ಮುದನೂರ ದಾಸಿಮಯ್ಯ ಹೆಸರಲ್ಲಿ ಅಧ್ಯಯನ ಕೇಂದ್ರ ಸ್ಥಾಪನೆಗೆ ಒತ್ತು ನೀಡಿ

ಯಾದಗಿರಿ: ಐತಿಹಾಸಿಕ ಜಿಲ್ಲೆ ತನ್ನದೇ ಆದ ಮಹತ್ವಹೊಂದಿದೆ, ಜಿಲ್ಲೆಯ ಹೊಸ ತಾಲೂಕು ಹುಣಸಗಿ ಯಲ್ಲಿ ಮತ್ತು ಕೆಂಭಾವಿ ಹತ್ತಿರ ವಿರುವ ಪವಿತ್ರ ಯಾತ್ರಾ ಕೇಂದ್ರವೇ ಮುದನೂರ, ಬಾಗೇವಾಡಿ ಯನ್ನು ಬಸವನ ಎಂಭ ಶಬ್ದ ಸೇರಿಸಿ, ಬಸವನ ಬಾಗೇವಾಡಿ ಎಂದು ನಾಮಕರಣ ಮಾಡಿದಂತೆ ಆಗಿನ ಕಾಲದ ಅಗ್ರಹಾರ ಕೇಂದ್ರ ಸ್ಥಳ ಮತ್ತು ಕನ್ನಡದ ವಚನ ಸಾಹಿತ್ಯ ಹುಟ್ಟಿಸಿದ ಮಹಾನ ವ್ಯಕ್ತಿ, ದಾಸಿಮಯ್ಯ ನವರ ಜನ್ಮ ಭೂಮಿಯಾಗಿದೆ ಎಂದು ನ್ಯಾಯವಾದಿ, ಜೇ. ವಿನೋದ ಕುಮಾರ ತಿಳಿಸಿದ್ದಾರೆ.

ಸಪ್ತ ತೀರ್ಥ ಉಳ್ಳ ಪುಣ್ಯ ಕ್ಷೇತ್ರ, 108 ಶೈವ ದೇವಾಲಯದ ಯಾತ್ರಾ ಸ್ಥಳ, ಶರಣ ಪೀಠ ಸ್ಥಾಪಿಸಿ, ವಚನ ಸಾಹಿತ್ಯ ಅಧ್ಯಯನ ಕೇಂದ್ರ ರೂಪಿಸಿ, ಅದನ್ನು ಕೇಂದ್ರ ಸರ್ಕಾರದ ಶಾಸ್ತ್ರೀಯ ಭಾಷೆಯ ಅಡಿಯಲ್ಲಿ ಒಂದು ಸ್ವಾಯತ ಸಂಸ್ಥೆ ರಚನೆಗೊಳಿಸಿ, ಬೆಳಸಲಿ ಎಂದು ದಾಸಿಮಯ್ಯ ನವರ ಸಪ್ತ ಸಾಲಿಗಳು ಹಾಗೂ ವಚನ ಸಾಹಿತ್ಯ ಆಭಿಮಾನಿಗಳು ಮತ್ತು ನೇಕಾರ ಅನುಯಾಯಿಗಳು ಸರ್ಕಾರವನ್ನು ದಾಸಿಮಯ್ಯ ಮುದನೂರ ಎಂದು ಮರುನಾಮಕರಣ ಮಾಡಲು ಒತ್ತಾಯಸಬೇಕೆಂದು ಕರೆ ನೀಡಿದ್ದಾರೆ.

ವಿಶ್ವಕ್ಕೆ ನೇಕಾರ ಕೊಟ್ಟ ಕೊಡಿಗೆ ಮರೆಯುವಂತಿಲ್ಲ, ಕರ್ನಾಟಕದ ವಿವಿಧ ವಿಶ್ವವಿದ್ಯಾಲಯದಗಳಲ್ಲಿ ಶರಣರ ಬಗ್ಗೆ ಇರುವ ಪೀಠಗಳನ್ನು ರದ್ದು ಪಡಿಸಿ ,ಅವುಗಳಿಗೆ ನೀಡುತ್ತಿರುವ ಅನುದಾನವನ್ನು ದ್ವಿಗುಣ ಗೊಳಿಸಿ, ಕೇಂದ್ರ ಸರ್ಕಾರದಿಂದ ಹೆಚ್ಚಿನ ಅನುಧಾನ ಪಡೆದು, ಶರಣ ಧರ್ಮ ಪೀಠ ಮತ್ತು ವಚನ ಸಾಹಿತ್ಯಕ್ಕೆ ನೀಡಲಿ, ಒಬ್ಬ ಸಮರ್ಥ ಕನ್ನಡ ವಚನ ಸಾಹಿತ್ಯದ ಬಗ್ಗೆ ಆಳವಾಗಿ ಅಧ್ಯಯನ ಮಾಡಿರುವವರನ್ನು ಇದರ ಮುಖ್ಯಸ್ಥರನ್ನಾಗಿ ಮಾಡಿ , 11ನೇ ಶತಮಾನದ ವಚನ ಸಾಹಿತ್ಯದ ಬಗ್ಗೆ ಸಮಗ್ರ ಚಿಂತನೆ ಮಾಡುವ ಪ್ರಮುಖ ಕೇಂದ್ರವಾಗಿ ಬೆಳೆಯುವಂತೆ ರಾಜ್ಯ ಸರ್ಕಾರ ಮತ್ತು ಕೇಂದ್ರ ಸರ್ಕಾರಗಳು ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.

ಈ ಶರಣ ಧರ್ಮ ಪೀಠ ಅಂತರರಾಷ್ಟ್ರೀಯ ಮಟ್ಟಕ್ಕೆ ಬೆಳೆಯಬೇಕು, 11 ನೇ ಮತ್ತು 12 ನೇ ಶತಮಾನದ ಶರಣರ ಚಿಂತನೆ ಜಗತ್ತಿನಾದ್ಯಂತ ಪ್ರಚಾರ ಮಾಡಿದರೆ ಅದೇ ಅತಿ ದೊಡ್ಡ ಧರ್ಮ ಸೇವೆ, ಅದೇ ದೊಡ್ಡ ಗೌರವ, ಈಗ ಅಲ್ಲಿ ನೀರಿನ ಮೂಲ ಸೌಕರ್ಯ ವಿದೆ, ಇದರ ಬಗ್ಗೆ ಪ್ರಜ್ಞಾವಂತರು, ಚಿಂತಕರು ಮತ್ತು ಶರಣರ ಬಗ್ಗೆ ಗೌರವ ಇರುವವರೆಲ್ಲರು ಒಗ್ಗೂಡಿ ಸರ್ಕಾರದ ಮನವೊಲಿಸಬೇಕೆಂದು ಮನವಿ ಮಾಡಿದ್ದಾರೆ.