ಜ. 7 ರಂದು ಬುದ್ಧ, ಬಸವ, ಅಂಬೇಡ್ಕರ್ ಸಂಘದ ಉದ್ಘಾಟನೆ

ಕಲಬುರಗಿ: ಬುದ್ಧ, ಬಸವ, ಅಂಬೇಡ್ಕರ್ ಸಂಘದ ಉದ್ಘಾಟನೆ, ನಾಮಫಲಕ ಅನಾವರಣ ಮತ್ತು ಉದ್ಯಾನವನದಲ್ಲಿ ಸಸಿ ನೆಡುವ ಕಾರ್ಯಕ್ರಮವನ್ನು ಜನವರಿ 07 ರಂದು ರವಿವಾರ ಬೆಳಿಗ್ಗೆ 11 ಗಂಟೆಗೆ ನಗರದ ಹಿರಾಪೂರ ರೈಲ್ವೆ ಗೇಟ್ ಹತ್ತಿರ ಇರುವ ಪ್ರಕೃತಿ ಕಾಲೋನಿಯ ಕ್ಯೂಪಿ ಲೇಔಟ್ ಬಡಾವಣೆಯಲ್ಲಿ ಹಮ್ಮಿಕೊಳ್ಳಲಾಗಿದೆ.

ದಕ್ಷಿಣ ಮತಕ್ಷೇತ್ರದ ಶಾಸಕ ಅಲ್ಲಮಪ್ರಭು ಪಾಟೀಲ್ ಇವರು ನಾಮ ಫಲಕ ಅನಾವರಣಗೊಳಿಸಲಿದ್ದಾರೆ. ಕರ್ನಾಟಕ ವಿಧಾನ ಪರಿಷತ್ ಸದಸ್ಯ ತಿಪ್ಪಣ್ಣಪ್ಪ ಕಮಕನೂರ ಇವರು ಕಾರ್ಯಕ್ರಮದ ಉದ್ಘಾಟನೆ ನೇರವೇರಿಸಲಿದ್ದಾರೆ. ಕಲಬುರಗಿ ಮಹಾನಗರ ಪಾಲಿಕೆಯ ಪೂಜ್ಯ ಮಹಾಪೌರ ವಿಶಾಲ ಧರ್ಗಿ ಇವರು ಬುದ್ದ, ಬಸವ, ಅಂಬೇಡ್ಕರ್ ಸಂಘದ ಉದ್ಘಾಟನೆ ಮಾಡಲಿದ್ದಾರೆ. ಬಿದ್ದಾಪೂರ ಕಾಲೋನಿಯ ಮಹಾನಗರ ಪಾಲಿಕೆಯ ಸದಸ್ಯೆ ಪಾರ್ವತಿ ರಾಜು ದೇವದುರ್ಗ ಇವರು ಉದ್ಯಾನವನದಲ್ಲಿ ಸಸಿ ನೆಡುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಿದ್ದಾರೆ.

ಸಂಘದ ಅಧ್ಯಕ್ಷ ಎ.ಬಿ. ಹೊಸಮನಿ ಪ್ರಾಸ್ತಾವಿಕವಾಗಿ ಮಾತನಾಡಲಿದ್ದಾರೆ. ಉಪಾಧ್ಯಕ್ಷ ಹರಿಬಾಬು ಸ್ವಾಗತ ಕೋರಲಿದ್ದು, ಪ್ರಧಾನ ಕಾರ್ಯದರ್ಶಿ ಬಿ.ಎಸ್. ಕಾಗೆ ಇವರು ಕಾರ್ಯಕ್ರಮ ನಿರೂಪಸಲಿದ್ದಾರೆ. ಸಂಘದ ಖಜಾಂಚಿ ಖಾಜಪ್ಪ ಹಂಚನಾಳ ಇವರು ವಂದನಾರ್ಪಣೆ ಮಾಡಲಿದ್ದು, ಎಲ್ಲಾ ಕಾರ್ಯಕ್ರಮಗಳ ಅಧ್ಯಕ್ಷತೆಯನ್ನು ಸಂಘದ ಗೌರವ ಅಧ್ಯಕ್ಷ ಲಕ್ಷ್ಮಣ ನಾಕಮನ್ ಇವರು ವಹಿಸಲಿದ್ದಾರೆ.

ಖ್ಯಾತ ಗಾಯಕ ಸಿದ್ದಾರ್ಥ ಚಿಮ್ಮಇದ್ಲಾಯಿ ಇವರು ಸಂಗೀತ ಸೇವೆಯನ್ನು ನೀಡಲಿದ್ದಾರೆ. ಕ್ಯೂಪಿ ಲೇಔಟ್‍ನ ಅಜೀಮ ಪಟೇಲ್, ತಬರೇಜ್ ಪಟೇಲ್, ಫಯಾಜ್ ಪಟೇಲ್, ರಿಜ್ವಾನ್ ಪಟೇಲ್, ಸೈಯದ ಇಮ್ರಾನ್, ಮಹ್ಮದ ಜುಬೇರ, ಮಹ್ಮದ ಆರೀಫ್, ಸೈಯದ ಜಿಲಾನ, ಹಮೀದ ಪಠಾಣ, ಖಲೀಮ್ ಪಟೇಲ್, ಕಲೀಲ ಖಾನ್, ಜಾವೀದ ಕ್ಲಾಸಿಕ್, ಜಮೀರ ಪಟೇಲ್, ಅಹ್ಮದ ಚಾವುಸ್ ಭಾಗವಹಿಸಲಿದ್ದಾರೆ.

ಆದ್ದರಿಂದ ಕ್ಯೂಪಿ ಲೇಔಟ್ ಬಡಾವಣೆಯ ಹಾಗೂ ಪ್ರಕೃತಿ ಕಾಲೋನಿಯ ಎಲ್ಲಾ ನಾಗರೀಕರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಭಾಗವಹಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಬೇಕೆಂದು ಸಂಘದ ಅಧ್ಯಕ್ಷ ಎ.ಬಿ. ಹೊಸಮನಿ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.