ಕೊಲೆ ಮಾಡಿ ಶವ ಕಾಲುವೆಗೆ ಎಸೆದ ಕೊಲೆಗಡುಕರು

ಶಹಾಪುರ: ಇಲ್ಲಿನ ಹಳಿಸಗರ ಗ್ರಾಮದ ಯುವಕನೊ೯ವನ್ನು ಕೊಲೆ ಮಾಡಿ ಕೈ ಕಾಲು ಹಗ್ಗದಿಂದ ಕಟ್ಟಿ ಕಾಲುವೆಗೆ ಎಸೆದಿರುವ ಘಟನೆ ಬಾಣತಿಹಾಳ ಗ್ರಾಮದ ಹತ್ತಿರ ಜರುಗಿದೆ.

ಶಹಾಪುರ ನಗರದ ಹಳಿಸಗರ ಗ್ರಾಮದ ನಿವಾಸಿಯಾದ ಸುರೇಶ್ ಗಾಂಜಿ (21) ಕೊಲೆಯಾದ ಯುವಕ.

ರವಿವಾರದಂದು ದ್ವಿಚಕ್ರವಾಹನ ಮೂಲಕ ಹೊರಗಡೆ ಹೋಗಿ ಬರುತ್ತೇನೆಂದು ಹೇಳಿ ಹೋದ ಯುವಕ ಮನೆಗೆ ಮರಳಿ ಬಾರದಿದ್ದಾಗ ಅನುಮಾನಗೊಂಡು ಇಡೀ ಅವರ ಕುಟುಂಬದವರು ರಾತ್ರಿಯೆಲ್ಲ ಹುಡುಕಾಡಿದ್ದಾರೆ.

ನಿನ್ನೆ ರಾತ್ರಿ ಬಾಣತಿಹಾಳ ಗ್ರಾಮದ ಕಾಲುವೆಯಲ್ಲಿ ಸುರೇಷ ಶವವಾಗಿ ಪತ್ತೆಯಾಗಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ಕೊಲೆಗಡುಕರನ್ನು ಕೂಡಲೇ ಪತ್ತೆ ಹಚ್ಚಿ ಶಿಕ್ಷೆಗೆ ಗುರಿಪಡಿಸಬೇಕೆಂದು ಕುಟುಂಬಸ್ಥರು ಒತ್ತಾಯಿಸಿದ್ದಾರೆ ಈ ಈ ಪ್ರಕರಣದ ಕುರಿತು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.