ಸುರಪುರ: ವಿಶ್ವಕರ್ಮ ಜಯಂತಿ ಭಾವಚಿತ್ರ ಮೆರವಣಿಗೆ

ಸುರಪುರ: ತಾಲೂಕು ವಿಶ್ವಕರ್ಮ ಸಮಾಜ ಹಾಗೂ ವಿಶ್ವಕರ್ಮ ತರುಣ ಸಂಘಗಳ ಸಹಯೋಗದಲ್ಲಿ ನಗರದಲ್ಲಿ ರವಿವಾರದಂದು ಭಗವಾನ್ ವಿಶ್ವಕರ್ಮ ಜಯಂತ್ಯೋತ್ಸವವನ್ನು ಅದ್ದೂರಿಯಾಗಿ ಆಚರಿಸಲಾಯಿತು.

ನಗರದ ಕಬಾಡಗೇರಾ ಶ್ರೀ ಕಾಳಿಕಾದೇವಸ್ಥಾನದ ಬಳಿ ವಿಶ್ವಕರ್ಮ ಭಾವಚಿತ್ರಕ್ಕೆ ಪೂಜೆ ಹಾಗೂ ಧ್ವಜಾರೋಹಣ ನೆರವೇರಿಸಲಾಯಿತು, ಸುರಪುರ ಸಂಸ್ಥಾನದ ಅರಸು ಮನೆತನದ ರಾಜಾ ಲಕ್ಷ್ಮೀನಾರಾಯಣ ನಾಯಕ, ನಗರಸಭೆ ಸದಸ್ಯ ವೇಣುಮಾಧವ ನಾಯಕ ಹಾಗೂ ತಹಶೀಲ್ದಾರ ವಿಜಯಕುಮಾರ.ಕೆ. ಅವರು ಮೆರವಣಿಗೆಗೆ ಚಾಲನೆ ನೀಡಿದರು.

ನಗರದ ಪ್ರಮುಖ ರಸ್ತೆಗಳ ಮೂಲಕ ವಿಜೃಂಭಣೆಯಿಂದ ಮೆರವಣಿಗೆ ಜರುಗಿತು, ಸಮಾಜದ ಹಿರಿಯರಾದ ನಾಗಲಿಂಗಪ್ಪ ಶಹಾಪುರಕರ, ಅಡಿವೆಪ್ಪ ಕುಂಟೋಜಿ, ದೇವಸ್ಥಾನದ ಅರ್ಚಕರಾದ ಮೌನೇಶ, ಅಭಿಷೇಕ, ಪ್ರಮುಖರಾದ ನಾರಾಯಣ ಪತ್ತಾರ, ಪ್ರಭು ಪತ್ತಾರ ಕಲಕೇರಿ, ಮನೋಹರ ಕುಂಟೋಜಿ, ಪಂಪಣ್ಣ ಹಳಿಸಗರ, ರವಿ ಶಹಾಪುರಕರ, ಗಂಗಾಧರ ಕರಣಗಿ, ರಾಜಶೇಖರ ಕಲಕೇರಿ, ಮಹೇಶ ಸಗರ, ಮಹೇಶ ಶಾರದಳ್ಳಿ, ಪ್ರಭು ಚನ್ನಪಟ್ಟಣ, ದೇವಿಂದ್ರ ತಳವಾರಗೇರಾ, ರಾಜು ನಿಡಗುಂದಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

ತಹಸಿಲ್ದಾರ್ ಕಚೇರಿ: ನಗರದ ತಹಸೀಲ್ದಾರ ಕಚೇರಿಯಲ್ಲಿ ಸರಳವಾಗಿ ವಿಶ್ವಕರ್ಮ ಜಯಂತಿ ಆಚರಿಸಲಾಯಿತು.ತಹಸೀಲ್ದಾರ್ ವಿಜಯಕುಮಾರ ಕೆ ಅವರು ವಿಶ್ವಕರ್ಮ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾಲಾರ್ಪಣೆ ಮಾಡಿ ವಂದಿಸಿದರು.

ಈ ಸಂದರ್ಭದಲ್ಲಿ ತಹಸೀಲ್ದಾರ್ ಕಚೇರಿ ಸಿರಸ್ತೆದಾರ ಗುರುಬಸಪ್ಪ ಪಾಟೀಲ್,ಅವಿನಾಶ,ಪ್ರವೀಣಕುಮಾರ,ರವಿ ನಾಯಕ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.