ಕೃಷಿ ಇಲಾಖೆ ಹಿಂಗಾರು ಹಂಗಾಮಿನ ಬಿತ್ತನೆ ಬೀಜ ವಿತರಣೆ

ಸುರಪುರ: ನಮ್ಮ ಸರಕಾರ ರೈತರಿಗಾಗಿ ಹಲವಾರು ಯೋಜನೆಗಳನ್ನು ಜೊರಿಗೊಳಿಸಿದ್ದು ರೈತರು ಸರಕಾರದ ಯೋಜನೆಗಳನ್ನು ಸದುಪಯೋಗ ಮಾಡಿಕೊಳ್ಳ ಬೇಕು ಎಂದು ಶಾಸಕ ರಾಜಾ ವೇಣುಗೋಪಾಲ ನಾಯಕ ತಿಳಿಸಿದರು.

ನಗರದ ಸಹಾಯಕ ಕೃಷಿ ನಿರ್ದೇಶಕರ ಕಚೇರಿಯಲ್ಲಿ ಹಮ್ಮಿಕೊಂಡಿದ್ದ ಹಿಂಗಾರು ಹಂಗಾಮಿನ ಬಿತ್ತನೆ ಬೀಜಗಳ ವಿತರಣೆ ಮಾಡಿ ಮಾತನಾಡಿ,ಸರಕಾರ ಕೃಷಿ ಅಭಿವೃಧ್ಧಿಗಾಗಿ ಕೃಷಿ ಭಾಗ್ಯದಂತ ಯೋಜನೆ ತಂದಿದೆ,ಇದರ ಮೂಲಕ ರೈತರಿಗೆ ಅನೇಕ ಸೌಲಭ್ಯಗಳನ್ನು ನೀಡಲಾಗುತ್ತಿದೆ.ಈಗ ಬಿತ್ತನೆ ಬೀಜ ವಿತರಿಸಲಾಗುತ್ತಿದೆ,ರೈತರಿಗೆ ನೀಡುವ ಬೀಜ ಉತ್ತಮ ಗುಣಮಟ್ಟದ್ದಾಗಿರಲಿ ಎಂದು ಅಧಿಕಾರಿಗಳಿಗೆ ತಿಳಿಸಿದರು.

ಇದೇ ಸಂದರ್ಭದಲ್ಲಿ ಕೃಷಿ ಭಾಗ್ಯ ಯೋಜನೆಯ ಭಿತ್ತಿ ಪತ್ರಗಳನ್ನು ಬಿಡುಗಡೆಗೊಳಿಸಿ, ಸಾಂಕೇತಿಕವಾಗಿ ರೈತರಾದ ಹಣಮಂತ ದೇಸಾಯಿ ಶೆಳ್ಳಗಿ,ಚಂದಪ್ಪ ಶೆಳ್ಳಗಿ,ಮಲ್ಲಣ್ಣ ಶೆಳ್ಳಗಿ,ಮಲ್ಲನಗೌಡ ಶೆಳ್ಳಗಿ ಇವರುಗಳಿಗೆ ಜೋಳ ಹಾಗೂ ಕಡಲೆ ಬೀಜಗಳನ್ನು ವಿತರಿಸಲಾಯಿತು.ಅದರಂತೆ ಕೃಷಿ ಭಾಗ್ಯ ಯೋಜನೆಯಡಿ ಕೃಷಿ ಹೊಂಡ ನಿರ್ಮಿಸಿಕೊಂಡ ರೈತರಾದ ದೇವಿಂದ್ರಪ್ಪ ಜಾಲಿಬೆಂಚಿ,ಬಸವರಾಜ ಮಂಗಳೂರ ಇವರಿಗೆ ಸಹಾಯಧನದಲ್ಲಿ ಡಿಸೇಲ್ ಇಂಜಿನ್ ವಿತರಣೆ ಮಾಡಲಾಯಿತು.ಮಣ್ಣು ಆರೋಗ್ಯ ಅಭಿಯಾನ ಯೋಜನೆ ಅಡಿಯಲ್ಲಿ ಮಣ್ಣು ಮಾದರಿಗಳನ್ನು ಪ್ರಯೋಗಾಲಯ ದಿಂದ ವಿಶ್ಲೇಷಣೆ ಮಾಡಿದ ಮಣ್ಣು ಆರೋಗ್ಯ ಕಾರ್ಡ್‍ಗಳನ್ನು ರೈತರಾದ ಬಸ್ಸಪ್ಪ ನಾಯ್ಕೋಡಿ,ಶರಣಪ್ಪ ಜಾಲಿಬೆಂಚಿ,ಟಿ.ಶಿವರಾಜ ಜಾಲಿಬೆಂಚಿ,ಸೋಮರಾಯ ಜಾಲಿಬೆಂಚಿ ಇವರಿಗೆ ವಿತರಣೆ ಮಾಡಲಾಯಿತು.

ಈ ಸಂದರ್ಭದಲ್ಲಿ ಎಪಿಎಮ್‍ಸಿ ಮಾಜಿ ಸದಸ್ಯ ಮಲ್ಲಣ್ಣ ಸಾಹುಕಾರ ನರಸಿಂಗಪೇಟ ಉಪಸ್ಥಿತರಿದ್ದರು.ರೈತ ಮುಖಂಡರಾದ ಬುಚ್ಚಪ್ಪ ನಾಯಕ ಕಕ್ಕೇರಾ,ಶಿವಣ್ಣ ಮೇಟಿಗೌಡ ಶೆಳ್ಳಗಿ,ಅಂಬ್ರೇಶ ಶಾಂತಪ್ಪ ದೇಸಾಯಿ,ಹಣಮಂತ ದೇಸಾಯಿ,ಕನಕಪ್ಪ ಮುಷ್ಠಳ್ಳಿ,ವೆಂಕಟೇಶ ಕುಪಗಲ್,ಭೀಮಾಶಂಕರ ರತ್ತಾಳ ಸೇರಿ ಅನೇಕರಿದ್ದರು.ಸಹಾಯಕ ಕೃಷಿ ನಿರ್ದೇಶಕ ಭೀಮರಾಯ ಹವಲ್ದಾರ್ ಅಧ್ಯಕ್ಷತೆ ವಹಿಸಿದ್ದರು.ಕೃಷಿ ಇಲಾಖೆಯ ಶ್ರೀಧರ,ವಿನಾಯಕ,ಸಿದ್ದಾರ್ಥ ಪಾಟೀಲ್,ರಾಮನಗೌಡ ಸೇರಿದಂತೆ ಅನೇಕ ಜನ ರೈತರು ಭಾಗವಹಿಸದ್ದರು.

ಮಣ್ಣು ಪರೀಕ್ಷೆ ಮಾಡಿಸಿ ರೈತರು ಯಾವ ಮಣ್ಣಿಗೆ ಎಷ್ಟು ರಸಗೊಬ್ಬರ ಬಳಕೆ ಮಾಡಬೇಕು ಎನ್ನುವುದನ್ನು ರೈತರು ಅಧಿಕಾರಿಗಳಿಂದ ಸಲಹೆ ಪಡೆದು ಅದೆ ಪ್ರಮಾಣದಲ್ಲಿ ಗೊಬ್ಬರಗಳ ಬಳಕೆ ಮಾಡಿ ಕೃಷಿಯಲ್ಲಿ ಲಾಭ ಪಡೆಯಬೇಕು. – ರಾಜಾ ವೇಣುಗೋಪಾಲ ನಾಯಕ ಶಾಸಕ ಸುರಪುರ