ಜೈಕನ್ನಡಿಗರ ಸೇನೆ ನೆತೃತ್ವದಲ್ಲಿ ಪಾಲಿಕೆ ಆಯುಕ್ತರಿಗೆ ಮನವಿ

ಕಲಬುರಗಿ: ಮಹಾನಗರ ಪಾಲಿಕೆಯಲ್ಲಿ ಕಸ ಗೂಡಿಸುವ ಮತ್ತು ಸೆಕ್ಯೂರಿಟಿಗಾರ್ಡ್‍ಗಳಿಗೆ ವೇತನ ಪಾವತಿ ಮಾಡದ ಹೊರಗುತ್ತಿಗೆ ಸೆಕ್ಯೂರಿಟಿ ಕಂಪನಿ ವಿರುದ್ಧ ಸೂಕ್ತಕ್ರಮ ಕೈಗೊಂಡು ಕಾರ್ಮಿಕರ ಬಾಕಿ ವೇತನ ಪಾವತಿಸುಬೇಕು ಹಾಗೂ ಸರಕಾರದ ಆದೇಶದಂತೆ ಕಲಬುರಗಿ ಮಹಾನಗರ ಪಾಲಿಕೆಯಿಂದ ಬೆರೆಡೆಗೆ ವರ್ಗಾವಣೆಗೊಂಡು ಎರಡು ತಿಂಗಳಾದರು ವರ್ಗಾವಣೆಗೊಂಡ ಸ್ಥಳಕ್ಕೆ ಕರ್ತವ್ಯಕ್ಕೆ ಹಾಜರಾಗದೆ ಪಾಲಿಕೆಯಲ್ಲಿವೆ ಕೆಲಸ ನಿರ್ವಹಿಸುತ್ತಿರುವ ಬಾಬು ಸುಭಾಷ ಅವರನ್ನು ವರ್ಗಾವಣೆಗೊಂಡ ಸ್ಥಳಕ್ಕೆ ಹೋಗಲು ಆದೇಶಿಸಬೇಕೆಂದು ಜೈಕನ್ನಡಿಗರ ಸೇನೆ ನೆತೃತ್ವದಲ್ಲಿ ಪ್ರತಿಭಟನಾ ಪ್ರದರ್ಶನ ಕೈಗೊಂಡು ನಂತರ ಆಯುಕ್ತರಿಗೆ ಮನವಿ ಸಲ್ಲಿಸಲಾಯಿತು.

ಕಲಬುರಗಿ ಮಹಾನಗರ ಪಾಲಿಕೆಯಲ್ಲಿ ಕಸ ಹೊಡೆಯುವ ಮತ್ತು ಸೆಕ್ಯೂರಿಟಿ ಗಾರ್ಡ್‍ಗಳಿಗೆ ಸರಿಯಾದ ರೀತಿಯಲ್ಲಿ ಇಎಸ್‍ಐ ಹಾಗೂ ಪಿಎಫ್ ಪಾವತಿ ಮಾಡಿರುವುದಿಲ್ಲ.ಹೊರಗುತ್ತಿಗೆ ಕಂಪನಿ ವಿಜಯಪುರ ಮೂಲದ ಜೈ ಜವಾನ ಸೆಕ್ಯೂರಿಟಿ ಮ್ಯಾನಪವರ್ ???ಂಡ್ ಸರ್ವಿಸ್ ಮಾಲೀಕರು ಕಳೆದ 2023ರ ಆಗಸ್ಟ್ ಹಾಗೂ ಸೆಪ್ಟೆಂಬರ್ ತಿಂಗಳಲ್ಲಿ ಪಾಲಿಕೆಯಲ್ಲಿ ಕಸ ಗೂಡಿಸುವ ಮತ್ತು ಸೆಕ್ಯೂರಿಟಿ ಗಾರ್ಡ್‍ಗಳ ಸಂಬಳದ ಜೊತೆ ಇಎಸ್‍ಐ ಹಾಗೂ ಪಿಎಫ್ ಭರಿಸುವ ಮಾಹಿತಿ ನೀಡಿ ಪಾಲಿಕೆಯಿಂದ ಹಣ ಪಡೆದಿರುತ್ತಾರೆ. ಆದರೆ ಕಾರ್ಮಿಕರಿಗೆ ಕಳೆದ 2 ತಿಂಗಳುಗಳಿಂದ ಇಎಸ್‍ಐ ಹಾಗೂ ಪಿಎಫ್ ಭರಿಸಿಲ್ಲ.

