ಸಪ್ತ ನೇಕಾರ ಸೇವಾ ಸಂಘದ ವತಿಯಿಂದ ರಮೇಶ ಸಂಗಾಗೆ ಗೃಹ ಸನ್ಮಾನ

ಕಲಬುರಗಿ: ಕರ್ನಾಟಕ ರಾಜ್ಯ ಸಚಿವಾಲಯ ಸಂಘದ ಅಧ್ಯಕ್ಷರಾದ ಮೇಲೆ ಪ್ರಥಮ ಬಾರಿಗೆ ಸ್ವಂತ ಜಿಲ್ಲೆಗೆ ಆಗಮಿಸಿದ ರಮೇಶ ಗಣೇಶ ಸಂಗಾ ರವರ ಗುಬ್ಬಿ ಕಾಲೋನಿ, ಶಿವ ಮಂದಿರ ಹತ್ತಿರ ವಿರುವ Empire Pride ವಸತಿ ಸಂಕೀರ್ಣದಲ್ಲಿರುವ ನಿವಾಸದಲ್ಲಿ ಸಪ್ತ ನೇಕಾರರು ಸೇರಿ ಸನ್ಮಾನಿಸಿ ಗೌರವಿಸಲಾಯಿತು.

ಸಪ್ತ ನೇಕಾರ ಸಂಘದ ಕಾರ್ಯದರ್ಶಿ ಹಾಗೂ ಕುರವಿನ ಶೆಟ್ಟಿ ಸಮಾಜದ ಪ್ರಧಾನ ಕಾರ್ಯದರ್ಶಿ ಎಲ್ಲರನ್ನೂ ಸ್ವಾಗತಿಸಿದರು. ಪ್ರಾಸ್ತಾವಿಕವಾಗಿ ಹಟಗಾರ ಸಮಾಜದ ಹಾಗೂ  ರಾಮಲಿಂಗ ಚೌಡೇಶ್ವರಿ ಸೇವಾ ಸಮಿತಿಯ ಪ್ರಧಾನ ಕಾರ್ಯದರ್ಶಿ, ನ್ಯಾಯವಾದಿ ಜೇ. ವಿನೋದ ಕುಮಾರ ಮಾತನಾಡುತ್ತ, ನಮ್ಮ ನೇಕಾರ ಸಮುದಾಯದ ಯುವಕರು ಹಾಗೂ ಕಲ್ಯಾಣ ಕರ್ನಾಟಕ ಭಾಗದ ಮೊದಲ ವ್ಯಕ್ತಿ, ರಾಜ್ಯ ಮಟ್ಟದ ಪ್ರಮುಖ ಕೇಂದ್ರ ವಾದ ಸಚಿವಾಲಯದಲ್ಲಿ ಆಯ್ಕೆ ಗೊಂಡಿದ್ದು ಹೆಮ್ಮೆಯ ಸಂಗತಿ ಎಂದು ತಿಳಿಸಿದರು.

ಸನ್ಮಾನ ಸ್ವೀಕರಿಸಿ ರಮೇಶ ಸಂಗಾ ಮಾತನಾಡಿ ಸಪ್ತ ನೇಕಾರರ ಸಮೂಹವೇ ನನ್ನ ಕುಟುಂಬವೆಂದು ಸಂತೋಷ್ ಪಡುತ್ತೆನೆ, ರಾಜ್ಯದ ವಿಶೇಷ ವೆಂದರೆ 7 ಕೋಟಿ ಜನ ಸಂಖ್ಯೆಯಲ್ಲಿ ನಮ್ಮದು 1.25 ಕೋಟಿ ಹೊಂದಿರುವ ಜನ ಸಮುದಾಯ ಸದಸ್ಯರ ಆಶೀರ್ವಾದ ನನ್ನ ಜೊತೆಯಲ್ಲಿ ಇದೆ ಎಂದು ಹೆಮ್ಮೆಯಿಂದ ಹೇಳಲು ಬಯಸುತೆನೆ ಎಂದರು.

ಅಧ್ಯಕ್ಷನಾದ ನಂತರ ಸಪ್ತ ನೇಕಾರರು ತಂಡೋಪತಂಡವಾಗಿ ಬಂದು ಅಪ್ಪಿಕೊಂಡು ಗೌರವದಿಂದ ಆಶೀರ್ವಾದ ನೀಡುತ್ತಿರುವ ಘಳಿಗೆ ಮರೆಯುವಂತಿಲ್ಲ ಎಂದರು.

ನಾವು ಸಾಮಾಜಿಕ ನ್ಯಾಯ ಪಡೆಯುವಲ್ಲಿ ಹಿಂದೆ ಬಿದ್ದಿದ್ದು ಕಂಡು ಖೇದವೇನಿಸುತ್ತಿದೆ ಇದನ್ನು ಮುಂದಿನ ದಿನಗಳಲ್ಲಿ ಸರಿಪಡಿಸಿ ಅಭಿವೃದ್ಧಿ ಹೊಂದಲು ಕೈಲಾದ ಸಹಾಯ ಸಹಕಾರ ನೀಡುವ ಭರವಸೆ ನೀಡುತ್ತೆನೆ ಎಂದರು.

ಗೃಹ ಸನ್ಮಾನ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ, ಸಪ್ತ ನೇಕಾರ ಸಂಘದ ಅಧ್ಯಕ್ಷರಾದ ಶಿವಲಿಂಗಪ್ಪಾ ಅಷ್ಟಗಿ ಮಾತನಾಡಿ ಕಳೆದ 3 ವರ್ಷದಿಂದ ಜಿಲ್ಲೆಯಲ್ಲಿ ನೇಕಾರ ಅಸ್ಮಿತೆ ಜಾಗ್ರತಿ ಗೊಳಿಸಿಲು ಪ್ರಯತ್ನ ನಡೆಯುತ್ತಿದೆ ಎಂದು ತಿಳಿಸಿದರು.

ಸ್ವಲ್ಪ ದಿನಗಳ ಹಿಂದೆ ನೇಕಾರ ಒಕ್ಕೂಟಕ್ಕೆ ಅಧ್ಯಕ್ಷರ ಆಯ್ಕೆ ಕೂಡಾ ಆಗಿದೆ, ಅವರು ಕೂಡಾ ನಮ್ಮ ಸಂಘದ ಸಂಸ್ಥಾಪಕ ಸದಸ್ಯರು ಎನ್ನುವ ಸಂಗತಿ ಖುಷಿ ನೀಡುತದೆ ಎಂದರು.

ಸಂಘದ ಪರವಾಗಿ ಡಾ. ಬಸವರಾಜ ಚನ್ನಾ ಗೌರವಿಸಿದರು ಮತ್ತು ತೊಗಟವೀರ ಸಮಾಜದ ವತಿಯಿಂದ ಅಧ್ಯಕ್ಷರಾದ ಶ್ರೀನಿವಾಸ ಬಲಪೂರ್ ಗೌರವಿಸಿದರು. ಕಾರ್ಯಕ್ರಮದಲ್ಲಿ ಮಹದೇವಪ್ಪ ಘಾಳೆ, ಶರಣ ಪ್ರಸಾದ ಜೇನವೆರಿ ಇತರರು ಉಪಸ್ಥಿತರಿದ್ದರು. ಕೊನೆಯಲ್ಲಿ ಸ್ವಕುಳಸಾಲಿ ಸಮಾಜದ ರಾಜ ಗೋಪಾಲ ಭಂಡಾರಿ ವಂದಿಸಿದರು.