ಹುಬ್ಬಳ್ಳಿಯ ನೇಹಾ ಹತ್ಯೆ ಆರೋಪಿಗೆ ಕಾಂಗ್ರೆಸ್ ರಕ್ಷಣೆ: ಸಂಸದ ಡಾ. ಉಮೇಶ್ ಜಾಧವ್ ಆರೋಪ

ಸೇಡಂ: ಹುಬ್ಬಳ್ಳಿಯಲ್ಲಿ ಅಮಾಯಕ ವಿದ್ಯಾರ್ಥಿನಿ ನೇಹಾ ಹಿರೇಮಠ್ ಹತ್ಯೆ ಮಾಡಿದ ಆರೋಪಿ ರಕ್ಷಣೆಗೆ ಕಾಂಗ್ರೆಸ್ ಸರಕಾರ ಮುಂದಾಗಿದೆ. ಇದು ನಮ್ಮ ದುರಂತ. ಕಾಂಗ್ರೆಸ್ ಪಕ್ಷವನ್ನು ಈ ಚುನಾವಣೆಯಲ್ಲಿ ಆಯ್ಕೆ ಮಾಡಿದರೆ ನಮ್ಮ ಪರಿಸ್ಥಿತಿ ಹೇಗಿರಬಹುದು ಎಂಬುದಕ್ಕೆ ರಾಜ್ಯದಲ್ಲಿ ಇತ್ತೀಚೆಗೆ ನಡೆಯುತ್ತಿರುವ ಘಟನೆಗಳೇ ಸಾಕ್ಷಿಯಾಗಿವೆ ಎಂದು ಲೋಕಸಭಾ ಸದಸ್ಯರಾದ ಡಾ. ಉಮೇಶ್ ಜಾಧವ್ ಆರೋಪಿಸಿದ್ದಾರೆ

ಸೇಡಂ ಮಂಡಲ ಕೋಡ್ಲಾ ಮಹಾಶಕ್ತಿ ಕೇಂದ್ರದಲ್ಲಿ ಶುಕ್ರವಾರ ಬಿಜೆಪಿ ಕಾರ್ಯಕರ್ತರನ್ನದ್ದೇಶಿಸಿ ಮಾತನಾಡಿ ಕಾಂಗ್ರೆಸ್ಸಿನ ಕಾರ್ಪೊರೇಟರ್ ಪುತ್ರಿ ಎಂ ಸಿ ಎ ವಿದ್ಯಾರ್ಥಿನಿ ನೇಹಾಳನ್ನು ಅಮಾನುಷವಾಗಿ ಹತ್ಯೆ ಮಾಡಿದ ಆರೋಪಿಗಯನ್ನು ಕಾಂಗ್ರೆಸ್ ರಕ್ಷಣೆ ಮಾಡುತ್ತಿದೆ. ಲವ್ ಜಿಹಾದ್ ಹೆಸರಲ್ಲಿ ಕೊಲೆ ಮಾಡಲಾಗಿದ್ದು ಕಾಂಗ್ರೆಸ್ ನ ತುಷ್ಟಿಕರಣ ನೀತಿಯಿಂದಾಗಿ ಆರೋಪಿಯ ರಕ್ಷಣೆಗೆ ಸರಕಾರ ಮುಂದಾಗಿರುವುದು ನಮ್ಮ ದೊಡ್ಡ ದುರಂತ ಎಂದಿದ್ದಾರೆ.

ಮುಂದಿನ ಪೀಳಿಗೆಯ ರಕ್ಷಣೆಗಾಗಿ ಮತ್ತು ಉತ್ತಮ ಭವಿಷ್ಯಕ್ಕಾಗಿ ಕಾಂಗ್ರೆಸ್ ಪಕ್ಷವನ್ನು ತಿರಸ್ಕರಿಸಿ ಬಿಜೆಪಿಗೆ ಮತ ಹಾಕಿ ಮೋದಿ ಅವರನ್ನು ಗೆಲ್ಲಿಸಬೇಕಾಗಿದೆ. ಮೋದಿ ಅವರ ವಿರುದ್ಧ ಕಾಂಗ್ರೆಸ್ ಅಪಪ್ರಚಾರ ಮಾಡುತ್ತಿದ್ದು ಅಭಿವೃದ್ಧಿ ವಿರೋಧಿ ದೇಶವಿರೋಧಿ ಪಕ್ಷ ಕಾಂಗ್ರೆಸ್ ನ ರಾಷ್ಟ್ರೀಯ ಅಧ್ಯಕ್ಷರಾದ ಮಲ್ಲಿಕಾರ್ಜುನ ಖರ್ಗೆಯವರು ಟೀಕಿಸುವ ಭರದಲ್ಲಿ ಮೋದಿ ಅವರನ್ನು ಮನೆಯ ಟಿವಿಯಲ್ಲಿ ನೋಡಿದರೆ ಸಾಡೇಸಾಥ್ ತಟ್ಟುತ್ತದೆ ಎಂದು ಹೇಳಿರುವುದನ್ನು ನೋವಾಗಿದೆ ಎಂದರು.