ಈ ಕುರಿತು ವಿಚಾರಣೆ ನಡೆಸಿದರೂ ಕೂಡ ಯಾವುದೇ ರೀತಿಯಲ್ಲಿ ಸ್ಪಂದಿಸುತ್ತಿಲ್ಲ ಎಂದು ಪಾಲಿಕೆ ಅಧಿಕಾರಿಗಳು ‘ಮ್ಯಾನಪವರ್’ ಏಪ್ಸನಿಯವರವಿರುದ್ಧ ಬ್ರಹ್ಮಪೂರ ಪೆÇಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿರುತ್ತಾರೆ. ಕಾರ್ಮಿಕರ ವೇತನ ಪಾವತಿ ಮಾಡಲು ಹೊಲಮೂಲ ಸಂಸ್ಥೆಗಳನ್ನು ನೇಮಕ ಮಾಡುವುದನ್ನು ಬಿಟ್ಟು ಸ್ಥಳೀಯರನ್ನು ನೇಮಕ ಮಾಡಿದರೆ ಈ ಸಮಸ್ಯೆ ಎದುರಾಗುತ್ತಿರಲಿಲ್ಲ. ಕೂಡಲೇ ವಿಜಯಪುರ ಮೂಲದ ಜೈಜವಾನ ಸೆಕ್ಯೂರಿಟಿ ಮ್ಯಾನಪವರ್ ಆಂಡ್ ಸರ್ವಿಸ್ ಕಂಪನಿ ಮಾಲೀಕರ ವಿರುದ್ಧ ಸೂಕ್ತಕ್ರಮ ಕೈಗೊಂಡು ಸದರಿ ಕಾರ್ಮಿಕರಿಗೆ ವೇತನ ಪಾವತಿ ಮಾಡಿಸಬೇಕು’ ಎಂದು ಜೈ ಕನ್ನಡಿಗರ ಸೇನೆ ಬೇಡಿಕೆಯ ಮನವಿ ಪತ್ರಪ್ರದರ್ಶನದೊಂದಿಗೆ ಆಗ್ರಹಿಸಿದೆ. ಕಾರ್ಮಿಕರಿಗೆ ಆಗಿರುವ ಅನ್ಯಾಯವನ್ನು ಸರಿಪಡಿಸದಿದ್ದಲ್ಲಿ ಮಹಾನಗರ ಪಾಲಿಕೆ ಎದುರು ಜೈ ಕನ್ನಡಿಗರ ಸೇನೆ ಉಗ್ರವಾದ ಹೋರಾಟ ಮಾಡುವುದಾಗಿ ಮನವಿಯಲ್ಲಿ ಎಚ್ಚರಿಸಿದೆ.

ಈ ಸಂಧರ್ಭದಲ್ಲಿ ಸಂಸ್ಥಾಪಕ ಅಧ್ಯಕ್ಷರಾದ ದತ್ತುಭಾಸಗಿ, ರಾಮಾ ಪೂಜಾರಿ, ಅನೀಲ ತಳವಾರ, ಮಲ್ಲು ಆಲಗೂಡ, ಆನಂದ ಕೊಳ್ಳೂರ, ಅಮರ ಯಾದವ್, ಹಣಮಂತ ಗಂಜ್ ಹಾಗೂ ಹಲವಾರು ಕಾರ್ಯಕರ್ತರು ಉಪಸ್ಥಿತರಿದ್ದರು.