ಜಗತ್ತಿಗೆ ಕಾಯಕ-ದಾಸೋಹ ತತ್ವ ಕಲಿಸಿದವರು ಬಸವಣ್ಣನವರು

ಶಹಾಬಾದ: ಜಗತ್ತಿಗೆ ಕಾಯಕ-ದಾಸೋಹ-ಸಮಾನತೆ ತತ್ವ ಕಲಿಸಿದವರು ವಿಶ್ವಗುರು ಬಸವಣ್ಣನವರು ಎಂದು ಉಪನ್ಯಾಸಕಿ ಡಾ.ಚನ್ನಮ್ಮ ನಾಗೇಶ ಅಲ್ಬಾ ಹೇಳಿದರು.

ಅವರು ತಲೂಕಿನ ಭಂಕೂರ ಗ್ರಾಮದ ಶಾಂತನಗರದ ಬಸವ ಸಮಿತಿಯಲ್ಲಿ ಆಯೋಜಿಸಲಾದ ಶ್ರಾವಣ ಮಾಸದ ಪ್ರವಚನ ಕಾರ್ಯಕ್ರಮದ ಮುಖ್ಯ ಉಪನ್ಯಾಸಕರಾಗಿ ಮಾತನಾಡಿದರು.

ನಡೆಯನ್ನೇ ನುಡಿಯಾಗಿಸಿದ ಪುಣ್ಯ ಪುರುಷರಲ್ಲಿ ಜಗಜ್ಯೋತಿ ಬಸವಣ್ಣನವರು ಅಗ್ರಗಣ್ಯರು. ತಮ್ಮ ನಡೆ, ನುಡಿಗಳನ್ನು ಸ್ಫಟಿಕದ ಸಲಾಕೆಯಂತೆ ನೇರ ಹಾಗೂ ಪಾರದರ್ಶಕವಾಗಿಸಿಕೊಂಡು, ಸಮಾಜಕ್ಕೆ ಚೈತನ್ಯ ತುಂಬಿದ ಬಸವಣ್ಣನವರು ಅಂತರಂಗ ಹಾಗೂ ಬಹಿರಂಗಗಳೆರೆಡನ್ನು ಪರಿಶುದ್ಧವಾಗಿಸಿಕೊಂಡು, ಮಾನವರ ಬದುಕಿಗೆ ಜ್ಯೋತಿಯಾದವರು. ಬಸವಾದಿ ಶರಣರು ವಿಶ್ವಕ್ಕೆ ಕಾಯಕ ಮತ್ತು ದಾಸೋಹ ಪರಿಚಯಿಸುವ ಮೂಲಕ ಎಲ್ಲರಿಗೂ ಆದರ್ಶಪ್ರಾಯರಾಗಿದ್ದಾರೆ. ಮನುಷ್ಯ ತಾನು ಕಾಯಕಮಾಡಿ ಉಳಿದಿದ್ದರಲ್ಲಿ ಪರರಿಗೆ ಹಂಚಬೇಕು ಅತಿಯಾದ ಗಳಿಸುವ ಬಯಕೆ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದರು.

ಮನುಷ್ಯ ತನ್ನ ಸ್ವಾರ್ಥಕ್ಕಾಗಿ ದುಡಿಯದೆ ಸಮಾಜ ಮತ್ತು ಸಮಾಜದ ಕಟ್ಟ ಕಡೆಯ ಮನುಷ್ಯನಿಗೂ ನ್ಯಾಯ ಒದಗಿಸಬೇಕು. ಅಂದಾಗ ಮಾತ್ರ ಆ ಸ್ಥಾನಕ್ಕೆ ಗೌರವ ಬರುತ್ತದೆ ಎಂದರು. ಮನುಷ್ಯ ಸ್ವಾರ್ಥ ಮತ್ತು ಹಣದ ಹಿಂದೆ ಬಿದ್ದು ಸಂಬಂಧಗಳು ಮೌಲ್ಯಗಳಿಗೆ ಬೆಲೆ ಕೊಡುತ್ತಿಲ್ಲ ಎಂದರು. ಇಂದಿನ ಈ ವಾಸ್ತವಿಕ ಬದುಕಿನಲ್ಲಿ ಬಸವಾದಿ ಶರಣರ ಮೌಲ್ಯಗಳು ಎಂದಿಗಿಂತಲೂ ಇಂದು ಅಳವಡಿಸಿಕೊಳ್ಳುವ ಅಗತ್ಯವಿದೆ ಎಂದರು.

