ಶಾಸಕ ಆರ್.ವಿ.ನಾಯಕ ಗೆಲುವು; ಹುಲಿಗಿ ಕ್ಷೇತ್ರಕ್ಕೆ ಪೂಜಾರಿ ಪಾದಯಾತ್ರೆ

ಸುರಪುರ:ಕಳೆದ ಮೇ ತಿಂಗಳಲ್ಲಿ ನಡೆದ ಉಪ ಚುನಾವಣೆಯಲ್ಲಿ ರಾಜಾ ವೇಣುಗೋಪಾಲ ನಾಯಕ ಅವರು ಗೆಲುವು ಸಾಧಿಸಲಿ, ಹುಲಿಗಿ ಕ್ಷೇತ್ರಕ್ಕೆ ಪಾದಯಾತ್ರೆ ಮಾಡುವುದಾಗಿ ಹರಕೆ ಹೊತ್ತಿದ್ದ ನಗರದ ಹುಲಗಮ್ಮ ದೇವಸ್ಥಾನದ ಹುಲಗಪ್ಪ ಪೂಜಾರಿಯವರು ಹೊಸಪೇಟೆ ತಾಲೂಕಿನ ಹುಲಿಗಿ ಕ್ಷೇತ್ರಕ್ಕೆ ಪಾದಯಾತ್ರೆ ಆರಂಭಿಸಿದರು.

ನಗರದ ಬೋವಿಗಲ್ಲಿ ಬಳಿಯಲ್ಲಿನ ಹುಲಗಮ್ಮ ದೇವಸ್ಥಾನದ ಪೂಜಾರಿಯಾಗಿರುವ ಹುಲಗಪ್ಪ ಪೂಜಾರಿಯವರು ತಮ್ಮ ಪಾದಯಾತ್ರೆಯನ್ನು ಆರಂಭಿಸಿ,ಶ್ರೀ ವೇಣುಗೋಪಾಲಸ್ವಾಮಿ ದೇವಸ್ಥಾನಕ್ಕೆ ಆಗಮಿಸಿ ವಿಶೇಷ ಪೂಜೆ ಸಲ್ಲಿಸಿ ನಂತರ ತಮ್ಮ ಪಾದಯಾತ್ರೆ ಆರಂಭಿಸಿದರು.ಈ ಸಂದರ್ಭದಲ್ಲಿ ನಗರದ ಅನೇಕ ಕಡೆಗಳಲ್ಲಿ ಜನರು ಪೂಜಾರಿ ಪಾದಕ್ಕೆ ನೀರು ಸುರಿದು ಹೂ ಹಣ್ಣು ಅರ್ಪಿಸಿ ಪ್ರಯಾಣಕ್ಕೆ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಹುಲಗಪ್ಪ ಪೂಜಾರಿಯವರು,ಹಿಂದೆ ರಾಜಾ ವೆಂಕಟಪ್ಪ ನಾಯಕ ಅವರು 2023ರ ಚುನಾವಣೆಯಲ್ಲಿಯೂ ಜಯಗಳಿಸಲೆಂದು ತಾಯಿಗೆ ಹರಕೆ ಹೊರಲಾಗಿತ್ತು,ಈಗ ರಾಜಾ ವೆಂಕಟಪ್ಪ ನಾಯಕ ಅವರ ನಿಧನ ದಿಂದ ನಡೆದ ಉಪ ಚುನಾವಣೆಯಲ್ಲಿ ರಾಜಾ ವೇಣುಗೋಪಾಲ ನಾಯಕ ಅವರು ಜiÀುಗಳಿಸಲಿ,ಹುಲಿಗಿ ತಾಯಿ ನಿನ್ನ ಕ್ಷೇತ್ರಕ್ಕೆ ಪಾದಯಾತ್ರೆ ಮೂಲಕ ಬರುವುದಿಗಿ ಹರಕೆ ಹೊತ್ತಿದ್ದೆ.ಅದರಂತೆ ಈಗ ಪಾದಯಾತ್ರೆ ಹೊರಡಲಾಗಿದೆ ಎಂದು ತಿಳಿಸಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಮಲ್ಲಣ್ಣ ಸಾಹು ಮುಧೋಳ,ರಮೇಶ ದೊರೆ ಆಲ್ದಾಳ,ವೆಂಕಟೇಶ ಬೇಟೆಗಾರ,ಸಿದ್ದಣಗೌಡ ಹಂಧ್ರಾಳ,ಗೋಪಾಲ ಗೌಂಡಿ,ಶರಣು ಸಾಹುಕಾರ,ಹಣಮಂತ್ರಾಯಗೌಡ ಮೇಟಿ ಚಿಗರಾಳ,ಶರಣು ಸಾಹುಕಾರ ಕುಂಬಾರಪೇಟ ಸೇರಿದಂತೆ ಬೋವಿಗಲ್ಲಿ,ಕುಂಬಾರಪೇಟ ಸೇರಿ ವಿವಿಧ ಕಡೆಗಳ ನೂರಾರು ಜನರು ಭಾಗವಹಿಸಿದ್ದರು.