ನಿವೃತ್ತ ಸೈನಿಕ ಸಿದ್ಧಲಿಂಗ ಮಲ್ಲಶೆಟ್ಟಿ ಚಿತಲಿಗೆ ಸನ್ಮಾನ

ಕಲಬುರಗಿ: ಆಳಂದ ಸೈನಿಕ ಸಂಘದ ಅಧ್ಯಕ್ಷರಾಗಿ ನಿವೃತ್ತ ಸೈನಿಕ ಸಿದ್ಧಲಿಂಗ ಮಲ್ಲಶೆಟ್ಟಿ ಚಿತಲಿ ಆಳಂದ ಇವರು ನೇಮಕ ಗೊಂಡಿದಕ್ಕೆ ಇವರನ್ನು ಹೀರಾಪೂರ ಆದಿ ಬಣಜಿಗ ಸಮಾಜದ ಯುವ ವೇದಿಕೆಯ ಅಧ್ಯಕ್ಷ ಭೀಮಾಶಂಕರ ಯಳಮೇಲಿ ಇವರ ನೇತೃತ್ವದಲ್ಲಿ ನಗರದ ಖಾಸಗಿ ಸಭಾಗಂಣದಲ್ಲಿ ಸನ್ಮಾನಿಸಲಾಯಿತು.

ಅತಿಥಿಗಳಾಗಿ ಆಗಮಿಸಿದ ಆದಿ ಬಣಜಿಗ ಸಮಾಜದ ಸಾಮಾಜಿಕ ಜಾಲತಾಣ ಮುಖ್ಯಸ್ಥ ಸಾಹೇಬಗೌಡ್ರು ಮುಡಬೂಳ ಕೊಪ್ಪಳ ಇವರು ಮಾತನಾಡಿ ಸಿದ್ಧಲಿಂಗ ಮಲ್ಲಶೆಟ್ಟಿ ಯವರು ಸುಮಾರು 28 ವರ್ಷ ದೇಶಸೇವೆ ಮಾಡಿ ಇಡೀ ತಮ್ಮ ಜೀವನವನ್ನು ದೇಶಸೇವೆಗಾಗಿ ಮುಡುಪಾಗಿಟ್ಟಿದ್ದಾರೆ.

ದೇಶದ ರಕ್ಷಣಯೆ ಅವರ ಕರ್ತವ್ಯವಾಗಿ ಬೆಳೆಸಿಕೊಂಡರು. ಮತ್ತು ಕಾರ್ಗಿಲ್ ಯುದ್ಧ ಸಮಯದಲ್ಲಿ ಬಹಳ ಕಠಿಣವಾದ ಸಂದರ್ಭದಲ್ಲಿ ಜೀವದ ಮೇಲೆ ಆಸೆ ಇರದೇ, ಪ್ರಾಣದ ಭೀತಿಯಿರದೇ ದೇಶಕ್ಕಾಗಿ ಹೋರಾಡಿದ ಮಹಾನ್ ವೀರಯೋಧರಿವರು.

ಇಂಥವರಿಗೆ ಆಳಂದ ತಾಲೂಕಿನ ಸೈನಿಕ ಸಂಘಟನೆಯ ಅಧ್ಯಕ್ಷರಾಗಿ ಆಯ್ಕೆಯಾದುದಕ್ಕೆ ಆದಿ ಬಣಜಿಗ ಸಮಾಜದ ಹೆಮ್ಮೆ ಮತ್ತು ಗೌರವವನ್ನು ತಂದು ಕೊಟ್ಟಿದ್ದಾರೆ. ಈ ಕಾರಣಕ್ಕಾಗಿ ಅವರು ನಮ್ಮ ಆದಿ ಬಣಜಿಗ ಸಮಾಜದ ವೀರಯೋಧರು ನಮ್ಮವರು ಎನ್ನುವ ಗೌರವದಿಂದ ಆದಿ ಬಣಜಿಗ ಸಮಾಜದ ವತಿಯಿಂದ ಸನ್ಮಾನಿಸುತ್ತಿರುವುದು ತುಂಬಾ ಶ್ಲಾಘನೀಯ ಎಂದರು.

ಸಿದ್ಧಲಿಂಗ ಮಲ್ಲಶೆಟ್ಟಿ ಅವರು ಸನ್ಮಾನ ಸ್ವಿಕರಿಸಿ ಮಾತನಾಡಿ ನಾನು ದೇಶ ಸೇವೆ ಮೋಡಿದ್ದು ನನ್ನ ಪುಣ್ಯ, ದೇಶ ಸೇವೆಯೇ ಈ ಸೇವೆಯಂದು ಪ್ರಾಮಾಣಿಕವಾಗಿ ಸೇವೆ ಮಾಡಿದ್ದೇನೆ ಇನ್ನು ಮುಂದೆ ಈ ಸಂಘಟನೆಯ ಅಧ್ಯಕ್ಷರಾಗಿ ಮಾಡಿದ್ದಕ್ಕೆ ನನಗೆ ಜವಾಬ್ದಾರಿ ಹೆಚ್ಚಿಗೆ ಬಂದಿದೆ ನವ ಯುವಕರನ್ನು ದೇಶಸೇವೆ ಅಭಿಮಾನದ ಜೊತೆಗೆ ಸೈನಿಕರ ತರಬೇತಿ ಕೊಡುತ್ತೇನೆ, ವೀರಯೋಧರನ್ನಾಗಿ ಮಾಡಲು ಸತತ ಪ್ರಯತ್ನಿಸುತ್ತೇನೆ ಇದು ನನ್ನ ನಿಜ ಜೀವನದ ಕಾಯಕವಾಗಿ ಮಾಡಿಕೊಳ್ಳುತ್ತೇನೆ ಹಾಗೆ ನಮ್ಮ ಆದಿ ಬಣಜಿಗ ಸಮಾಜದ ಸೇವೆ ಕೂಡಾ ಮುನ್ನಡೆಸಿಕೊಂಡು ಹೋಗುತ್ತೇನೆ ಸಮಾಜದವರು ನನ್ನನ್ನು ಗುರುತಿಸಿ ಸನ್ಮಾನಿಸಿದ್ದಕ್ಕೆ ತುಂಬಾ ಧನ್ಯವಾದಗಳು ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಚಿದಾನಂದ ಕೋಲಾರ, ಚಂದ್ರು ಪಾಟೀಲ ಇದ್ದರು.