ಪ್ರವಾಸೋದ್ಯಮದಿಂದ ಹೆಚ್ಚು ಅಭಿವೃದ್ಧಿ ಹೊಂದಲು ಸಾಧ್ಯ; ಪೀರಪಾಶಾ

ಶಹಾಬಾದ: ಪ್ರವಾಸೋದ್ಯಮದ ಮಹತ್ವ ಮತ್ತು ಆರ್ಥಿಕತೆಯ ಮೇಲೆ ಅದರ ಪ್ರಭಾವದ ಬಗ್ಗೆ ಜಾಗೃತಿ ಮೂಡಿಸಲು ಜನವರಿ 25 ರಂದು ರಾಷ್ಟ್ರೀಯ ಪ್ರವಾಸೋದ್ಯಮ ದಿನವನ್ನು ಆಚರಿಸಲಾಗುತ್ತಿದೆ ಎಂದು ಅಂಜುಮನ್ ಕಾಲೇಜಿನ ಪ್ರಾಂಶುಪಾಲ ಪೀರಪಾಶಾ ಹೇಳಿದರು.

ಅವರು ತಾಲೂಕಿನ ಹೊನಗುಂಟಾ ಗ್ರಾಮದ ಚಂದ್ರಲಾಂಬ ದೇವಸ್ಥಾನದಲ್ಲಿ ಆಯೋಜಿಸಲಾದ ವಿಶ್ವ ಪ್ರವಾಸೋದ್ಯಮ ದಿನಾಚರಣೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದರು.

ಹೊನಗುಂಟಾ ಗ್ರಾಮ ಐತಿಹಾಸಿಕ ಸ್ಥಳವಾಗಿದೆ. ಇದನ್ನು ರಾಜ್ಯ ,ದೇಶದ ಇತಿಹಾಸ ಪುಟದಲ್ಲಿ ಸೇರಲು ಗ್ರಾಮದವರಾದ ನಾವು ಹೆಚ್ಚು ಪ್ರಚಾರ ಮಾಡೋಣ.ಈ ಪ್ರವಾಸೋದ್ಯಮದಿಂದ ಹೆಚ್ಚು ಅಭಿವೃದ್ಧಿ ಹೊಂದುವುದರ ಮೂಲಕ ನಿರುದ್ಯೋಗದ ಸಮಸ್ಯೆ ಕಡಿಮೆ ಮಾಡಲು ಸಾಧ್ಯವಿದೆ ಎಂದರು.

ಉಪತಹಸೀಲ್ದಾರ ಮಲ್ಲಿಕಾರ್ಜುನರೆಡ್ಡಿ ಮಾತನಾಡಿ, ಭಾರತವು ವೈವಿಧ್ಯಮಯ ರಾಷ್ಟ್ರವಾಗಿದೆ ಮತ್ತು ಇದು ಸಾಂಸ್ಕøತಿಕ, ಪ್ರಕೃತಿ, ಪರಂಪರೆ, ಶೈಕ್ಷಣಿಕ, ಕ್ರೀಡೆ, ಗ್ರಾಮೀಣ, ಪರಿಸರ ಪ್ರವಾಸೋದ್ಯಮ, ಇತ್ಯಾದಿ ಸೇರಿದಂತೆ ಹಲವಾರು ರೀತಿಯ ಪ್ರವಾಸೋದ್ಯಮವನ್ನು ನೀಡುತ್ತದೆ. ಭಾರತದ ಈ ವೈವಿಧ್ಯತೆಯು ಪ್ರವಾಸಿಗರಿಗೆ ಪ್ರಮುಖ ಆಕರ್ಷಣೆಯಾಗಿದೆ. ಹೊನಗುಂಟಾ ಗ್ರಾಪಂ ಅಧ್ಯಕ್ಷ ಮೆಹಬೂಬ ಪಟೇಲ್ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ಮುಖ್ಯ ಅತಿಥಿಗಳಾಗಿ ಶಿವಶಾಲಕುಮಾರ ಪಟ್ಟಣಕರ್,ಸತೀಶಕುಮಾರ, ಜನಕರಾಜ ಕುಲಕರ್ಣಿ, ಕಂದಾಯ ನಿರೀಕ್ಷಕ ಹಣಮಂತರಾಯ ಪಾಟೀಲ್, ಸಿಆರ್‍ಸಿ ಶರಣಬಸಪ್ಪ ಪಾಟೀಲ್, ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ ಅಧ್ಯಕ್ಷ ಶಿವಪುತ್ರ ಕರಣಿಕ್, ಪಿಡಿಓ ಮಹಾದೇವ ಧ್ಯಾಮಾ, ಮುಖ್ಯಗುರು ಅರುಣ ಕುಮಾರ, ಬೇಬಿನಂದಾ ರೇಖಾ ಪಾಟೀಲ್ ವೇದಿಕೆ ಮೇಲಿದ್ದರು.

ಕಾರ್ಯಕ್ರಮದಲಿ ಆನಂದ ಕೊಡಸಾ, ಮಲ್ಕಪ್ಪ ಮುದ್ದಾ, ಸಿದ್ದು ವಾರಕರ್, ಲಕ್ಷ್ಮಣ ಕೊಲೆ, ಭೂತಾಳಿ ಪೂಜಾರಿ, ರಾಜು ಆಡಿನ್, ಶಿವು ಕಂಠಿಕರ್ , ರಾಯಪ್ಪ ಮಿಣಜಿಗಿ ,ಮಲ್ಲೇಶಿ ಭಜಂತ್ರಿ, ತಿಪ್ಪಣ್ಣ ಚಡಬಾ, ಇಸ್ಮೈಲ್ ಶಾ, ಉಪಸ್ಥಿತರಿದ್ದರು. ಪಿ.ಎಸ್ .ಮೇತ್ರಿ ನಿರೂಪಿಸಿ ಸ್ವಾಗತಿಸಿದರು, ಶಿವಕುಮಾರ್ ಕಾರೋಳ್ಳಿ ವಂದಿಸಿದರು. ಪಿಯುಸಿ, ಪ್ರೌಢ ವಿಭಾಗ, ಪ್ರಾಥಮಿಕ ವಿಭಾಗ ವಿದ್ಯಾರ್ಥಿಗಳಿಗೆ ಸ್ಪರ್ಧೆಗಳನ್ನು ಏರ್ಪಡಿಸಿ ಬಹುಮಾನಗಳನ್ನು ವಿತರಿಸಲಾಯಿತು.