ಮತದಾರರ ಪರಿಶೀಲನೆ ಕಾರ್ಯ ಆರಂಭ

೦೧೦೯ ಸುರಪುರ ೦೧
ನಗರದ ತಹಶಿಲ್ದಾರ ಕಚೇರಿ ಸಭಾಂಗಣದಲ್ಲಿ ಭಾನುವಾರ ತಹಶಿಲ್ದಾದರ ಸುರೇಶ ಅಂಕಲಗಿ ಅಧ್ಯಕ್ಷತೆಯಲ್ಲಿ ಮತದಾರರ ಪರಿಶೀಲನಾ ಕಾರ್ಯಕ್ರಮವನ್ನು ಉದ್ಘಾಟಿಸಲಾಯಿತು.

ಸುರಪುರ: ಮತದಾರರ ಪಟ್ಟಿಯಲ್ಲಿರುವ ಲೋಪದೋಷಗಳು ಹಾಗೂ ನಕಲಿ ಮತದಾರರನ್ನು ತಡೆಯುವ ನಿಟ್ಟಿನಲ್ಲಿ ಕೇಂದ್ರ ಚುನಾವಣಾ ಆಯೋಗವು ಮತದಾರರ ಪರಿಶೀಲನೆ ಕಾರ್ಯ ಆರಂಭಿಸಲಾಗಿದೆ ಎಂದು ತಹಶಿಲ್ದಾರ ಸುರೇಶ ಅಂಕಲಗಿ ತಿಳಿಸಿದರು.

ನಗರದ ತಹಶಿಲ್ದಾರ ಕಚೇರಿಯ ಸಭಾಂಗಣದಲ್ಲಿ ನಡೆದ ಮತದಾರರ ಪರಿಶೀಲನಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು ತಾಲೂಕಿನಲ್ಲಿ ನಕಲಿ ಮತದಾರರ ಹಾವಳಿ ಇದೆ ಎಂದು ಸಾಕಷ್ಟು ದೂರುಗಳು ಬಂದಿವೆ ಮತ್ತು ಮತದಾರರ ಪಟ್ಟಿಯಲ್ಲಿನ ಹೆಸರು ಮತ್ತು ವಿಳಾಸಗಳು ತಪ್ಪಾಗಿ ನಮೂದಾಗಿದ್ದರೆ ಅವುಗಳನ್ನು ಪರಿಶೀಲಿಸಿ ತಿದ್ದುಪಡಿ ಮಾಡಿಕೊಳ್ಳಬಹುದಾಗಿದೆ ಎಂದು ತಿಳಿಸಿದರು.

ಮತದಾರರ ಪಟ್ಟಿಯನ್ನು ಸಮಗ್ರವಾಗಿ ಪರಿಷ್ಕಿರಿಸುವ ಉದ್ದೇಶಹೊಂದಿದೆ ಕಾರಣ ಮತಗಟ್ಟೆ ಅಧಿಕಾರಿಗಳು ತಪ್ಪದೆ ಪ್ರತಿಯೊಬ್ಬ ಮತದಾರರನ್ನು ಸಂಪರ್ಕಿಸಿ ಮತದಾರರ ಪಟ್ಟಿಯಲ್ಲಿರುವ ಅವರ ಹೆಸರು ಮತ್ತು ವಿಳಾಸ ಹಾಗೂ ಭಾವಚಿತ್ರಗಳನ್ನು ಪರಿಶೀಲಿಸಿ ಲೋಪದೋಶ ವಿದ್ದಲ್ಲಿ ತಮಗೆ ನೀಡಿರುವ ಮೊಬೈಲ ಅಪ್ಲಿಕೇಶನ ಮೂಲಕ ತಿದ್ದುಪಡಿಮಾಡಿ ಈ ಕಾರ್ಯದ ಕುರಿತು ನಿರ್ಲಕ್ಷ ಸಲ್ಲದು ಎಂದು ಮತಗಟ್ಟೆ ಅಧಿಕಾರಿಗಳಿಗೆ ಎಚ್ಚರಿಸಿದರು.

ಶಿವರಾಜ ನಾಯಕ ಬೊಮ್ಮನಳ್ಳಿ, ವೆಂಕಟೇಶ ಭಕ್ರಿ, ಶಿವರಾಜ ವಾಗಣಗೇರಾ ಅಧಿಕಾರಿಗಳಾದ ಅಶೋಕ ಸುರಪುರ, ಬಸವರಾಜ ಇನಾಮದಾರ, ವಿಶ್ವನಾಥ, ಸೋಮಶೇಕರ, ಪ್ರದೀಪ ಸೇರಿದಂತೆ ಇನ್ನಿತರರಿದ್ದರು.