ಭಾರತ ಮಾತಾ ದೇವಸ್ಥಾನದಲ್ಲಿ 100 ಅಡಿ ಎತ್ತರದ ರಾಷ್ಟ್ರಧ್ವಜಸ್ಥಂಭ ಸ್ಥಾಪನೆ

ಆಳಂದ: ಪವಿತ್ರ ಶ್ರಾವಣ ಮಾಸದ ಪ್ರಥಮ ಸೋಮವಾರ ಆಳಂದ ತಾಲೂಕಿನ ಲಾಡ ಚಿಂಚೋಳಿಯ ಭಾರತ ಮಾತಾ ದೇವಾಲಯದ ಆವರಣದಲ್ಲಿ 100 ಅಡಿ ಎತ್ತರದ ರಾಷ್ಟ್ರಧ್ವಜ ಸ್ಥಂಬದ ಸ್ಥಾಪನೆ ಕಾರ್ಯದ ಅಡಿಗಲ್ಲು ಸಮಾರಂಭ ಜೈ ಭಾರತ ಮಾತಾ ಸೇವಾ ಸಮಿತಿ (ರಿ) ನವದೆಹಲಿಯ ಸಂಸ್ಥಾಪಕ ರಾಷ್ಟ್ರೀಯ ಅಧ್ಯಕ್ಷರಾದ ಶ್ರೀ ಹವಾ ಮಲ್ಲಿನಾಥ ಮಾಹರಾಜ ನಿರಗುಡಿ ಅವರ ಅಮ್ರತ ಹಸ್ತದಿಂದ ನೆರವೆರಿಸಲಾಯಿತು.

ಈ ಸಂದರ್ಭದಲ್ಲಿ ರಾಷ್ಟ್ರ ಧ್ವಜ ಸ್ಥಂಬದ ನಿರ್ಮಾಣದ ಸಂಪೂರ್ಣ ಜವಾಬ್ದಾರಿ ಹೊತ್ತಿರುವ KMF ಅಧ್ಯಕ್ಷರು ಹಾಗೂ ಯುವ ನಾಯಕ R.K.ಪಾಟೀಲ ಅವರು ಭೂಮಿ ಪೂಜೆ ನೆರವೇರಿಸಿ ಕಾರ್ಯ ಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಅವರು ಆಗಸ್ಟ 15 ರ ಒಳಗೆ ಈ ಧ್ವಜ ಸ್ಥಂಬದ ನಿರ್ಮಾಣದ ಸಂಪೂರ್ಣ ಕಾರ್ಯ ಪೂರ್ಣ ಗೊಳಿಸಲಾಗುವುದು ಎಂದು ಭರವಸೆ ನಿಡಿದರು.

ಮುಖಂಡರಾದ ಶಾಹಜಿರಾವ ಪಾಟೀಲ, ವೈಜನಾಥ ಎಸ್ ಝಳಕಿ, ಮಲ್ಲಿಕಾರ್ಜುನ ಸಾರವಾಡ, ಲಿಂಗರಾಜ ಪಾಟಿಲ ಆಳಂದ, ಶಂಕರಗೌಡ ಇಂಜಿನಿಯರ ಕೃಷ್ಣಾ, ಚಂದ್ರಕಾಂತ ಪಾಟೀಲ ಹಾಗೂ ಪುಜ್ಯರ ಭಕ್ತರು ಉಪಸ್ಥಿತರಿದ್ದರು.