ದಾಸರಿಗೆ, ಶರಣರಿಗೆ ಜಾತಿ ಸೀಮಿತ ಬೇಡ

ಕಲಬುರಗಿ; ದಾಸರು, ಶರಣರು ಮಾನವ ಕುಲವನ್ನೇ ಒಂದುಗೂಡಿಸಿ ಜಾತಿ ನಿರ್ಮೂಲನೆ ಮಾಡಿ ಶ್ರೇಷ್ಠ ವ್ಯಕ್ತಿಗಳಾಗಿದ್ದಾರೆ ಎಂದು ಜನಪರ ಹೋರಾಟಗಾರ, ನ್ಯಾಯವಾದಿ ಹಣಮಂತರಾಯ ಎಸ್ ಅಟ್ಟೂರ ಹೇಳಿದರು.

ತಾಲೂಕಿನ ಉಪಳಾಂವ ಗ್ರಾಮದ ಶ್ರೀರಾಮ ಕನ್ನಡ ಕಾನ್ವೆಂಟ್ ಶಾಲೆಯ ಆವರಣದಲ್ಲಿ ಕನಕದಾಸ ಜಯಂತಿ ಸಮಾರಂಭ ಉದ್ಘಾಟಿಸಿ ಮಾತನಾಡುತ್ತಾ ಕನಕದಾಸರು ಸಮಾಜದಲ್ಲಿ ಮೇಲು, ಕೀಳು, ಜಾತಿ, ಮತ, ಸಿದ್ಧಾಂತದ ವಿರುದ್ಧ ಪ್ರತಿಭಟನೆ ನೆಲೆಗಟ್ಟಿನಲ್ಲಿ ದಾಸ ಸಾಹಿತ್ಯಕ್ಕೆ ವೈಚಾರಿಕ ಪ್ರವೇಶ ತಂದುಕೊಟ್ಟರು. ಅವರು ಸಾರಿದ ತತ್ವ ಆದರ್ಶಗಳು ಇಂದಿಗೂ ಪ್ರಸ್ತುತ ಅವರು ನೀಡಿದ ಆದರ್ಶ ನಮಗೆ ದಾರಿದೀಪವಾಗಲಿ. ಇಂದಿನ ದಿನಮಾನಗಳಲ್ಲಿ ಕೆಲವು ಜನರು ಶ್ರೇಷ್ಠ ವ್ಯಕ್ತಿಗಳನ್ನು ಜಾತಿ ಧರ್ಮಕ್ಕೆ ಸೀಮಿತ ಮಾಡುತ್ತಿರುವುದು ವಿಪರ್ಯಾಸದ ಸಂಗತಿ. ಅವರ ವಿಚಾರಗಳನ್ನು ನಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಉತ್ತಮವಾದ ಸಮಾಜ ನಿರ್ಮಿಸಬೇಕೆಂದು ಹೇಳಿದರು.

ಮುಖ್ಯ ಅತಿಥಿಗಳಾದ ಉಪಳಾಂವ ಸರಕಾರಿ ಪ್ರಾಥಮಿಕ ಶಾಲೆಯ ಶಿಕ್ಷಕರಾದ ಕುಪೇಂದ್ರ ಮಾತನಾಡುತ್ತ ಕನಕದಾಸರು ಒಬ್ಬ ಶ್ರೇಷ್ಠ ದಾಸರು ಅವರು ಭಕ್ತಿ ಪಂಥವನ್ನೇ ಮೆಚ್ಚಿ ಶ್ರೇಷ್ಠ ದಾಸರಾದರು. ದಾಸರು ಭಕ್ತಿ ಹಾಗೂ ದಾಸೋಹದ ಶಕ್ತಿಯನ್ನು ಜಗತ್ತಿಗೆ ತೋರಿಸಿಕೊಟ್ಟಿದ ಮಹಾನ ಸಂತರು ಎಂದು ಹೇಳಿದರು.

ವೇದಿಕೆಯ ಮೇಲೆ ಸಂಸ್ಥೆಯ ಅಧ್ಯಕ್ಷರಾದ ಓಂ ದೇವಿ ಬಿರಾದಾರ, ಸಂಸ್ಥಾಪಕರಾದ ಗೌಡೇಶ ಬಿರಾದಾರ, ಮುಖ್ಯಗುರುಗಳಾದ ಜ್ಯೋತಿ ಪಾಟೀಲ ಉಪಸ್ಥಿತರಿದ್ದರು.

ಕಾರ್ಯಕ್ರಮದಲ್ಲಿ ಶಿಕ್ಷಕರಾದ ಶ್ವೇತಾ ಆರ್ ರೆಡ್ಡಿ, ದೇವರಾಜ್ ಎಸ್ ಮಳ್ಳಿ, ಸುಶ್ಮಿತಾ ವಿ. ಕುಂಬಾರ, ಸಂಗೀತಾ ಪಾಟೀಲ, ಶಿಲ್ಪಾ ಹೂಗಾರ, ಮೀನಾಕ್ಷಿ ಜಮಾದಾರ, ಸುನೀತಾ ಸೇರಿದಂತೆ ವಿದ್ಯಾರ್ಥಿಗಳು ಹಾಗೂ ಪಾಲಕರು ಭಾಗವಹಿಸಿದ್ದರು. ಧನ್ಯವಾದಗಳೊಂದಿಗೆ,