ಕಲಬುರಗಿಯಲ್ಲಿ ನಿಂತ ಖಾಸಗಿ ಬಸ್ ಗಳಿಗೆ ಬೆಂಕಿ: ತಪ್ಪಿದ ಅನಾಹುತ

ಕಲಬುರಗಿ: ನಾಲ್ಕು ತಿಂಗಳಿಂದ ಒಂದೇ ಕಡೆಯಲ್ಲಿ ನಿಂತ ಎರಡು ಸ್ಲಿಪರ್ ಖಾಸಗಿ ಸಾರಿಗೆ ಬಸ್ ಗಳಿಗೆ ಬೆಂಕಿ ತಗುಲಿ ಸುಟ್ಟುಕರಗಲಾಗಿರುವ ಘಟನೆ ವಿಶ್ವ ವಿದ್ಯಾಲಯ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಶನಿವಾರ ಸಂಜೆ ಹೊತ್ತಿಗೆ ಸಂಭವಿಸಿದೆ.

ನಗರದ ಹಾಗರಗಾ ರಸ್ತೆಯ ಮಹೆಫಿಲ್ ಎ ಖಾಸ್ ಧಾಬಾದ ಹತ್ತಿರ ಅವಘಡ ಸಂಭವಿಸಿದ್ದು, ಒಂದು ಗಂಟೆಗೂ ಹೆಚ್ಚು ಕಾಲ ಎರಡು ಬಸ್ ಗಳಿಗೆ ಬೆಂಕಿ ಹೊತ್ತಿ ಉರಿದ ಪರಿಣಾಮ ಸಂಪೂರ್ಣ ಸುಟ್ಟು ಹೋಗಿವೆ.

ಅವಘಡಕ್ಕೆ ಭಾರಿ ಗಾತ್ರದಲ್ಲಿ ಹೋಗೆ ಕಾಣಿಸಿಕೊಂಡಿರಿಂದ ಸ್ಥಳದಲ್ಲಿ ಆತಂಕದ ವಾತವರಣ ನಿರ್ಮಾಣವಾಗಿತ್ತು. ನಂತರ ಅಗ್ನಿ ಶಾಮಕ ದಳದ ಸಿಬ್ಬಂದಿಗಳು ಘಟನಾ ಸ್ಥಳಕ್ಕೆ ಆಗಮಿಸಿ ಬೆಂಕಿಯನ್ನು ನಂದಿಸುವ ಮೂಲಕ ಅನಾಹುತವನ್ನು ತಪ್ಪಿಸಿದರು.

ಈ ವೇಳೆ ಡಿಸಿಪಿ ಕನಿಕಾ ಶೆಕ್ರೇವಾಲ್, ಎಸಿಪಿ ರಾಜಣ್ಣ ಅವರು ಸ್ಥಳಕ್ಕೆ ಭೇಟಿ ನೀಡಿಲಿದ್ದು, ವಿಶ್ವ ವಿದ್ಯಾಲಯದ ಅಣ್ಣಪ್ಪಾ ಇಎಸ್ಐ, ಠಾಣೆಯ ಸಿಬ್ಬಂದಿ ಅನೀಲ್, ಮಹಾಂತೇಶ  ಘಟನಾ ಸ್ಥಳದ ವಾತಾವರಣ ಮಾಹಿತಿ ಕಲೆ ಹಾಕುತ್ತಿದ್ದು, ಈ ಕುರಿತು ಕಲಬುರಗಿ ವಿಶ್ವ ವಿದ್ಯಾಲಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.