ವಿವಿಧ ಅಕ್ರಮ ಚಟುವಟಿಕೆಗಳ ಕಡಿವಾಣಕ್ಕೆ ನೂತನ ಪೂಲಿಸ್ ಆಯುಕ್ತರಿಗೆ ಮನವಿ

ಕಲಬುರಗಿ; ನಗರದಲ್ಲಿ ನಗರ ವ್ಯಾಪ್ತಿಯಲ್ಲಿ ಕೊಲೆ, ಸುಲಿಗೆ, ದರೋಡೆಗಳನ್ನು ನಿಯಂತ್ರಣ ಮಾಡಬೇಕು, ಮಹಿಳೆಯರ ಸುರಕ್ಷತೆಗೆಕ್ರಮ ಕೈಗೊಳ್ಳಬೇಕು ಹಾಗೂ ಕಾನೂನು ಸುವ್ಯವಸ್ಥೆಯನ್ನು ಕಟ್ಟು ನಿಟ್ಟಾಗಿಜಾರಿಗೆತರುವಂತೆ ಕಲ್ಯಾಣ ನಾಡು ವಿಕಾಸ ವೇದಿಕೆಯ ಸಂಸ್ಥಾಪಕ ಅಧ್ಯಕ್ಷ ಮುತ್ತಣ್ಣ ಎಸ್.ನಡಗೇರಿ ನೇತೃತ್ವದಲ್ಲಿ ನೂತನ ಪೋಲಿಸ್ ಆಯುಕ್ತರಾದ ಅಧಿಕಾರ ವಹಿಸಿಕೋಂಡ ಎಸ್.ಡಿ.ಶರಣಪ್ಪ ಅವರಿಗೆ ಸನ್ಮಾನಿಸಿ ಮನವಿ ಪತ್ರ ಸಲ್ಲಿಸಿದರು.

ನಗರಲ್ಲಿ ವ್ಯಾಪ್ತಿಯಲ್ಲಿ ಕೊಲೆ, ಸುಲಿಗೆ, ದರೋಡೆಗಳನ್ನು ನಿಯಂತ್ರಣ ಮಾಡಬೇಕು.ಮಹಿಳೆಯರ ಸುರಕ್ಷತೆಗೆಕ್ರಮ ಕೈಗೊಳ್ಳಬೇಕು ಕಲಬುರಗಿ ನಗರದ ರೌಡಿಗಳ ಅಟ್ಟಹಾಸವನ್ನು ನಿಯಂತ್ರಣ ಮಾಡಬೇಕು, ಕಲಬುರಗಿ ನಗರದ ಲಾಡ್ಜಗಳಲ್ಲಿನ ಅನೈತಿಕ ಚಟುವಟಿಕೆಗಳನ್ನು ನಿಯಂತ್ರಣ ಮಾಡಬೇಕು, ಜನಸ್ನೇಹಿ ಪೊಲೀಸ್ ವ್ಯವಸ್ಥೆಗೆಆದ್ಯತೆ ನೀಡಬೇಕು, ಮಟಕಾ, ಆನ್‍ಲೈನ್ ಬೆಟ್ಟಿಂಗ್, ಸೈಬರ್ ಅಪರಾಧಗಳ ನಿಯಂತ್ರಣಕ್ಕೆ ಹಾಗೂ ಸುಳ್ಳು ದಾಖಲಾತಿಗಳನ್ನು ಸೃಷ್ಟಿಸಿ ಸಾರ್ವಜನಿಕರಜಾಗವನ್ನು ಅತಿಕ್ರಮಣ ಮಾಡುತ್ತಿರುವ ವಿರುದ್ಧ ಪರಿಣಾಮಕಾರಿಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.

ನಗರದ ಸಂಚಾರದಟ್ಟಣೆಯ ಸುಗಮ ನಿರ್ವಹಣೆಗೆಕ್ರಮ ಕೈಗೊಳ್ಳಬೇಕು, ನಗರದ ವ್ಯಾಪ್ತಿ ಜನ ಸಂಖ್ಯೆಗೆ ತಕ್ಕಂತೆ ರಾಮಮಂದಿರ, ಹೈಕೊರ್ಟ, ಪಟ್ಟಣ ಮತ್ತು ಕಪನೂರ ಬಡಾವಣೆಗಳಲ್ಲಿ ಹೊಸ ಪೊಲೀಸ್ ಠಾಣೆಗಳ ಸ್ಥಾಪನೆಗೆ ಕ್ರಮ ಕೈಗೊಳ್ಳಬೇಕು. ಸದರಿ ಬೇಡಿಕೆಗಳನ್ನು ತಾವುಗಳು ಈಡೇರಿಸುವ ಮೂಲಕ ಕಲಬುರಗಿ ನಗರದಲ್ಲಿ ಶಾಂತಿ ಸುವ್ಯವಸ್ಥೆಕಾಪಾಡಿ ಕಲಬುರಗಿ ನಗರದ ಜನತೆಗೆ ನೆಮ್ಮದಿಯ ಜೀವನ ನಿರ್ವಹಣೆಗೆ ಅನುಕೂಲ ಮಾಡಿಕೊಡಬೇಕೆಂದು ಮುತ್ತಣ್ಣ ಅವರು ಮನವಿಯಲ್ಲಿ ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ ಜೈಭೀಮ ಮಾಳಗೆ, ಮೋಹನ ಸಾಗರ, ಪ್ರವೀಣ ಖೇಮನ್, ಸೂರ್ಯಪ್ರಕಾಶ ಚಾಳಿ, ಅರುಣ ಇನಾಮದಾರ, ಜೀವನ ಖಿರಸಾಗರ, ರಾಣೇಶ ಸಾವಳಗಿ, ಮಹೇಶ ಮಾನೆ ಸೇರಿದಂತೆ ಇತರರು ಇದ್ದರು.