ಕಲಬುರಗಿ ಕಾಡಾ ಅಧ್ಯಕ್ಷರಾಗಿ ಡಾ.ರಶೀದ್: ಕಾರ್ಯಕರ್ತರಿಂದ ವಿಜಯೋತ್ಸವ

ಶಹಾಬಾದ: ಕಲಬುರಗಿ ಕಾಡಾ ಅಧ್ಯಕ್ಷರಾಗಿ ಶಹಾಬಾದ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಡಾ.ರಶೀದ್ ಮರ್ಚಂಟ್ ಅವರನ್ನು ನೇಮಕ ಮಾಡಿ ಸರ್ಕಾರ ಆದೇಶ ಹೊರಡಿಸಿದ ಬೆನ್ನಲ್ಲೇ ಶುಕ್ರವಾರ ನಗರದ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು ಡಾ.ರಶೀದ್ ಅವರನ್ನು ಸನ್ಮಾನಿಸಿ, ಸಿಹಿ ಹಂಚಿ, ಪಟಾಕಿ ಸಿಡಿಸಿ ವಿಜಯೋತ್ಸವ ಆಚರಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಕಾಂಗ್ರೆಸ್ ಪಕ್ಷದ ಉಪಾಧ್ಯಕ್ಷ ವಿಜಯಕುಮಾರ ಮುಟ್ಟತ್ತಿ, ತಾಲೂಕಿನ ಇತಿಹಾಸದಲ್ಲಿ ನಿಗಮ ಮಂಡಳಿ ಅಧ್ಯಕ್ಷ ಸ್ಥಾನ ಒಲಿದು ಬಂದಿರುವುದು ಮೊಟ್ಟ ಮೊದಲನೆದಾಗಿ ಕಾಂಗ್ರೆಸ್ ಪಕ್ಷದ ಅಧ್ಯಕ್ಷರಾದ ಡಾ.ರಶೀದ್ ಮರ್ಚಂಟ್ ಅವರಿಗೆ.ಪಕ್ಷಕ್ಕಾಗಿ ದುಡಿದವರಿಗೆ ಪಕ್ಷ ಗುರುತಿಸುತ್ತದೆ ಎಂಬುದಕ್ಕೆ ಇದೇ ಸಾಕ್ಷಿ ಎಂದರು.

ಮಾಜಿ ಸ್ಥಾಯಿ ಸಮಿತಿ ಅಧ್ಯಕ್ಷ ಕುಮಾರ ಚವ್ಹಾಣ ಮಾತನಾಡಿ, ಸುಮಾರು 40 ವರ್ಷ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರಾಗಿ ಅದರಲ್ಲಿ 20 ವರ್ಷ ಅಧ್ಯಕ್ಷರಾಗಿ ಸೇವೆ ಸಲ್ಲಿಸುವುದರ ಮೂಲಕ ಎಲ್ಲ ಸಮಾಜದ ಜನರ ಜತೆ ಅನೋನ್ಯ ಸಂಬಂಧ ಹೊಂದಿದ್ದಾರೆ.ಅವರ ಸರಳತೆ ಹಾಗೂ ಪಕ್ಷದ ನಿಷ್ಠೆಗೆ ಕಾಡಾ ಅಧ್ಯಕ್ಷ ಸ್ಥಾನ ಲಭಿಸಿರುವುದು ಸಂತೋಷ ತಂದಿದೆ ಎಂದರು.

