ಶಾಸಕ ರಾಜಾ ವೆಂಕಟಪ್ಪ ಅಭಿಮಾನಿ ಸಾವು

ಸುರಪುರ: ಶಾಸಕ ರಾಜಾ ವೆಂಕಟಪ್ಪ ನಾಯಕ ಅವರ ಅಭಿಮಾನಿಯೊಬ್ಬ ಅಂತಿಮ ದರ್ಶನಕ್ಕೆಂದು ರಾಯಚೂರಿನಿಂದ ಸುರಪುರಕ್ಕೆ ಬರುವಾಗ ಕಾರು ಅಪಘಾತವಾಗಿ ಸಾವನ್ನಪ್ಪಿರುವ ಧಾರುಣ ಘಟನೆ ನಡೆದಿದೆ.

ನಗರದ ಕುಂಬಾರಪೇಟದ ನಿವಾಸಿ ಮರೆಪ್ಪ ಹಿರೇಕುರುಬ ಎನ್ನವ 35 ವರ್ಷದ ಯುವಕ ರಾಯಚುರಿನ ಕೃಷಿ ವಿಶ್ವವಿದ್ಯಾಲಯದಲ್ಲಿ ಪ್ರೋಫೆಸರ್ ವೃತ್ತ ಮಾಡುತ್ತಿದ್ದು,ಶಾಸಕ ರಾಜಾ ವೆಂಕಟಪ್ಪ ನಾಯಕ ಅವರ ನಿಧನದ ಸುದ್ದಿ ತಿಳಿದು ರಾಯಚೂರಿನಿಂದ ಕಾರು ಚಲಾಯಿಸಿಕೊಂಡು ಸುರಪುರಕ್ಕೆ ಆಗಮಿಸುತ್ತಿರುವ ಸಮಯದಲ್ಲಿ ದೇವದುರ್ಗ ತಾಲೂಕಿನ ಕರಡಿಗುಡ್ಡದ ಬಳಿಯ ನಿಲವಂಜಿ ಕ್ರಾಸ್ ಬಳಿ ಕಾರು ಅಪಘಾತವಾಗಿ ಮರೆಪ್ಪ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದು,ಇವರ ಜೊತೆಗೆ ಆಗಮಿಸುತ್ತಿದ್ದ ಸಹಪಾಠಿ ಪ್ರೊಫೆಸರ್ ಸುನಿಲ ಶಿರವಾಳ ಎನ್ನುವವರಿಗೆ ಗಾಯಗಳಾಗಿದ್ದು ರಾಯಚೂರಿನ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ.

ಮರೆಪ್ಪ ಹಿರೇಕುರುಬನ ನಿಧನದ ಸುದ್ದಿ ತಿಳಿಯುತ್ತಿದ್ದಂತೆ ಕುಟುಂಬದಲ್ಲಿ ಶೋಕ ಮಡುಗಟ್ಟಿದ್ದು,ಸಂಜೆ ಕುಂಬಾರಪೇಟ ಅವರ ನಿವಾಸಕ್ಕೆ ಶವ ತರುತ್ತಿದ್ದಂತೆ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.ಜಾಲಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.