ಮಹಾರಾಷ್ಟ್ರ ಸರ್ಕಾರಕ್ಕೆ ಕೃತಜ್ಞೆತೆ ಸಲ್ಲಿಸಿದ ಕಲಬುರಗಿ ಸಂಸದ ಡಾ. ಜಾಧವ್

ವಾಶಿಂ, ಮಹರಾಷ್ಟ್ರ: ಇಂದು ಮಹಾರಾಷ್ಟ್ರದ ವಾಶಿಮ್ ಜಿಲ್ಲೆಯ ಬಂಜಾರಾ ಸಮುದಾಯದ ತೀರ್ಥ ಕ್ಷೇತ್ರವಾದ್ ಪೋಹರಾದೇವಿಯಲ್ಲಿ ಸುಮಾರು 500 ಕೋಟಿ ರೂಪಾಯಿಗಳ ವೆಚ್ಚದಲ್ಲಿ ದೇಗುಲ ಅಭಿವೃದ್ಧಿ ಕಾಮಗಾರಿ ಅಡಿಪಾಯ ಕಾರ್ಯಕ್ರಮವನ್ನು ನೆರೇವರೆಸಲಾಯಿತು.

ಒಂದು ವಿಶೇಷವಾದ ಹಾಗೂ ಪವಿತ್ರ ಕಾರ್ಯಕ್ಕೆ ಕಾರಣಿಭೂತರಾದ ಮಹಾರಾಷ್ಟ್ರ ಸರ್ಕಾರ ಜನಪ್ರಿಯ ಮುಖ್ಯಮಂತ್ರಿ ಏಕನಾಥ್ ಶಿಂದೆ ರವರು, ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಹಾಗೂ ವಿಶೇಷವಾಗಿ ಸಚಿವಸಂಜಯ್ ರಾಥೋಡ್ ರವರಿಗೆ ಇಡಿ ದೇಶದ ಬಂಜಾರ ಸಮುದಾಯ ವತಿಯಿಂದ ಧನ್ಯವಾದ ಸಲ್ಲಿಸುತ್ತೇನೆ ಎಂದು ಕಲಬುರಗಿ ಲೋಕಸಭಾ ಸದಸ್ಯರಾದ ಡಾ. ಉಮೇಶ್ ಜಾಧವ್ ಕೋರಿದ್ದಾರೆ.

ಮಹಾರಾಷ್ಟ್ರದ ಸರಕಾರದಲ್ಲಿ ಸಚಿವರಾದ ಸಂಜಯ ರಾಥೋಡ್ ರವರ ನೇತೃತ್ವದಲ್ಲಿ ಮಹಾರಾಷ್ಟ್ರ ಸರ್ಕಾರವು ಪೊಹ್ರಾದೇವಿಯ ಸಮಗ್ರ ಉನ್ನತಿಗಾಗಿ  326 ಕೋಟಿ ರೂಪಾಯಿಗಳ ಮೊತ್ತವನ್ನು ವಿನಿಯೋಗಿಸಿದೆ ಇದು ನಮ್ಮ ಸಾಂಸ್ಕೃತಿಕ  ಪರಂಪರೆಯನ್ನು ಉಳಿಸುವ ನಿಟ್ಟಿನಲ್ಲಿ ಗಮನಾರ್ಹ ಹೆಜ್ಜೆಯಾಗಿದೆ. ಹಾಗೆಯೇ ಪೋಹ್ರಾದೇವಿಯಲ್ಲಿ ನಂಗಾರಾ ಭವನ ನಿರ್ಮಾಣಕ್ಕೆ ನಿರ್ದಿಷ್ಟವಾಗಿ 167 ಕೋಟಿ ರೂಪಾಯಿಗಳನ್ನು ಮಂಜೂರು ಮಾಡಲಾಗಿದೆ.

ಈ ವಸ್ತುಸಂಗ್ರಹಾಲಯವು ನಮ್ಮ ಇತಿಹಾಸ, ಸಂಪ್ರದಾಯಗಳು ಮತ್ತು ಬಂಜಾರರ ಜೀವನ ವಿಧಾನದ ಭಂಡಾರವಾಗಿ ಕಾರ್ಯನಿರ್ವಹಿಸುತ್ತದೆ, ಭವಿಷ್ಯದ ಪೀಳಿಗೆಗಳು ತಮ್ಮ ಬೇರುಗಳೊಂದಿಗೆ ಸಂಪರ್ಕ ಸಾಧಿಸಬಹುದು ಮತ್ತು ನಮ್ಮ ಸಾಮೂಹಿಕ ಪರಂಪರೆಯ ಬಗ್ಗೆ ಹೆಮ್ಮೆ ಪಡಬಹುದು. ಈ ಯೋಜನೆಯು ಬಂಜಾರ ಸಮುದಾಯಕ್ಕೆ ಅಪಾರ ಮಹತ್ವವನ್ನು ಹೊಂದಿದೆ ಮತ್ತು ನಮ್ಮ ಶ್ರೀಮಂತ ಪರಂಪರೆಯನ್ನು ಸಂರಕ್ಷಿಸಲು ಮತ್ತು ಉತ್ತೇಜಿಸಲು ಸರ್ಕಾರದ ಬದ್ಧತೆಗೆ ಸಾಕ್ಷಿಯಾಗಿದೆ ಎಂದರು.