ಗದುಗಿನ ಪ್ರವಚನಕಾರರಾದ ಗಿರಿಜಕ್ಕ ಧರ್ಮರೆಡ್ಡಿ ಮಾತನಾಡಿ, ಕಾಯಕ ಮತ್ತು ದಾಸೋಹ ಸಿದ್ಧಾಂತಗಳು ಬಸವಾದಿ ಶರಣರು ಈ ನಾಡಿಗೆ ನೀಡಿದ ಶ್ರೇಷ್ಠ ಕೊಡುಗೆಗಳಾಗಿವೆ.ಶರಣರು ಸತ್ಯ-ಶುದ್ಧ ಕಾಯಕದಿಂದ ಸಂಪಾದಿಸಿದುದನ್ನು ತಮ್ಮ ಬದುಕಿಗೆ ಮಾತ್ರವಲ್ಲದೆ ಸಮಾಜದ ಒಳಿತಿಗಾಗಿಯೂ ವಿನಿಯೋಗಿಸಿದರು. ಆದರೆ ಇಂದು ಅತಿಯಾದ ದುರಾಸೆಗಳಿಂದ, ಭೋಗಲಾಲಸೆಗೆ ತುತ್ತಾದ ಜನ ಹಣವಂತರಾದರೂ ಮಾನಸಿಕ ಸ್ವಾಸ್ಥ್ಯವನ್ನು ಕಳೆದುಕೊಳ್ಳುವಂತಾಗಿದೆ ಎಂದು ವಿμÁದಿಸಿದರು.ಹಣ ಗಳಿಕೆಯೊಂದೆ ಬದುಕಿನ ಸಾಧನೆಯಲ್ಲ. ಸುಖ ನೆಮ್ಮದಿಗೆ ಶ್ರೀಮಂತಿಕೆಯೊಂದೆ ಮಾನದಂಡವಲ್ಲ. ಸುಂದರವಾದ ಮನೆಗಳನ್ನು ನಿರ್ಮಿಸುವುದರ ಜತೆಗೆ, ಬಾಂಧವ್ಯವನ್ನೂ ಅμÉ್ಟೀ ಸುಂದರವಾಗಿ ಕಟ್ಟಿಕೊಳ್ಳಬೇಕಾದ ಅಗತ್ಯವಿದೆ. ಬಸವಾದಿ ಶರಣರು ಪ್ರತಿಪಾದಿಸಿದ ಜೀವನ ಮೌಲ್ಯಗಳು, ನೆಮ್ಮದಿ ಬದುಕಿಗೆ ಸೋಪಾನಗಳಾಗಿವೆ ಎಂದು ಅಭಿಪ್ರಾಯಪಟ್ಟರು.

ಈ ಸಂದರ್ಭದಲ್ಲಿ ಬಸವ ಸಮಿತಿ ಅಧ್ಯಕ್ಷ ನೀಲಕಂಠ ಮುದೋಳಕರ್,ಮಾಜಿ ಅಧ್ಯಕ್ಷರಾದ ಅಮೃತ ಮಾನಕರ್, ರೇವಣಸಿದ್ದಪ್ಪ ಮುಸ್ತಾರಿ,ಚಂದ್ರಕಾಂತ ಅಲಮಾ,ಅಮರಪ್ಪ ಹೀರಾಳ ಸೇರಿದಂತೆ ಅನೇಕರು ಇದ್ದರು.