11ರಂದು ಕೇಂದ್ರಿಯ ವಿವಿ ಉಳಿವಿಗಾಗಿ ನಡೆಯುವ ಹೋರಾಟಕ್ಕೆ ಬಿಎಸ್‍ಪಿ ಬೆಂಬಲ

ಕಲಬುರಗಿ: ಕೋಮುವಾದ ಅಳಿಸಿ ಕರ್ನಾಟಕ ಕೇಂದ್ರಿಯ ವಿಶ್ವವಿದ್ಯಾಲಯ ಉಳಿಸಿ ಆಂದೋಲನ ಸಮಿತಿಯ ವತಿಯಿಂದ ಕಡಗಂಚಿಯಿಂದ ವಿಶ್ವವಿದ್ಯಾಲಯದವರೆಗೆ ಬೃಹತ್ ಜಾಥಾ ಮಾಡುವ ಮೂಲಕ ವಿಶ್ವವಿದ್ಯಾಲಯ ಮುತ್ತಿಗೆ ಈ ಒಂದು ಹೋರಾಟಕ್ಕೆ ಬಹುಜನ ಸಮಾಜ ಪಕ್ಷ ಸಂಪೂರ್ಣವಾಗಿ ಬೆಂಬಲ ನೀಡುತ್ತದೆ ಎಂದು ಬಿಎಸ್ಪಿ ಜಿಲ್ಲಾಧ್ಯಕ್ಷರಾದ ಸುನೀಲ ಇಂಗನಕಲ್ಲ ಅವರು ತಿಳಿಸಿದ್ದಾರೆ.

ಈ ಕುರಿತು ಪತ್ರಿಕಾ ಪ್ರಕಟಣೆ ನೀಡಿದ ಅವರು,ಶರಣರ ನಾಡು ಸೂಫಿಸಂತರ ನಾಡು, ಸಮಾನತೆಯ ಕಲ್ಪನೆಯನ್ನು ಇಡೀ ನಾಡಿಗೆ ಪರಿಚಯಿಸಿದ ಕೀರ್ತಿ ಈ ಭಾಗಕ್ಕೆ ಇದೆ.ಇಂತಹ ನಾಡಿನಲ್ಲಿ ಕೇಂದ್ರಿಯ ವಿಶ್ವವಿದ್ಯಾಲಯ ಆಗಿರುವುದು ಕಲ್ಯಾಣ ಕರ್ನಾಟಕ ಭಾಗದ ಜನರಿಗೆ ಹೆಮ್ಮೆಯ ವಿಷಯವಾಗಿದೆ.ಸರ್ವಜನಾಂಗದ ಶಾಂತಿಯ ತೋಟವಾಗಬೇಕಿದ್ದ ಈ ವಿದ್ಯಾಲಯದಲ್ಲಿ ಸಮಾನತೆಯ ವಿರೋಧಿ ಆರ್.ಎಸ್.ಎಸ್. ನ ಕೇಂದ್ರ ಸ್ಥಾನವಾಗಿದೆ. ಕೋಮುವಾದ,ಸಂವಿಧಾನ ವಿರೋಧಿ ಚಟುವಟಿಕೆಗಳು ದಿನಾಲೂ ನಡೆಯುತ್ತಿವೆ,ಅಲ್ಲಿನ ಕೆಲವು ಉಪನ್ಯಾಸಕರು, ಮುಖ್ಯಸ್ಥರು,ಅಧಿಕಾರಿಗಳು ಆರ.ಎಸ್.ಎಸ್. ಏಜೆಂಟಗಳಾಗಿ ಸಂವಿಧಾನ ವಿರೋಧಿ,ದೇಶ ವಿರೋಧಿ ಚಟುವಟಿಕೆ ನಡೆಸುತ್ತಿರುವುದು ಅಪಾಯಕಾರಿ ಬೆಳವಣಿಗೆಯಾಗುತ್ತಿದೆ.

ಹಾಗಾಗಿ ಇದನ್ನು ಖಂಡಿಸಿ ದಿನಾಂಕ ಅ. 11ರಂದು ನಡೆಸುತ್ತಿರುವ ವಿಶ್ವವಿದ್ಯಾಲಯ ಮುತ್ತಿಗೆ ಬೃಹತ್ ಜಾಥಾಕ್ಕೆ ಬಹುಜನ ಸಮಾಜ ಪಕ್ಷ ಜಿಲ್ಲಾ ಸಮಿತಿಯು ಸಂಪೂರ್ಣವಾಗಿ ಭಾಗಿಯಾಗಿ ಬೆಂಬಲ ನೀಡುತ್ತಿದ್ದೇವೆ ಎಂದು ಅವರು ಪ್ರತಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.