ನೂತನ ಕಾಡಾ ಅಧ್ಯಕ್ಷರಾಗಿ ನೇಮಕವಾಗಿರುವ ಶಹಾಬಾದ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಡಾ.ರಶೀದ್ ಮರ್ಚಂಟ್ ಮಾತನಾಡಿ, ಸಿಎಂ ಸಿದ್ದರಾಮಯ್ಯ, ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್,ಜಿಲ್ಲಾ ಉಸ್ತುವಾರಿ ಸಚಿವರಾದ ಪ್ರಿಯಾಂಕ್ ಖರ್ಗೆ, ಸಚಿವರಾದ ಶರಣ ಪ್ರಕಾಶ ಪಾಟೀಲ, ಶಾಸಕರಾದ ಬಿ.ಆರ್.ಪಾಟೀಲ, ಅಲ್ಲಮಪ್ರಭು ಪಾಟೀಲ,ಅಜಯ್‍ಸಿಂಗ್, ಎಮ್.ವೈ.ಪಾಟೀಲ, ಖನೀಜ್ ಫಾತಿಮಾ,ಮಾಜಿ ಸಂಸದ ಇಕ್ಬಾಲ್ ಅಮಹ್ಮದ್ ಸರಡಗಿ, ಜಿಲ್ಲಾಧ್ಯಕ್ಷ ಜಗದೇವ ಗುತ್ತೆದಾರ,ಜಿಲ್ಲಾ ಮುಖಂಡ ರಾಧಾಕೃಷ್ಣ ಸೇರಿದಂತೆ ಎಲ್ಲಾ ಮುಖಂಡರಿಗೆ ಅಭಾರಿಯಾಗಿದ್ದೇನೆ. ವರಿಷ್ಟರು ಪಕ್ಷದಲ್ಲಿ ಸಲ್ಲಿಸಿರುವ ಸೇವೆಯನ್ನು ಗುರುತಿಸಿ ಕಾಡಾ ಅಧ್ಯಕ್ಷರನ್ನಾಗಿ ನೇಮಕ ಮಾಡಿದ್ದು, ಮುಂದಿನ ದಿನಗಳಲ್ಲಿ ವರಿಷ್ಟರು ನೀಡಿರುವ ಜವಬ್ದಾರಿಯನ್ನು ಸಮರ್ಪಕವಾಗಿ ನಿರ್ವಹಿಸುವ ಸರ್ಕಾರದ ಜನಪರ ಯೋಜನೆಗಳನ್ನು ಅನುμÁ್ಠನಗೊಳಿಸಲು ಶ್ರಮಿಸುವುದಾಗಿ ತಿಳಿಸಿದರು.

ಪ್ರಮುಖ ಮುಖಂಡರಾದ ಯಾಕೂಬ ಮರ್ಚಂಟ್, ನಾಗಣ್ಣ ರಾಂಪೂರೆ,ಹಾಷಮ್ ಖಾನ್,ವಿಶ್ವರಾಧ್ಯ ಬೀರಾಳ, ಶರಣಗೌಡ ಪಾಟೀಲ,ಸಾಹೇಬಗೌಡ ಬೋಗುಂಡಿ,ಅನ್ವರ್ ಪಾಶಾ,ಮಾಣಿಕ್‍ಗೌಡ ಪಾಟೀಲ, ಫಜಲ್ ಪಟೇಲ್, ದಿಲೀಪ್ ನಾಯಕ,ಮಹ್ಮದ್ ಬಾಕ್ರೋದ್ದಿನ್,ಮಹ್ಮದ್ ಇಮ್ರಾನ್, ಮುನ್ನಾ ಪಟೇಲ, ನಾಗರಾಜ ಕರಣಿಕ್,ಬಾಬಾ, ಸಾಜಿದ್ ಗುತ್ತೆದಾರ,ಮೃತ್ಯುಂಜಯ್ ಹಿರೇಮಠ,ಹರೀಶ ಕರಣಿಕ್,ಮಹ್ಮದ್ ಉಬೆದುಲ್ಲಾ, ಎಂ.ಎ.ಜಲೀಲ್,ಅಜೀಮ್ ಸೇಠ, ನಜಿಬ್ ಕಾನ್,ಶಂಕರ ಕೋಟನೂರ್, ಕಿಶನ್ ನಾಯಕ, ಸುಲೇಮಾನ ಕೋಲಾರಕರ್,ಖಾಜಾ ಪಟೇಲ್ ಇತರರು ಇದ್ದರು.