ತಿಂಥಣಿ ದೇವಾಪುರದಲ್ಲಿ ಅದ್ಧೂರಿ ಸಂವಿಧಾನ ಜಾಗೃತಿ ಜಾಥಾ

ಸುರಪುರ: ಜಿಲ್ಲಾ ಆಡಳಿತ,ಜಿಲ್ಲಾ ಪಂಚಾಯತಿ ಯಾದಗಿರಿ ಹಾಗೂ ಸಮಾಜ ಕಲ್ಯಾಣ ಇಲಾಖೆ ಯಾದಗಿರಿ ಇವರುಗಳ ವತಿಯಿಂದ ತಾಲೂಕಿನ ತಿಂಥಣಿ ಹಾಗೂ ದೇವಾಪುರ ಗ್ರಾಮಗಳಲ್ಲಿ ಸಂವಿಧಾನ ಜಾಗೃತಿ ಜಾಥಾ ಕಾರ್ಯಕ್ರಮ ನಡೆಸಲಾಯಿತು.

ರವಿವಾರ ಬೆಳಿಗ್ಗೆ 11 ಗಂಟೆಗೆ ತಿಂಥಣಿ ಗ್ರಾಮಕ್ಕೆ ಜಾಥಾ ಆಗಮಿಸುತ್ತಿದ್ದಂತೆ,ಶಾಲಾ,ಕಾಲೇಜಿನ ವಿದ್ಯಾರ್ಥಿಗಳು ಹಾಗೂ ಕಲಾ ತಂಡಗಳಿಂದ ಮೆರವಣಿಗೆ ನಡೆಸಲಾಯಿತು.ನಂತರ ಸಂವಿಧಾನದ ಪೀಠಿಕೆ ಬೋಧಿಸುವ ಮೂಲಕ ಸಂವಿಧಾನದ ಕುರಿತು ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲಾಯಿತು.

ನಂತರ ತಿಂಥಣಿಯಿಂದ ದೇವಾಪುರ ಜಾಥಾ ಆಗಮಿಸುತ್ತಿದ್ದಂತೆ ಗ್ರಾಮ ಪಂಚಾಯತಿ ವತಿಯಿಂದ ಗ್ರಾಮಕ್ಕೆ ಅದ್ಧೂರಿ ಸ್ವಾಗತ ಕೋರಲಾಯಿತು.ಜಾಥಾದ ರಥದ ಮೆರವಣಿಗೆಯನ್ನು ನಡೆಸಲಾಯಿತು,ಜಾಥಾದಲ್ಲಿ ಶಾಲಾ,ಕಾಲೇಜಿನ ವಿದ್ಯಾರ್ಥಿಗಳ ಕೋಲಾಟ,ಲೇಜಿಮ್ ಹಾಗೂ ಡೊಳ್ಳಿನ ಕಲಾ ತಂಡದ ಕುಣಿತ ನೋಡುಗರ ಗಮನಸೆಳೆಯಿತು.ನಂತರ ಗ್ರಾಮದಲ್ಲಿ ಸಂವಿಧಾನ ಪೀಠಿಕೆ ಬೋಧಿಸಲಾಯಿತು.

ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯತಿ ಅಧ್ಯಕ್ಷರು,ಸದಸ್ಯರು ಹಾಗೂ ಸಮಾಜ ಕಲ್ಯಾಣ ಇಲಾಖೆ ಸಿಬ್ಬಂದಿಗಳಾದ ಹನಮಂತ,ರಬ್ಬಾನಿ ಹಾಗೂ ಗ್ರಾಮ ಪಂಚಾಯತಿ ಅಭಿವೃಧ್ಧಿ ಅಧಿಕಾರಿಗಳಾದ ಭೀಮರಾಯ ಮಕಾಶಿ,ಪಿ.ಡಿ.ಹಳ್ಳಿ,ಶಿಕ್ಷಣ ಇಲಾಖೆಯ ಇ.ಸಿ.ಓ ಶಿವಪುತ್ರ ಹಾಗೂ ವಿವಿಧ ಸಂಘಟನೆಗಳ ಮುಖಂಡರಾದ ಗಂಗಾಧರ ನಾಯಕ ತಿಂಥಣಿ,ಮಲ್ಲಿಕಾರ್ಜುನ ಸಾಹುಕಾರ, ಶಿವಪುತ್ರ ಜವಳಿ,ಶಿವಲಿಂಗ ಹಸನಾಪುರ,ಮರಿಲಿಂಗಪ್ಪ ಗುಡಿಮನಿ,ತಿಪ್ಪಣ್ಣ ಶೆಳ್ಳಗಿ,ಎಮ್.ಪಟೇಲ್,ಖಾಜಾ ಅಜ್ಮೀರ್ ಸೇರಿದಂತೆ ನೂರಾರು ಜನರು ಭಾಗವಹಿಸಿದ್ದರು.