ಕಲಬುರಗಿ ಕಸಾಪದಿಂದ `ಬಹುಭಾಷಾ ಕವಿಗೋಷ್ಠಿ’

ಕಲಬುರಗಿ: ಕನ್ನಡ ಕಾರ್ಯ ಚಟುವಟಿಕೆಗಳನ್ನು ನಿರಂತರ ಆಯೋಜನೆ ಮಾಡುವುದರಿಂದ ಮುಂದಿನ ಪೀಳಿಗೆಗೆ ಅನುಕೂಲ ಮಾಡಿದಂತಾಗುತ್ತದೆ. ಪ್ಲಾಸ್ಟಿಕ್ ಮುಕ್ತ ಜಿಲ್ಲೆಯನ್ನಾಗಿಸಲು ಜಿಲ್ಲಾಡಳಿತ ಕ್ರಮ ವಹಿಸಿದೆ. ಜೊತೆಗೆ ಯು.ಎಸ್. ಜೊತೆ ಒಪ್ಪಂದ ಮಾಡಿಕೊಂಡಿದ್ದು, ಬರುವ ದಿನಗಳಲ್ಲಿ ಜಲ್ಲೆಯ 25 ಸಾವಿರ ಯುವಕರಿಗೆ ಯುವ ಸಬಲೀಕರಣ ಕಾರ್ಯಕ್ರಮ ರೂಪಿಸಲಾಗುತ್ತಿದೆ. ಕನ್ನಡ ಭಾಷೆ ಕುರಿತು ಅಭಿಮಾನ ಬೆಳೆಸಿಕೊಳ್ಳಬೇಕೆಂದು ಜಿಲ್ಲಾಧಿಕಾರಿ ಬಿ ಫೌಜಿಯಾ ತರನ್ನುಮ್ ಹೇಳಿದರು.

ಕರ್ನಾಟಕ ಸಂಭ್ರಮ-50 ಪ್ರಯುಕ್ತ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ನಗರದ ಕನ್ನಡ ಭವನದ ಸುವರ್ಣ ಸಭಾ ಭವನದಲ್ಲಿ ಗುರುವಾರ ಏರ್ಪಡಿಸಿದ `ಬಹುಭಾಷಾ ಕವಿಗೋಷ್ಠಿ’ ಯನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಮಾತೃ ಭಾಷೆಯಿಂದ ಮೂಡಿ ಬರುವ ಸಾಹಿತ್ಯ ಹೃದಯ ತಟ್ಟುತ್ತದೆ. ಮುಂದಿನ ಪೀಳಿಗೆಗೆ ಬದುಕಿನ ದಾರಿ ದೀಪವಾಗುತ್ತದೆ. ಕಲಬುರಗಿ ನೆಲ ಸಂಪದ್ಭರಿತವಾದುದು ಎಂದು ಮನದುಂಬಿ ಮಾತನಾಡಿದರು.

ಜಿಲ್ಲಾ ಕಸಾಪ ಅಧ್ಯಕ್ಷ ವಿಜಯಕುಮಾರ ಪಾಟೀಲ ತೇಗಲತಿಪ್ಪಿ ಮಾತನಾಡಿ, ವರ್ಷ ಪೂರ್ತಿ ಕನ್ನಡ ಸಾಹಿತ್ಯ ಪರಿಷತ್ತಿನಿಂದ ಸಾಂಸ್ಕøತಿಕ ಚಟುವಟಿಕೆಗಳನ್ನು ಕೈಗೊಳ್ಳಲು ನಿರ್ಧರಿಸಲಾಗಿದೆ. ವೈಚಾರಿಕ ನೆಲೆಗಟ್ಟಿನಲ್ಲಿ ಹೊಸ ಸಮಾಜ ನಿರ್ಮಿಸಬೇಕಾಗಿದೆ. ಈ ಸಮಾಜದಲ್ಲಿ ಪರಸ್ಪರ ಪ್ರೀತಿ-ವಿಶ್ವಾಸಗಳೊಂದಿಗೆ ಮಾನವೀಯ ಮೌಲ್ಯಗಳನ್ನು ಬಿತ್ತಬೇಕು ಎಂದ ಅವರು, ಈ ನಿಟ್ಟಿನಲ್ಲಿ ಭಾಷಾ ಸೌಹಾರ್ದತೆಯನ್ನು ಮೂಡಿಸುವಲ್ಲಿ ಪರಿಷತ್ತು ಶ್ರಮವಹಿಸುತ್ತಿದೆ. ಕನ್ನಡ ಭಾಷೆಯ ಮೇಲಿನ ಅನ್ಯ ಭಾಷಿಗರ ದೌರ್ಜನ್ಯ ನಾವು ಎಂದೂ ಸಹಿಸುವುದಿಲ್ಲ ಎಂದು ಒತ್ತಿ ಹೇಳಿದರು.

