ಜನಸ್ಪಂಧನ ಸಭೆಯಲ್ಲಿನ ಬೇಡಿಕೆಗಳ ಈಡೇರಿಸಲು ಮಾನವ ಹಕ್ಕುಗಳ ಸಂಸ್ಥೆ ಆಗ್ರಹ

ಸುರಪುರ: ಈ ಹಿಂದೆ ಶನಿವಾರಕ್ಕೊಮ್ಮೆ ತಹಸೀಲ್ ಕಾರ್ಯಾಲಯದಲ್ಲಿ ನಡೆಸಲಾಗುತ್ತಿದ್ದ ಜನಸ್ಪಂಧನಾ ಕಾರ್ಯಕ್ರಮದಲ್ಲಿ ಸಲ್ಲಿಸಲಾದ ಅನೇಕ ಮನವಿ ಪತ್ರಗಳಲ್ಲಿನ ಸಮಸ್ಯೆಗಳು ಹಾಗೆಯೇ ಉಳಿದಿವೆ ಎಂದು ದಾವುದ್ ಇಬ್ರಾಹಿಂ ಪಠಾಣ್ ಬೇಸರ ವ್ಯಕ್ತಪಡಿಸಿದರು.

ನಗರದ ತಹಸೀಲ್ ಕಾರ್ಯಾಲಯದಲ್ಲಿ ತಹಸೀಲ್ದಾರರಿಗೆ ಮನವಿ ಸಲ್ಲಿಸಿ ಮಾತನಾಡಿ,ಹಿಂದೆ ನಡೆಸುತ್ತಿದ್ದ ಜನಸ್ಪಂಧನಾ ಸಭೆಗಳಲ್ಲಿ ಅನೇಕ ಸಮಸ್ಯೆಗಳಾದ ನಗರ ಮತ್ತು ತಾಲ್ಲುಕಿನಲ್ಲಿಯ ಕುಡಿಯುವ ನೀರಿನ ಸಮಸ್ಯೆ,ರಸ್ತೆ ಮತ್ತು ಚರಂಡಿ ನಿರ್ಮಾಣದ ಸಮಸ್ಯೆ,ಶಿಕ್ಷಣ ಮತ್ತು ವಿದ್ಯೂತ್‌ಗೆ ಸಂಬಂಧಿಸಿದ ಸಮಸ್ಯೆ ಹಾಗು ರೈತರಿಗೆ ಸರಿಯಾದ ಬೀಜ ಗೊಬ್ಬರ ಪೂರೈಸುವ ಮತ್ತು ರೈತ ಸಂಪರ್ಕ ಕೇಂದ್ರಗಳಲ್ಲಿನ ಅವ್ಯವಸ್ಥೆ ಕುರಿತಾದ ಸಮಸ್ಯೆಗಳು ಹೀಗೆ ಹತ್ತಾರು ಸಮಸ್ಯೆಗಳಿಗೆ ಸಂಬಂಧಿಸಿದ ಕುರಿತು ತಹಸೀಲ್ದಾರರಿಗೆ ಮತ್ತು ಸರಕಾರಕ್ಕೆ ಮನವಿ ಸಲ್ಲಿಸಿದರು ಇದುವರೆಗೆ ಯಾವೊಂದು ಸಮಸ್ಯೆಯೂ ನಿವಾರನೆಯಾಗದೆ ಹಾಗೆ ಉಳಿದಿವೆ.ಆದ್ದರಿಂದ ಕೂಡಲೆ ಈ ಹಿಂದೆ ಸಲ್ಲಿಸಲಾದ ಮನವಿಗೆ ಸಂಬಂಧಿಸಿದ ಎಲ್ಲಾ ಮನವಿಗಳಲ್ಲಿನ ಬೇಡಿಕೆಗಳಿಗೆ ಶೀಘ್ರವಾಗಿ ಸ್ಪಂಧಿಸುವಂತೆ ಮನವಿ ಸಲ್ಲಿಸಿದರು.ಅಲ್ಲದೆ ನೆರೆ ಹಾವಳಿ ಸಂದರ್ಭದಲ್ಲಿ ಅನೇಕ ಸಂಘ ಸಂಸ್ಥೆಗಳು ನೀಡಿದ ನೆರವಿನ ವಸ್ತುಗಳು ನಿಜವಾದ ಸಂತ್ರಸ್ಥರಿಗೆ ತಲುಪದೆ ಬೇರೆಯವರಿಗೆ ತಲುಪಿರುವ ಬಗ್ಗೆ ಮಾಹಿತಿ ಇದ್ದು ನಿಜವಾದ ಸಂತ್ರಸ್ಥರಿಗೆ ದೊರಕುವಂತೆ ಕ್ರಮ ಕೈಗೊಳ್ಳಲು ಮನವಿ ಮಾಡಿಕೊಂಡರು.

ಇದೇ ಸಂದರ್ಭದಲ್ಲಿ ನೂತನವಾಗಿ ಆಗಮಿಸಿದ ತಹಸೀಲ್ದಾರ ನಿಂಗಣ್ಣ ಬಿರೆದಾರವರಿಗೆ ವಿವಿಧ ಸಂಘಟನೆಗಳ ಮುಖಂಡರು ಸನ್ಮಾನಿಸಿ ಕರ್ತವ್ಯಕ್ಕೆ ಶುಭ ಕೋರಿದರು.ಈ ಸಂದರ್ಭದಲ್ಲಿ ಅಂಬೇಡ್ಕರ ಸೇನೆ ಜಿಲ್ಲಾಧ್ಯಕ್ಷ ರಾಜು ಕಟ್ಟಿಮನಿ,ಅಲ್ಪಸಂಖ್ಯಾತರ ಘಟಕದ ಜಿಲ್ಲಾಧ್ಯಕ್ಷ ರಮೀಜ್ ರಾಜಾ,ಕೆ.ಎಂ.ಸಿ ತಾಲ್ಲೂಕು ಅಧ್ಯಕ್ಷ ಖಾಜಾ ಅಜ್ಮೀರ್,ಪ್ರಧಾನ ಕಾರ್ಯದರ್ಶಿ ಎಂ.ಪಟೇಲ್,ಚಾಂದಪಾಷಾ,ಇಮಾಮಸಾಬ್ ಅರಕೇರಿ,ಮಹ್ಮದ ಸಿರಾಜುದ್ದೀನ್ ಉಸ್ತಾದ,ಕರವೇ ಅಧ್ಯಕ್ಷ ಪಾಶಾ ಹವಲ್ದಾರ,ಫಜಲ್ ಉರ್ ರಹೇಮಾನ್,ತಾಮಿರೆ,ಆದಿಲ್ ಇತರರಿದ್ದರು.