ಲಿಂಗಾಯತ ಕುಡಒಕ್ಕಲಿಗ ಮಹಾಸಭಾ ತಾಲೂಕ ಅಧ್ಯಕ್ಷರಾಗಿ ಸಿದ್ದನಗೌಡ ಹೆಬ್ಬಾಳ ನೇಮಕ

ಸುರಪುರ: ತಾಲೂಕಿನ ಸಮಾಜದ ಹಿರಿಯರ ಅಭಿಪ್ರಾಯ ದಂತೆ ಅಖಿಲ ಭಾರತ ಲಿಂಗಾಯತ ಕುಡುಒಕ್ಕಲಿಗ ಮಹಾಸಭಾ ಸಂಘದ ಸುರಪುರ ತಾಲೂಕ ಅಧ್ಯಕ್ಷರನ್ನಾಗಿ ಮುಖಂಡ ಸಿದ್ದನಗೌಡ ಹೆಬ್ಬಾಳ ಅವರನ್ನು ನೇಮಕ ಮಾಡಲಾಗಿದೆ ಎಂದು ಸಂಘದ ಜಿಲ್ಲಾಧ್ಯಕ್ಷ ಸಿದ್ದನಗೌಡ ಹಂದ್ರಾಳ ತಿಳಿಸಿದ್ದಾರೆ.

ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿ,ನಗರದ ಪ್ರವಾಸಿ ಮಂದಿರದಲ್ಲಿ ಸಮಾಜದ ಮುಖಂಡರ ಸಭೆ ನಡೆಸಲಾಗಿದ್ದು,ಈ ಸಂದರ್ಭದಲ್ಲಿ ಭಾಗವಹಿಸಿದ್ದ ಆದಿಶೇಷ ಪಾಟೀಲ್,ಚಂದ್ರಶೇಖರ ಹೆಮನೂರ ಇವರು ಸಿದ್ದನಗೌಡ ಹೆಬ್ಬಾಳರ ಹೆಸರು ಪ್ರಸ್ತಾಪಿಸಿದ್ದು, ಸಂಘದ ರಾಜ್ಯ ಉಪಾಧ್ಯಕ್ಷ ನಂದನಗೌಡ ಹೆಚ್.ಪಾಟೀಲ್ ಹಾಗೂ ಮೌನೇಶ ದ್ಯಾಮನಾಳ ಅವರು ಅನುಮೋದಿಸಿದರು.

ಈ ಸಂದರ್ಭದಲ್ಲಿ ನೂತನ ಅಧ್ಯಕ್ಷ ಸಿದ್ದನಗೌಡ ಹೆಬ್ಬಾಳ ಮಾತನಾಡಿ,ತಾವೆಲ್ಲ ಹಿರಿಯರು ಸಭೆ ಸೇರಿ ಇಂದು ನನ್ನನ್ನು ಸುರಪುರ ತಾಲೂಕ ಅಧ್ಯಕ್ಷನನ್ನಾಗಿ ನೇಮಕಗೊಳಿಸಿ ದೊಡ್ಡ ಜವಬ್ದಾರಿಯನ್ನು ವಹಿಸಿರುವಿರಿ,ತಮ್ಮೆಲ್ಲರ ಮಾರ್ಗದರ್ಶನದಲ್ಲಿ ಇನ್ನುಳಿದ ಎಲ್ಲಾ ಪದಾಧಿಕಾರಿಗಳನ್ನು ನೇಮಕಗೊಳಿಸಿ ತಾಲೂಕಿನಲ್ಲಿ ನಮ್ಮ ಸಮಾಜದ ಸಂಘಟನೆ ಮಾಡಿ ಸಮಾಜದ ಏಳಿಗೆಗೆ ಕೆಲಸ ಮಾಡುವುದಾಗಿ ತಿಳಿಸಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಚಂದ್ರಶೇಖರ ನಿಡಗುಂದಿ ಹೆಮನೂರ,ಮಲ್ಲನಗೌಡ ಹಂಡಿ,ಶಾAತಗೌಡ ಅರಕೇರಾ,ರವಿಗೌಡ ಹೆಮನೂರ,ಮೌನೇಶ ದ್ಯಾಮನಾಳ,ಮಲ್ಲು ಬಾದ್ಯಾಪುರ ಸೇರಿದಂತೆ ಹಲವರಿದ್ದರು.ಇದೇ ಸಂದರ್ಭದಲ್ಲಿ ನೂತನ ಅಧ್ಯಕ್ಷರಿಗೆ ಎಲ್ಲರು ಸನ್ಮಾನಿಸಿ ಗೌರವಿಸಿದರು.