ಅನ್ಯಾಯ ಮಾಡಿದವರಿಗೆ ಮತ್ತು ದೇಶವಿರೋಧಿಗಳಿಗೆ ಮಾತ್ರ ಮೋದಿಯವರು ಶನಿಯಂತೆ ಕಾಡುತ್ತಾರೆ ವಿನಃ ಬೇರೆ ಎಲ್ಲರಿಗೂ ಮಹಾನ್ ನಾಯಕರಾಗಿದ್ದಾರೆ. ಕಾಂಗ್ರೆಸ್ ಅರವತ್ತು ವರ್ಷಗಳ ಆಡಳಿತ ಮಾಡಿ ಅಭಿವೃದ್ಧಿ ಮಾಡದೆ ಹಗರಣಗಳಿಂದ ದೇಶವನ್ನು ಲೂಟಿ ಮಾಡಿರುವುದನ್ನು ಬಿಟ್ಟರೆ ಏನೂ ಮಾಡಿಲ್ಲ.ಆದರೆ ಮೋದಿಯವರು 10 ವರ್ಷಗಳಲ್ಲಿ ಅಭಿವೃದ್ಧಿಯ ಮೈಲಿಗಲ್ಲು ಸ್ಥಾಪಿಸಿ ಜಗತ್ತಿನಲ್ಲೇ ಭಾರತದತ್ತ ನೋಡುವಂತೆ ಮಾಡಿದ್ದಾರೆ ಎಂದರು.

ಕಾಂಗ್ರೆಸ್ಸಿನ ಸುಳ್ಳು ಪ್ರಚಾರಕ್ಕೆ ಮತದಾರರು ಕಿವಿಗೊಡದೆ ದೇಶದ ಸುರಕ್ಷತೆಗಾಗಿ ಒಂದೊಂದು ಮತವನ್ನು ಕಮಲದ ಗುರುತಿಗೆ ನೀಡಿ ಶೇಕಡಾ ನೂರರಷ್ಟು ಮತ ಚಲಾಯಿಸಿ ಈ ಬಾರಿ ಬಿಜೆಪಿಯನ್ನು 400ರ ಗಡಿ ದಾಟಲು ಮತದಾರರು ಸಹಕರಿಸಬೇಕು ಎಂದು ಮನವಿ ಮಾಡಿದರು.

ಬಿಜೆಪಿ ಜೆಡಿಎಸ್ ನಾಯಕರು ಒಗ್ಗಟ್ಟಿನಿಂದ ಬಿರುಸಿನ ಚುನಾವಣಾ ಪ್ರಚಾರ ಕೈಗೊಳ್ಳುತ್ತಿರುವುದನ್ನು ನೋಡಿದ ಕಾಂಗ್ರೆಸ್ ಗೆ ಭಯ ಶುರುವಾಗಿದೆ. ಬಿಜೆಪಿ – ಜೆಡಿಎಸ್ ಮೈತ್ರಿ ಈ ಚುನಾವಣೆಯಲ್ಲಿ ಭಾರಿ ಗೆಲುವಿನೊಂದಿಗೆ ಮೋದಿಯವರ ಅಭಿವೃದ್ಧಿ ಕಾರ್ಯಕ್ಕೆ ಕೈ ಜೋಡಿಸಲಿದೆ ಎಂದು ಜೆಡಿಎಸ್ ಜಿಲ್ಲಾಧ್ಯಕ್ಷರಾದ ಬಾಲರಾಜ್ ಗುತ್ತೇದಾರ್ ಹೇಳಿದರು.

ಕಾರ್ಯಕ್ರಮದಲ್ಲಿ ಬಿಜೆಪಿ ಜಿಲ್ಲಾ ಗ್ರಾಮೀಣಾಧ್ಯಕ್ಷರಾದ ಶಿವರಾಜ್ ಪಾಟೀಲ್ ರದ್ದೇವಾಡಗಿ,ಮಾಜಿ ಶಾಸಕರಾದ ಪಾಟೀಲ ತೇಲ್ಕೂರ್, ಅನಂತ ರೆಡ್ಡಿ, ಪರ್ವತ ರೆಡ್ಡಿ, ಸಂಗಪ್ಪ ಕೆರಳ್ಳಿ, ಅಮೀನ್ ರೆಡ್ಡಿ, ಜ್ಯೋತಿ ಶಾಬಾದಕರ್, ಶಿವಲಿಂಗ ಪಾಟೀಲ್ ರವಿ ಪಾಟೀಲ್ ಜಗನ್ನಾಥ್ ರೆಡ್ಡಿ ಶರಣಪ್ಪ ಗೌಡ ಮಲ್ಲಿಕಾರ್ಜುನ ಭೂತಪುರ್, ಅನಿಲ್ ಗೌಡ , ಸಿದ್ದು ಬಾನಾರ್ ಕೋಡ್ಲಾ, ವೀರೇಶ್ ಹೂಗಾರ್ ಮತ್ತಿತರ ಕಣ್ಣೀರು ಉಪಸ್ಥಿತರಿದ್ದರು.