ಅಂಗವಿಕಲರ ಮಶಾಸನ ಹೆಚ್ಚಳಕ್ಕೆ ಶಾಸಕಿ ಕನೀಜ್ ಫಾತೀಮಾಗೆ ಮನವಿ

ಕಲಬುರಗಿ: ಅಂಗವಿಕಲರಿಗೆ ನೀಡಲಾಗುತ್ತಿರುವ ಮಶಾಸನ ವೇತನವನ್ನು ರೂ. 6000ವರೆಗೆ ಹೆಚ್ಚಿಸಲು ಸರಕಾರಕ್ಕೆ ಶೀಫಾರಸು ಮಾಡಬೇಕೆಂದು ನ್ಯೂ ಲೈಫ್ ಅಂಗವಿಕಲರ ಮಹಿಳೆಯರ ಸಂಘ ಕಲಬುರಗಿ ಉತ್ತರ ಮತಕ್ಷೇತ್ರದ ಶಾಸಕಿ ಕನೀಜ್ ಫಾತೀಮಾ ಅವರಿಗೆ ಮನವಿ ಪತ್ರ ಸಲ್ಲಿಸಿ ರಾಜ್ಯ ಸರಕಾರಕ್ಕೆ ಆಗ್ರಹಿಸಿದ್ದಾರೆ.

ಮಂಗಳವಾರ ನಗರದ ಜಿಲ್ಲಾ ಅಂಗವಿಕಲರ ಕಲ್ಯಾಣ ಇಲಾಖೆಯ ಅಧಿಕಾರಿಗಳಿ ಮನವಿ ಸಲ್ಲಿಸಿದ ಬಳಿಕ ಶಾಸಕಿ ಕನೀಜ್ ಫಾತೀಮಾ ಅವರ ನಿವಾಸಕ್ಕೆ ನಿಯೋಗದ ಸದಸ್ಯರು ಭೇಟಿ ಮಾಡಿ ಮನವಿ ಸಲ್ಲಿಸಿದರು.

ಪ್ರತಿಯೊಂದು ವಸ್ತುವಿನ ಬೆಲೆ ಏರಿಕೆಯಿಂದ ಈಗಾಗಲೇ. ರೂ. 1400 ಮಶಾಸನ ವೇತನ ಯಾವುದಕ್ಕೂಸಾಲುತ್ತಿಲ್ಲ. ದಿನ ಬಳಕೆಯ ಸಮಾನುಗಳ ದರ ಏರಿಕೆಯಿಂದ ಅಂಗವಿಕಲರು ಇತರರ ಮೇಲೆ ಅವಲಂಭಿತರಾಗುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಸ್ವಾಲಂಬನೆ ಮತ್ತು ಘನತೆಯಿಂದ ಬದುಕುಲ ಮಶಾಸನ ಕೇವಲ ಅನುಕಂಪಕ್ಕೆ ಸಿಮಿತಗೊಂಡಿರುವಂತೆ ಅನಿಸಿದೆ ಎಂದು ಕಳವಳ ವ್ಯಕ್ತಪಡಿಸಿದರು.

ಶಾಸಕಿ ಪುತ್ರ ಫರಾಜ್ ಉಲ್ ಇಸ್ಲಾಂ ಅವರು ಮನವಿ ಸ್ವೀಕರಿಸಿ ಮಾತನಾಡಿದ ಅವರು ಬೇಡಿಕೆಗಳು ಸರಕಾರದ ಗಮನಕ್ಕೆ ತರುವ ಬಗ್ಗೆ ಶಾಸಕರಿಗೆ ತಿಳಿಸುವುದಾಗಿ ಭರವಸೆ ನೀಡಿದರು.

ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷರಾದ ಮಹೆಬೂಬ್ ಬಿ, ಉಪಾಧ್ಯಕ್ಷರಾದ ಶಕೀಲಾ, ಕಾರ್ಯದರ್ಶಿ ಶಮಿಮ್ ಬೇಗಂ ಜಗದೇವಿ ಸೇರಿದಂತೆ ಹಲವರು ಇದ್ದರು.