ಮಹಾರಾಷ್ಟ್ರ ಸರ್ಕಾರವು ಈ ಯೋಜನೆಗೆ ಮೀಸಲಾದ ಮುಖ್ಯಸ್ಥರನ್ನು ಸ್ಥಾಪಿಸಿದೆ, ಈ ಯೋಜನೆಯ ಮಹತ್ವ ಮತ್ತು ಯಶಸ್ವಿ ಅನುಷ್ಠಾನಕ್ಕೆ ಮಹಾರಾಷ್ಟ್ರ ಸರ್ಕಾರದ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ. ಫೆಬ್ರವರಿ 12, 2023 ರಂದು ನಡೆದ ಶಿಲಾನ್ಯಾಸ ಸಮಾರಂಭವು ಈ ಪರಿವರ್ತನಾ ಯಾತ್ರೆಗೆ ನಾಂದಿ ಹಾಡಿತು.

ಪೋಹರದೇವಿ ಕ್ಷೇತ್ರ ಸಂತ ಸೇವಾಲಾಲ್ ಮಹಾರಾಜ್ ಮತ್ತು ಸಂತ ರಾಮರಾವ್ ಬಾಪು ಮಹಾರಾಜರು ತಮ್ಮ ಜೀವನವನ್ನು ಮುಡಿಪಾಗಿಟ್ಟ ಪುಣ್ಯಭೂಮಿಯಾಗಿದೆ , ಇದು ಇಡೀ ಬಂಜಾರ ಸಮುದಾಯದ ಕಾಶಿ ಕ್ಷೇತ್ರ ಎಂದು ಖ್ಯಾತಿ ಪಡೆದಿದೆ.

2020 ರ ಮಾರ್ಚ್ 5 ರಂದು ನಡೆದ ಒಂದು ಪ್ರಮುಖ ಘಟನೆಯನ್ನು ನಾನು ನೆನಪಿಸಿಕೊಳ್ಳಲು ಬಯಸುತ್ತೇನೆ, ಅಂದು ನಾನು, ನಮ್ಮ ಸಮಾಜದ ನಡೆದಾಡುವ ದೇವರೆಂದು ಖ್ಯಾತಿ ಪಡೆದಿರುವ  ಪೂಜ್ಯ ಸಂತ ರಾಮರಾವ್ ಮಹಾರಾಜ್ ಹಾಗೂ ಶಂಕರ್ ಪವಾರ್, ರಾಷ್ಟ್ರೀಯ ಅಧ್ಯಕ್ಷ ಅಖಿಲ ಭಾರತ ಬಂಜಾರ ಸೇವಾ ಸಂಘ ಅವರೊಂದಿಗೆ ಗೌರವಾನ್ವಿತ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿದಾಗ ಸಂತ್ ರಾಮರಾವ್ ಮಹಾರಾಜರು ಮೋದಿಯವರನ್ನು ಕ್ಷೇತ್ರ ಪೋಹರಾದೇವಿಯನ್ನು ಅಭಿವೃದ್ಧಿಗೊಳಿಸಲು ಮನವಿ ಮಾಡಿದರು.

ಆದರೆ ಅಂದಿನ ಅಂದಿನ ಮಹಾರಾಷ್ಟ್ರ ಸರ್ಕಾರ ಯಾವುದೇ ಅಭಿವೃದ್ಧಿ ಮಾಡಲು ಮುಂದಾಗಲಿಲ್ಲ, ಆ ಸರ್ಕಾರದ ಪತನದ ನಂತರ ನಮ್ಮ ಮಹಾರಾಜರ ಕನಸು ಇಂದಿನ ಬಿಜೆಪಿ ಶಿವಸೇನೆ ನೇತೃತ್ವದ ಸಮ್ಮಿಶ್ರ ಸರ್ಕಾರವು 2023 ರ ಆರಂಭದಲ್ಲಿ ಈ ಬೃಹತ್ ಮೊತ್ತವನ್ನು ಬಿಡುಗಡೆ ಮಾಡಿ ಅವರ ಕನಸನ್ನು ನನಸು ಮಾಡಿದಕ್ಕೆ ಕೃತಜ್ಞತೆ ವ್ಯಕ್ತಪಡಿಸಿದರು.