ರುಕ್ಮಾಪುರ ಶರಣಬಸವೇಶ್ವರ: 8 ರಂದು ದೀಪೋತ್ಸವ, 9ರಂದು ರಥೋತ್ಸವ

ಸುರಪುರ: ತಾಲೂಕಿನ ರುಕ್ಮಾಪುರ ಗ್ರಾಮದಲ್ಲಿ ಶ್ರೀ ಶರಣಬಸವೇಶ್ವರರ ೨೪ನೇ ವರ್ಷದ ರಥೋತ್ಸವದ ಅಂಗವಾಗಿ ಏ.೮ರಂದು ದೀಪೋತ್ಸವ, ಧರ್ಮಸಭೆ ಹಾಗೂ ೯ರಂದು ರಥೋತ್ಸವ ನಡೆಯಲಿದೆ.

ಏ.೮ರಂದು ಸಂಜೆ ೬ಕ್ಕೆ ಧರ್ಮಸಭೆ ಹಾಗೂ ದೀಪೋತ್ಸವ ನಡೆಯಲಿದೆ.ಸಾನಿಧ್ಯವನ್ನು ಗ್ರಾಮದ ಹಿರೇಮಠ ಸಂಸ್ಥಾನದ ಶ್ರೀ ಗುರುಶಾಂತಮೂರ್ತಿ ಶಿವಾಚಾರ್ಯರು, ಶಹಾಪುರ ಗುರುಪೀಠ ಸಂಸ್ಥಾನ ಮಠದ ಶ್ರೀ ಸಿದ್ದೇಶ್ವರ ಶಿವಾಚಾರ್ಯರು, ಲಕ್ಷ್ಮೀಪುರದ ಡಾ.ಚೆನ್ನಮಲ್ಲಿಕಾರ್ಜುನ ಶಿವಾಚಾರ್ಯರು, ಸುರಪುರ ಕಡ್ಲಪ್ಪನವರ ಮಠದ ಶ್ರೀ ಪ್ರಭುಲಿಂಗ ಮಹಾಸ್ವಾಮಿಗಳು, ಚಟ್ನಳ್ಳಿ ಹಿರೇಮಠದ ಶ್ರೀ ವಿಶ್ವಾರಾಧ್ಯ ದೇವರು ವಹಿಸಲಿದ್ದಾರೆ. ಶರಣು ಬಿ.ಗದ್ದುಗೆ, ಮಲ್ಲಿಕಾರ್ಜುನ ಪಿ. ಗಂಗಾಧರ ಮಠ, ಸಿದ್ಧಯ್ಯ ಸ್ವಾಮಿ ಬೆಣ್ಣೆಸೂರು, ಅಮರಯ್ಯಸ್ವಾಮಿ ಜಾಲಿಬೆಂಚಿ, ಸೋಮಯ್ಯ ಕರಿಭಂಟನಾಳ, ಶೈಲಾ ಪ್ರವೀಣಕುಮಾರ, ಹನುಮಗೌಡ ಪೊಲೀಸ್ ಪಾಟೀಲ್ ದಳಪತಿ, ಕೊಟ್ರೆಪ್ಪಗೌಡ, ಶಿವಕುಮಾರ ಸಾಹುಕಾರ, ನಿಂಗಪ್ಪ ಕಡಿಮನಿ, ಸೋಮಸೇಖರ ಗೋಗಿ ಸೇರಿದಂತೆ ಮೊದಲಾದವರು ಪಾಲ್ಗೊಳ್ಳಲಿದ್ದಾರೆ.

ಏ.೯ರಂದು ಯುಗಾದಿ ಹಬ್ಬದ ದಿನದಂದು ಸಂಜೆ ೬.೩೦ಕ್ಕೆ ರಥೋತ್ಸವ ನಡೆಯಲಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಮಸ್ಥರು ಹಾಗೂ ಸುತ್ತಮುತ್ತಲಿನ ಭಕ್ತರು ಪಾಲ್ಗೊಳ್ಳಬೇಕೆಂದು ಬಳೋಂಡಗಿ ಸಂಸ್ಥಾನ ಹಿರೇಮಠದ ಶ್ರೀ ಶಿವಶರಣಯ್ಯ ಸ್ವಾಮಿ, ಸದ್ಬಕ್ತ ಮಂಡಳಿಯವರು ತಿಳಿಸಿದ್ದಾರೆ.