ಸಕ್ಷಮ ರಾಷ್ಟ್ರೀಯ ಸಮ್ಮೇಳನದಲ್ಲಿ ಭಾಗಿ

ಕಲಬುರಗಿ: ವಿಶೇಷಚೇತನರ ಕಲ್ಯಾಣಕ್ಕಾಗಿ ಸಮರ್ಪಿತ ರಾಷ್ಟ್ರೀಯ ಸಂಘಟನೆ ಸಮದೃಷ್ಟಿ ಕ್ಷಮತಾ ವಿಕಾಸ ಮತ್ತು ಅನುಸಂಧಾನ ಮಂಡಲದ (ಸಕ್ಷಮ) ವತಿಯಿಂದ ಜೂ. 8 ಮತ್ತು 9ರಂದು ಪುಣೆಯಲ್ಲಿ ಏರ್ಪಡಿಸಲಾಗಿದೆ.

ಎರಡು ದಿನದ ರಾಷ್ಟ್ರೀಯ ಸಮ್ಮೇಳನದಲ್ಲಿ ಉತ್ತರ ಕರ್ನಾಟಕ ಪ್ರಾಂತದ ಎಲ್ಲಾ ಪಧಾದಿಕಾರಿಗಳ ಜೊತೆಗೆ ಕಲಬುರಗಿ ಜಿಲ್ಲಾದ್ಯಕ್ಷ ಬಸವರಾಜ ಹೆಳವರ ಯಾಳಗಿ, ಕಾರ್ಯದರ್ಶಿ ಮಲ್ಲಿಕಾರ್ಜುನ ಕುಮಸಿ ಹಾಗೂ ಖಜಾಂಚಿ ರಾಚಯ್ಯಸ್ವಾಮಿ ಅಲ್ಲೂರ ಭಾಗವಹಿಸಿದ್ದರು.

ಸುಮಾರು 1500ಕ್ಕಿಂತ ಹೆಚ್ಚು ವಿಶೇಷಚೇತನರು ದೇಶದ ವಿವಿಧ ಪ್ರಾಂತಗಳಿಂದ ಸಮ್ಮೇಳನಕ್ಕೆ ಆಗಮಿಸಿದ್ದರು. ವಿಶೇಷಚೇತನರು ಸ್ವಾವಲಂಬಿಯಾಗಿ ಉತ್ಪಾದಿಸಿರುವ ಉತ್ಪನ್ನಗಳ ಪ್ರದರ್ಶನ ಮತ್ತು ಮಾರಾಟ ಮಳಿಗೆಗಳು ಸಮ್ಮೇಳನದ ಪ್ರಮುಖ ಆಕರ್ಷಣೆಯಾಗಿದ್ದವು.