ಚಿಂಚೋಳಿ: ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷದ ಸಂಸ್ಥಾಪನಾ ದಿನಾಚರಣೆ

ಚಿಂಚೋಳಿ: ಪಟ್ಟಣದಲ್ಲಿರುವ ಬ್ಲಾಕ್ ಕಾಂಗ್ರೆಸ್ ಸಮಿತಿ, ಕಾರ್ಯಾಲಯದಲ್ಲಿ, 139 ನೇ ವರ್ಷದ ಭಾರತೀಯ ರಾಷ್ಟ್ರಿಯ ಕಾಂಗ್ರೆಸ್ ಪಕ್ಷದ ಸಂಸ್ಥಾಪನಾ ದಿನಾಚರಣೆಯ ಅಂಗವಾಗಿ ಬ್ಲಾಕ್ ಕಾಂಗ್ರೆಸ್ ಸಮಿತಿ ಚಿಂಚೋಳಿ ಅಧ್ಯಕ್ಷ ಬಸವರಾಜ ಆರ್. ಮಲಿ ರವರು ವಂದೇ ಮಾತರಂ ರಾಷ್ಟ್ರೀಯ ಗಾನ ಹಾಡುವುದರ ಮೂಲಕ ಕಾಂಗ್ರೆಸ್ ಪಕ್ಷದ ಧ್ವಜಾರೋಹಣ ನೆರವೇರಿಸಿ, ಭಾರತೀಯ ರಾಷ್ಟ್ರಿಯ ಕಾಂಗ್ರೆಸ್ ಪಕ್ಷ ಸಂಸ್ಥಾಪನಾ ದಿನಾಚರಣೆಯನ್ನು ಆಚರಿಸಿದರು.

ನಂತರ ಮಾತನಾಡಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ತನ್ನ ಭವ್ಯ ಇತಿಹಾಸದ 138 ವರ್ಷಗಳನ್ನು ಪೂರ್ಣಗೊಳಿಸಿ, 139ನೇ ವರ್ಷಕ್ಕೆ ಕಾಲಿಡುತ್ತಿದೆ, ಕಾಂಗ್ರೆಸ್ ಪಕ್ಷದ ತತ್ವ – ಸಿದ್ಧಾಂತಃಗಳನ್ನು ಮತ್ತು ಸ್ವಾತಂತ್ರ್ಯ ಹೋರಾಟದಲ್ಲಿ ಹಾಗೂ ರಾಷ್ಟ್ರನಿರ್ಮಾಣದಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷದ ಪಾತ್ರವನ್ನು ಕುರಿತು ಜನರಿಗೆ ತಿಳಿಸಬೇಕೆಂದು ಕಾರ್ಯಕರ್ತರಿಗೆ ಹೇಳಿದರು.

ಈ ಸಂದರ್ಭದಲ್ಲಿ ಕಾಂಗ್ರೆಸ್ ಮುಖಂಡರುಗಳಾದ ಚಿಂತನ್ ಸುಭಾಷ್ ರಾಠೋಡ, ಶರಣು ಪಾಟೀಲ್, ನಾಗೇಶ್ ಗುಣಾಜಿ, ಸಂತೋಷ ಗುತ್ತೇದಾರ, ಸುರೇಶ ಭಂಟಾ, ಮಹ್ಮದ ಹಾದಿಸಾಬ್, ಬಸವರಾಜ ಕಡಬೂರ, ಡಾ. ತುಕ್ಕರಾಮ್ ಪವಾರ, ಸುಭಾಷ್ಚಂದ್ರ ಪಾಟೀಲ್, ಸಂತೋಷ್ ಸಿಂಹ, ಗಂಗಾಧರ ಗಡ್ಡಿಮನಿ, ಸಂತೋಷ್ ಚಿಟ್ಟಾ, ಖುಬೂ ಜಾಧವ, ಚಂದ ಪಟೇಲ್, ಹಣಮಂತ ಗೌರಿ, ಶಾಮರಾವ್ ರಾಠೋಡ, ಮತ್ತಿನ ಸೌಧಗಾರ, ರಮೇಶ್ ವಾರಕರ, ಹಫೀಜ್ ಪಟೇಲ್, ಸಂತೋಷ್ ಪವಾರ, ಸೂರ್ಯಕಾಂತ ರಾಠೋಡ, ಜಗನಾಥ ರಾಠೋಡ, ಗೋಪಾಲ ಕೊರಡಂಪಳ್ಳಿ ಹಾಗೂ ಅನೇಕ ಮುಖಂಡರು ಉಪಸ್ಥಿತರಿದ್ದರು.