ಪ್ರೊ. ರಮೇಶ ಯಾಳಗಿಗೆ ರಾಜ್ಯ ಮಟ್ಟದ ಗಿರಿ ಸಿರಿ ರಾಜ್ಯೋತ್ಸವ ಪ್ರಶಸ್ತಿ

ಕಲಬುರಗಿ: ಯಾದಗಿರಿಯ ಎಸ್.ಡಿ ಶಿಕ್ಷಣ ಸಂಸ್ಥೆ ಮತ್ತು ಗಿರಿ ಸಿರಿ ಸಾಂಸ್ಕ್ರತಿಕ ಕಲಾ ಸಂಸ್ಥೆ ವತಿಯಿಂದ ಕೊಡಮಾಡುತ್ತಿರುವ ರಾಜ್ಯ ಮಟ್ಟದ ಗಿರಿ ಸಿರಿ ಪ್ರಶಸ್ತಿಗೆ ಕಲಬುರಗಿ ಜಿಲ್ಲೆಯ ರಾಜಾಪುರ ಬಡಾವಣೆಯ ಡಾ.ರಾಜಕುಮಾರ ಸಾಹಿತ್ಯಿಕ ಮತ್ತು ಸಾಂಸ್ಕ್ರತಿಕ ಕಲಾ ಸಂಘದ ಅಧ್ಯಕ್ಷರಾದ ಪ್ರಾಧ್ಯಾಪಕ ಪ್ರೊ. ರಮೇಶ.ಬಿ.ಯಾಳಗಿ’ಯವರನ್ನು ಆಯ್ಕೆ ಮಾಡಲಾಗಿದೆ ಎಂದು ಜಂಟಿ ಸಂಸ್ಥೆಯ ಅಧ್ಯಕ್ಷರಾದ ದುರ್ಗಪ್ಪ ಪೂಜಾರಿ ಮತ್ತು ಮರಿಲಿಂಗ ಪೂಜಾರಿ’ಯವರು ತಿಳಿಸಿದ್ದಾರೆ.

ಶಿಕ್ಷಣ,ಸಂಘಟನೆ,ಸಾಹಿತ್ಯ,ಸಂಗೀತ,ರಂಗಭೂಮಿ,ಸಮಾಜ ಸೇವೆ ಹೀಗೆ ವಿವಿಧ ಕ್ಷೇತ್ರಗಳಲ್ಲಿ ದುಡಿಯುತ್ತಿರುವ ಇವರನ್ನು ಆಯ್ಕೆ ಮಾಡಲಾಗಿದೆ ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಇವರು ಪ್ರಶಸ್ತಿಗೆ ಆಯ್ಕೆಯಾಗಿದ್ದಕ್ಕಾಗಿ ಡಾ.ರಾಜಕುಮಾರ ಸಾಹಿತ್ಯಿಕ ಮತ್ತು ಸಾಂಸ್ಕ್ರತಿಕ ಕಲಾ ಸಂಘದ ಕಾರ್ಯದರ್ಶಿಗಳಾದ ಯಲ್ಲಾಲಿಂಗ. ಝ.ದಂಡಿನ್ ಮತ್ತು ಅವರ ಗೆಳೆಯರ ಬಳಗ ಹಾಗೂ ವಿದ್ಯಾರ್ಥಿ ಗಳು ಹರ್ಷ ವ್ಯಕ್ತಪಡಿಸಿದ್ದಾರೆ.