ಗ್ರಾಮಸ್ಥರಿಗೆ ಬಡಾವಣೆಗೆ ಹೋಗಲು ತಾತ್ಕಾಲಿಕ ರಸ್ತೆ ನಿರ್ಮಾಣ

ಶಹಾಬಾದ: ತಾಲೂಕಿನ ಮಾಲಗತ್ತಿ ಗ್ರಾಪಂ ವ್ಯಾಪ್ತಿಯ ಶಂಕರವಾಡಿ ಗ್ರಾಮದ ಹೊಸ ಬಡಾವಣೆಗೆ ಹೋಗಲು ಸರಿಯಾದ ದಾರಿ ಕಾಣದೇ ತೊಂದರೆ ಅನುಭವಿಸುತ್ತಿದ್ದ ಜನತೆಗೆ ಗ್ರಾಪಂ ಸದಸ್ಯ ರಾಜು ಸಾಗರ ಅವರು ರಸ್ತೆ ನಿರ್ಮಾಣ ಮಾಡಿಕೊಡುವ ಮೂಲಕ ಅನುಕೂಲ ಕಲ್ಪಿಸಿದ್ದಾರೆ.

ಕಳೆದ 20 ವರ್ಷಗಳಿಂದ ಮುಳ್ಳು ಕಂಟಿಗಳ ಮಧ್ಯೆ ಕೆಸರಿನಲ್ಲಿಯೇ ಹೋಗುವ ಪರಿಸ್ಥಿತಿ ಉಂಟಾಗಿತ್ತು.ಹಲವಾರು ಬಾರಿ ಹಿಂದಿನ ಸದಸ್ಯರಿಗೆ ಹಾಗೂ ಗ್ರಾಪಂ ಅಧಿಕಾರಿಗಳಿಗೆ ತಿಳಿಸಿದರೂ ಕ್ಯಾರೆ ಎನ್ನುತ್ತಿರಲಿಲ್ಲ. ಆದರೆ ಹಾಲಿ ಸದಸ್ಯರಾಗಿರುವ ರಾಜು ಸಾಗರ ಅವರು ಇಲ್ಲಿನ ಜನರ ಬಹುದನಗಳ ಸಮಸ್ಯೆಯನ್ನು ಹೋಗಲಾಡಿಸಲು ಗ್ರಾಪಂ ಅಧಿಕಾರಿಗಳೊಂದಿಗೆ ಮಾತುಕತೆ ನಡೆಸಿ, ಸುಮಾರು ಐವತ್ತು ಸಾವಿರ ರೂ. ಅನುದಾನದಲ್ಲಿ ತಾತ್ಕಾಲಿಕ ರಸ್ತೆಯನ್ನು ಒದಗಿಸುವ ಕಾರ್ಯ ನಡೆಸಿದ್ದಾರೆ.

ಇದರಿಂದ ಮಳೆಗಾಲದಲ್ಲಿ ಮನೆಗಳಿಗೆ ಹೋಗಲು ತೊಂದರೆ ಅನುಭವಿಸಿದ ಜನರಿಗೆ ತಾತ್ಕಾಲಿಕ ರಸ್ತೆ ನಿರ್ಮಾಣವಾಗುತ್ತಿರುವುದು ಕಂಡು ಸಂತೋಷವಾಗಿದೆ.ಅಲ್ಲದೇ ಗ್ರಾಪಂ ಸದಸ್ಯ ರಾಜು ಸಾಗರ ಅವರು ಕಾರ್ಯಕ್ಕೆ ಗ್ರಾಮಸ್ಥರು ಮೆಚ್ಚುಗೆಯ ಮಾತನಾಡುತ್ತಿದ್ದಾರೆ.