ಕಾಂಗ್ರೆಸ್‌ನಿಂದಲೇ ಪ್ರಗತಿ, ಬಿಜೆಪಿ ಬರೀ ಸುಳ್ಳು ಹೇಳುತ್ತ ಯಾಮಾರಿಸುತ್ತಿದೆ: ಡಾ. ಅಜಯ್‌ ಸಿಂಗ್‌

ಜೇವರ್ಗಿ: ಕಾಂಗ್ರೆಸ್‌ ಪಕ್ಷ ಎಂದರೆ ಪ್ರಗತಿ, ಸಾಮರಸ್ಯ, ಸಹಬಾಳ್ವೆಯ ಸಂಕೇತ. ಸಮಾಜದಲ್ಲಿ ಎಲ್ಲರೂ ಸಾಮರಸ್ಯದಿಂದ ಬಾಳುವಂತೆ ವಾತಾವರಣ ನಿರ್ಮಣ ಮಾಡುವ ಪಕ್ಷ. ಆದರೆ ಬಿಜೆಪಿ ಇದಕ್ಕೆ ತದ್ವಿರುದ್ಧವಾಗಿದೆ. ಸುಳ್ಳು ಹೇಳುತ್ತ ನಿಮ್ಮನ್ನೆಲ್ಲಯಾಮಾರಿಸುತ್ತದೆ, ಬಿಜೆಪಿಯವರ ಬಗ್ಗೆ ಸದಾ ಎಚ್ಚರದಿಂದ ಇರಿ ಎಂದು ಕೆಕೆಆರ್‌ಡಿಬಿ ಅಧ್ಯಕ್ಷರು, ಜೇವರ್ಗಿ ಶಾಸಕರೂ ಆಗಿರುವ ಡಾ. ಅಜಯ್‌ ಸಿಂಗ್‌ ಹೇಳಿದರು.

ಮಂಗಳವಾರ ಜೇವರ್ಗಿಯಲ್ಲಿ ಕಲಬುರಗಿ ಲೋಕಸಭೆ ಕಾಂಗ್ರೆಸ್‌ ಅಭ್ಯರ್ಥಿಯಾದ ರಾಧಾಕೃಷ್ಣ ಪರ ಪಂಚಾಯ್ತಿ ಹಂತದಲ್ಲಿ ಬಿರುಸಿನ ಪ್ರಚಾರ ನಡೆಸಿ ಜನರನ್ನು ಉದ್ದೇಶಿಸಿ ಮಾತನಾಡಿದರು.

ಕಾಂಗ್ರೆಸ್‌ ಪಕ್ಷ ಕಳೆದ 70 ವರ್ಷದಿಂದ ಏನ್‌ ಮಾಡಿದೆ ಎಂದು ಬಿಜೆಪಿಯವರು ಕೇಳುತ್ತಾರೆ, ಸ್ವಾತಂತ್ರ್ಯನಂತರ ದಶವನ್ನ ಪ್ರಗತಿ ಪಥದಲ್ಲಿ ತರಲು ಭದ್ರ ಬುನಾದಿ ಹಾಕಿದ್ದೇ ಕಾಂಗ್ರೆಸ್‌ ಪಕ್ಷ. ಇದು ಗೊತ್ತಿದ್ದೂ ಬಿಜೆಪಿ ಜನರನ್ನ ದಿಕ್ಕು ತಪ್ಪಿಸಲು ಕಾಂಗ್ರೆಸ್‌ ಬಗ್ಗೆ ಅಪಪ್ರಚಾರ ಮಾಡುತ್ತಿದೆ. ಜನರೇ ಚುನಾವಣೆಯಲ್ಲಿ ಇದಕ್ಕೆ ಉತ್ತರಿಸುತ್ತಾರೆಂದರು.

ಡಾ. ಅಜಯ್‌ ಸಿಂಗ್‌ ಅವರು ಉರಿ ಬಿಸಿಲನ್ನೂ ಲೆಕ್ಕಿಸದೆ ಜೇವರ್ಗಿ ತಾಲೂಕಿನಲ್ಲಿ ಹರನೂರ,ಕಲ್ಲಂಹಗರಗಾ ಸೊನ್ನ್ , ಭೇಟಿ ನೀಡಿ ಆ ಪಂಚಾಯತಿಯ ವ್ಯಾಪ್ತಿಯ ಮುಖಂಡರೊಂದಿಗೆ ಪ್ರಚಾರ ಸಭೆ ನಡೆಸಿ ಮತಯಾಚನೆ ಮಾಡಿದರು. ಹಲವೆಡೆ ಪಾದಯಾತ್ರೆ ನಡೆಸಿ ಮನೆ ಮನೆ ತೆರಳಿ ಕಾಂಗ್ರೆಸ್‌ ಗ್ಯಾರಂಟಿ ಯೋಜನೆಗಳ ಬಗ್ಗೆ ಮಾಹಿತಿ ನೀಡುತ್ತ ಫಲಾನುಭವಿಗಳೊಂದಿಗೆ ಮಾತುಕತೆ ನಡೆಸಿ ಮತ ಯಾಚಿಸಿದರು.

ಜೇವರ್ಗಿ ಕಾಂಗ್ರೆಸ್‌ ಮುಖಂಡರಾದ ಸಿದ್ದಲಿಗಂರೆಡ್ಡಿ ಇಟಗಿ, ರುಕ್ಕುಮ್‌ ಪಟೇಲ್‌ ಇಜೇರಿ, ರಾಜಶೇಖರ ಸಿರಿ ಸೇರಿದಂತೆ ಪಂಚಾಯ್ತಿ ಹಂತದ ಮುಖಂಡರು, ಕಾಂಗ್ರೆಸ್ ಪಕ್ಷದ ಹಿರಿಯ ಮುಖಂಡರರು ಯುವ ಕಾರ್ಯಕರ್ತರು ಉಪಸ್ಥಿತರಿದ್ದರು.