಡ ಮಕ್ಕಳಿಗೆ ಹಾಲು ಮತ್ತು ಹಣ್ಣು ನೀಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು ನಾಡಿನ ಸಮಸ್ತ ಜನತೆಯಲ್ಲಿ ನಾಗರ ಪಂಚಮಿ ಹಬ್ಬದಂದು ಬಡ ಮಕ್ಕಳಿಗೆ ಹಾಲು ಹಣ್ಣು ವಿತರಿಸುವ ಮೂಲಕ ವಿಶೇಷವಾಗಿ ಆಚರಣೆ ಮಾಡಬೇಕೆಂದರು. ಮುಂದುವರಿದು ನಮ್ಮ ರಾಜ್ಯದ ಮಂತ್ರಿಗಳಾದ ಸನ್ಮಾನ್ಯ ಸತೀಶ ಜಾರಕಿಹೊಳಿ ರವರು ಮಾನವ ಬಂಧುತ್ವ ವೇದಿಕೆ ಮೂಲಕ ವೈಚಾರಿಕ ಚಳುವಳಿಯನ್ನು ಮುನ್ನಡೆಸುತ್ತಿದ್ದಾರೆ, ಅವರ ಕರೆಯಂತೆ ಇಂದು ಕಲ್ಬುರ್ಗಿಯಲ್ಲಿ ವಿದ್ಯಾರ್ಥಿ ಬಂಧುತ್ವ ವೇದಿಕೆ ಸಂಚಾಲಕರಾದ ದಿನೇಶ್ ದೊಡ್ಡಮನಿರವರ ನೇತೃತ್ವದಲ್ಲಿ ಬಹಳ ಅರ್ಥಪೂರ್ಣವಾದ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದರು.

ಈ ಸಂದರ್ಭದಲ್ಲಿ ಪಾಲಿಕೆ ಸದಸ್ಯ ಪ್ರಕಾಶ್ ಕಪನೂರ್, ಬಂದುತ್ವ ಸಂಚಾಲಕ ದಿನೇಶ್ ದೊಡ್ಡಮನಿ, ಸಂತೋಷ್ ಮೇಲ್ಮನೆ, ಡಾ. ಅನಿಲ್ ಟೆಂಗಳಿ, ಮಿಲಿಂದ್ ಸನಗುಂದಿ, ಜಿಲ್ಲಾ ಸಂಚಾಲಕ ಶಿವು ನರೋಣ, ರಾಣು ಮುದ್ದನ್ಕರ್, ಭೀಮಾಶಂಕರ್ ನಾಗನಹಳ್ಳಿ, ಪ್ರಶಾಂತ್ ನಂದಿಕೂರ, ಬಸವರಾಜ್ ಹೂಗಾರ್, ಸಿದ್ದು ಚುಂಚನ್ಸೂರ್, ಪ್ರದೀಪ್ ಚಿಂಚನಸೂರ್, ಅಜಿತ್ ಕುಮಸಿ, ಶ್ರೀಧರ್ ಇಂಗನ್ಕಲ್, ಭೀಮು ಸುರಪುರ, ಉಮೇಶ್ ಸೀತನೂರ್, ಶರಣು ದೊಡ್ಡಮನಿ ಸೇರಿದಂತೆ ಬಡ ಮಕ್ಕಳು ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.