ಹಿರಿಯ ಸಾಹಿತಿ ಡಾ. ಶ್ರೀಶೈಲ್ ನಾಗರಾಳ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಡಾ. ಸುನೀಲ ಪನ್ವಾರ್, ಪ್ರಸಿದ್ಧ ಚಿತ್ರಕಲಾವಿದ ಮಹ್ಮದ್ ಅಯಾಜುದ್ದೀನ್ ಪಟೇಲ್, ಚಿಂಚೊಳಿ ಪಿಎಲ್‍ಡಿ ಬ್ಯಾಂಕ್ ಅಧ್ಯಕ್ಷ ಚಂದ್ರಕಲಾ ತಟ್ಟೇಪಳ್ಳಿ ಮಾತನಾಡಿದರು. ಜಿಲ್ಲಾ ಕಸಾಪ ಗೌರವ ಕಾರ್ಯದರ್ಶಿಗಳಾದ ಶಿವರಾಜ ಅಂಡಗಿ, ಯಶ್ವಂತರಾಯ ಅಷ್ಠಗಿ, ಕೋಶಾದ್ಯಕ್ಷ ಶರಣರಾಜ್ ಛಪ್ಪರಬಂದಿ, ಬಿ ಎಂ ಪಾಟೀಲ ಕಲ್ಲೂರ, ಡಾ. ರೆಹಮಾನ್ ಪಟೇಲ್, ರವೀಂದ್ರಕುಮಾರ ಭಂಟನಳ್ಳಿ, ಸಿದ್ಧಲಿಂಗ ಜಿ ಬಾಳಿ, ಬಾಬುರಾವ ಪಾಟೀಲ, ರಾಜೇಂದ್ರ ಮಾಡಬೂಳ, ಶಿವಾನಂದ ಮಠಪತಿ, ಸೋಮಶೇಖರಯ್ಯಾ ಹೊಸಮಠ, ಶ್ರೀಕಾಂತ ಪಾಟೀಲ ದಿಕ್ಸಂಗಿ, ಪ್ರಬುಲಿಂಗ ಮೂಲಗೆ, ಸಂತೋಷ ಕುಡಳ್ಳಿ, ನರಸಿಂಗರಾವ ಹೇಮನೂರ, ಶಿಲ್ಪಾ ಜೋಶಿ, ಶಕುಂತಲಾ ಪಾಟೀಲ, ರಾಜೇಂದ್ರ ಮಾಡಬೂಳ, ವಿಶ್ವನಾಥ ತೊಟ್ನಳ್ಳಿ, ಪ್ರಭವ ಪಟ್ಟಣಕರ್, ಮಾಲಾ ಕಣ್ಣಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.

ಪತ್ರಕರ್ತ ಸೂರ್ಯಕಾಂತ ಜಮಾದಾರ ಅವರನ್ನು ಪರಿಷತ್ತಿನ ವತಿಯಿಂದ ಜಿಲ್ಲಾ ಮಟ್ಟದ ರಾಜ್ಯೋತ್ಸವ ಗೌರವ ಪುರಸ್ಕಾರವನ್ನು ನೀಡಲಾಯಿತು.

ಪ್ರಮುಖರಾದ ಪಿಂಟು ಸಿಂಧೆ, ಶರಣಮ್ಮ ಹಿರೇಮಠ, ಮಲ್ಲಿಕಾಜುನ ಸಂಗೋಳಗಿ, ಪರಮೇಶ್ವರ ಯಳಮೇಲಿ, ಅಶ್ವಿನಿ ದೇಸಾಯಿ, ತುಕಾರಾಮ ಶಿವಯ್ಯಾ, ಗಫೂರ ಸಾಬ್ ಅವರನ್ನು ಇದೇ ಸಂದರ್ಭದಲ್ಲಿ ವಿಶೇಷವಾಗಿ ಸತ್ಕರಿಸಲಾಯಿತು.

ಗಮನ ಸೆಳೆದ ಕವಿಗೋಷ್ಠಿ : ಕವಿಗಳಾದ ಶಾಂತಾ ಪಸ್ತಾಪೂರ, ವಿಜಯಕುಮಾರ ಚೌಧರಿ, ಜ್ಯೋತ್ಸ್ನಾ ಹೇರೂರಕರ್, ವೆಂಕುಬಾಯಿ ರಜಪೂತ, ಧರ್ಮಣ್ಣ ಹೆಚ್ ಧನ್ನಿ, ಖಾಜಾ ಪಟೇಲ್, ರಾಜಕುಮಾರ ಉದನೂರ, ಮಡಿವಾಳಪ್ಪ ಹೇರೂರ, ವಿಕ್ರಮ್ ನಿಂಬರ್ಗಾ, ಶಕುಂತಲಾ ಪಾಟೀಲ, ಭುವನೇಶ್ವರಿ ಎಂ.ಬಿ.ನಿಂಗಪ್ಪ, ಸುರೇಖಾ ಎಂ ಜೇವರ್ಗಿ, ವಾಜೀದ್ ಅಖ್ತರ್ ಸಿದ್ದಿಕಿ, ಮುಸ್ತಫಾ ಅದಿಲ್, ಸಾದೀಕ್ ಕಿರ್ಮಾನಿ, ರೇಣುಕಾ ಎನ್. ಸೇರಿದಂತೆ ಅನೇಕ ಕವಿಗಳು ಪ್ರಸ್ತುತ ಸಮಾಜದ ಸಮಸ್ಯೆಗಳ ಮೇಲೆ ಬೆಳಕು ಚೆಲ್ಲುವ ಮೂಲಕ ಪ್ರೇಕ್ಷಕರ ಗಮನ ಸೆಳೆದರು.