HKES ಸಂಸ್ಥೆಯ ಅಧ್ಯಕ್ಷರಾಗಿ ಆಯ್ಕೆಯಾದ ಶಶೀಲ್ ಜಿ. ನಮೋಶಿಗೆ ಸನ್ಮಾನ

ಕಲಬುರಗಿ: ಕಲ್ಯಾಣ ಕರ್ನಾಟಕ ಭಾಗದ ಪ್ರತಿಷ್ಠಿತ ಸಂಸ್ಥೆಯಾದ ಹೈ.ಕ.ಶಿಕ್ಷಣ ಸಮೂಹ ಸಂಸ್ಥೆಗೆ ಅಧ್ಯಕ್ಷರಾಗಿ ಆಯ್ಕೆಗೊಂಡ ಶಶೀಲ್ ಜಿ. ನಮೋಶಿ ಅವರನ್ನು ಇಂದು ಅವರ ನಿವಾಸದಲ್ಲಿ, ಸದ್ಗುರು ಶ್ರೀ ದಾಸಿಮಯ್ಯ ಸಮಿತಿ ವತಿಯಿಂದ ಶಾಲು ಹೊದಿಸಿ, ನೂಲಿನ ಹಾರ ಹಾಕಿ ಸನ್ಮಾನಿಸಲಾಯಿತು.

ಸಮಿತಿಯ ಗೌರವಾಧ್ಯಕ್ಷ ಹಾಗೂ ರಾಜ್ಯ ಹಟಗಾರ ಸಮಾಜದ ಪ್ರಾತಿನಿಧಿಕ ಸಂಘದ ಸಂಸ್ಥಾಪಕ ಮತ್ತು ನಿವೃತ್ತ ಪೊಲೀಸ್ ಅಧಿಕಾರಿಯಾದ ಆರ.ಸಿ.ಘಾಳೆ ಯವರು ಮಾತನಾಡಿ ನಿಮ್ಮ ನೈತೃತ್ವದಲ್ಲಿ KLE ಮತ್ತು BLDE ಕಿಂತ ಸಂಸ್ಥೆ ಉನ್ನತಿಕರಣ ಹೊಂದಲಿ ಎಂದು ಶುಭಕೋರಿದರು.

ನಂತರ ಸಮಿತಿಯ ಅಧ್ಯಕ್ಷ ಶಿವಲಿಂಗಪ್ಪಾ ಅಷ್ಟಗಿ ಗೌರವಿಸಿ ಮಾತನಾಡುತ್ತ ಈ ಭಾಗದಲ್ಲಿ ಸ್ಥಾಪನೆ ಗೊಳ್ಳುತ್ತಿರುವ ಜವಳಿ ಪಾರ್ಕ್ ಗೆ ದಾಸಿಮಯ್ಯ ನವರ ಹೆಸರು ಇಡುವ ನಿಟ್ಟಿನಲ್ಲಿ ಪ್ರಯತ್ನ ಸಾಗಲಿ ನಾವು ಸಪ್ತ ನೇಕಾರರು ಸಹಕರಿಸಲು ಸಿದ್ಧರಿದ್ದೇವೆ ಎಂದು ತಿಳಿಸಿದರು.

ಪದಾಧಿಕಾರಿಗಳಾದ ನ್ಯಾಯವಾದಿ ವಿನೋದ ಕುಮಾರ ಜೇನವೆರಿ ಮಾತನಾಡುತ್ತಾ, ನಿಮ್ಮ 33 ವರ್ಷಗಳ ರಾಜಕೀಯ ಪಯಣದಲ್ಲಿ ಸದಾ ನಿಮಗೆ ಬೆಂಬಲ ನೀಡಿದ ಸಮುದಾಯಗಳ ಸಮಸ್ಯೆಗಳಿಗೆ ಸ್ಪಂದಿಸಿ ನ್ಯಾಯ ಒದಗಿಸುವ ಕಾರ್ಯವಾಗಲಿ ಎಂದು ಕೊರಲಾಯಿತು.

ಇದೆ ಸಂದರ್ಭದಲ್ಲಿ ಈ ಮಹತ್ವದ ಚುನಾವಣೆಯಲ್ಲಿ ನಮೋಶಿ ಯವರ ಆಪ್ತ ಸಹಾಯಕರಾಗಿ ಸೇವೆ ಸಲ್ಲಿಸಿದ ಯುವ ಇಂಜಿನಿಯರ್ ಶಿವರಾಜ ನಡಗೇರಿ (ಕರಜಗಿ) ಯವರನ್ನು ಮಾಲಾರ್ಪಣೆ ಮಾಡಿ ಅಭಿನಂದಿಸಲಾಯಿತು.

ಕಾರ್ಯಕ್ರಮದಲ್ಲಿ ವಕೀಲ ರಮೇಶ ಕಡಾಳೆ, ಶಿಕ್ಷಕ ಗಿರೀಶ ಕಡ್ಲೆವಾಡ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.