ಬಸವಕಲ್ಯಾಣದಲ್ಲಿ ಸಂಸದರಿಂದ ಗಾಂಧಿ ಸಂಕಲ್ಪ ಯಾತ್ರೆ

ಬಸವಕಲ್ಯಾಣ್: ಮಹಾತ್ಮಾ ಗಾಂಧೀಜಿಯವರ ೧೫೦ನೇ ಜನ್ಮ ದಿನಾಚರಣೆ ನಿಮಿತ್ತ ಸಂಸದ ಭಗವಂತ್ ಖೂಬಾ ಅವರ ನೇತೃತ್ವದಲ್ಲಿ ಬುಧವಾರ ಪಟ್ಟಣದಲ್ಲಿ ಗಾಂಧಿ ಸಂಕಲ್ಪ ಯಾತ್ರೆ ಜರುಗಿತು.

ಪಟ್ಟಣದ ಹೃದಯ ಭಾಗದಲ್ಲಿರುವ ಶ್ರೀ ಬಸವೇಶ್ವರ್ ದೇವಸ್ಥಾನದಲ್ಲಿ ಗೋಮಾತೆಗೆ ಪೂಜೆ ಸಲ್ಲಿಸುವುದರ ಮೂಲಕ ಸಂಕಲ್ಪ ಯಾತ್ರೆಗೆ ಸಂಸದರು ಚಾಲನೆ ನೀಡಿದರು. ಬಿಜೆಪಿ ಪಕ್ಷದ ವತಿಯಿಂದ ಆಯೋಜಿಸಲಾದ ಪಾದಯಾತ್ರೆಯಲ್ಲಿ ಬಿಜೆಪಿ ನಗರಾಧ್ಯಕ್ಷ ಶಿವಪುತ್ರ ಗೌರ್, ಗ್ರಾಮೀಣಾಧ್ಯಕ್ಷ ವೀರಣ್ಣ ಹಲಿಗೆ, ಪಕ್ಷದ ಮುಖಂಡರಾದ ಬಾಬು ವಾಲಿ, ಸಂಜಯ್ ಪಟ್ವಾರಿ, ವಿಜಯಕುಮಾರ್ ಮಂಠಾಳೆ, ಶರಣು ಸಲಗರ್, ದಿಪಕ್ ಗುಡ್ಡಾ, ಪ್ರದೀಪ್ ವಾತಡೆ, ಅನಿಲ್ ಭುಸಾರೆ, ಕೃಷ್ಣಾ ಗೋಣೆ, ರಮೇಶ್ ಧಬಾಲೆ, ರವಿ ಸ್ವಾಮಿ, ಅಶೋಕ್ ವಕಾರೆ, ಹುಲಸೂರ್, ಬಿಜೆಪಿ ಮಹಾಶಕ್ತಿ ಕೇಂದ್ರದ ಅಧ್ಯಕ್ಷ ಸಂಗಮೇಶ್ ಭೋಪಳೆ, ರಾಜಕುಮಾರ್ ಸಿರಗಾಪೂರ್, ಶಿವಕುಮಾರ್ ಶೆಟಗಾರ್, ರವಿ ಚಂದನಕೆರೆ ಸೇರಿದಂತೆ ಪಕ್ಷದ ಪದಾಧಿಕಾರಿಗಳು, ಕಾರ್ಯಕರ್ತರು ಯಾತ್ರೆಯಲ್ಲಿ ಹೆಜ್ಜೆ ಹಾಕಿದರು. ಬಸವೇಶ್ವರ್ ವೃತ್ತದಲ್ಲಿ ಸರಡಗಿ ಅನ್ನಪೂರ್ಣೇಶ್ವರಿ ದೇವಿ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಪುಷ್ಪವೃಷ್ಟಿ ಮಾಡಿ ಸಂಸದರನ್ನು ಸ್ವಾಗತಿಸಿದರು.

ಗಾಂಧೀಜಿಯವರ ತತ್ವ-ಸಿದ್ಧಾಂತ, ಆಚಾರ-ವಿಚಾರ ಹಾಗೂ ಆದರ್ಶಗಳನ್ನು ಮನೆ ಮನೆಗೆ ಮುಟ್ಟಿಸುವ ನಿಟ್ಟಿನಲ್ಲಿ ಬೀದರ್ ಜಿಲ್ಲೆಯ ಪ್ರತಿ ತಾಲ್ಲೂಕಿನಲ್ಲಿ ಸಂಕಲ್ಪ ಯಾತ್ರೆಯನ್ನು ಹಮ್ಮಿಕೊಳ್ಳಲಾಗಿದೆ. ದೇವಸ್ಥಾನದಿಂದ ಆರಂಭವಾದ ಪಾದಯಾತ್ರೆಯೂ ಗಾಂಧಿ, ಬಸವೇಶ್ವರ್, ಅಂಬೇಡ್ಕರ್, ಹರಳಯ್ಯ ವೃತ್ತಗಳ ಮೂಲಕ ಸಾಗಿಬಂದು ತ್ರಿಪುರಾಂತಗೆ ಬಂದು ತಲುಪಿತು. ಇಲ್ಲಿಂದ ವಾಹನ ಹತ್ತಿದ ಸಂಸದರು ಹಾಗೂ ಇತರೆ ಮುಖಂಡರು ಮುಡಬಿಗೆ ತೆರಳಿದರು.

ಪಾದಯಾತ್ರೆಯಲ್ಲಿ ಗಾಂಧಿ ಸಂಕಲ್ಪ ಯಾತ್ರೆಯ ರಥದ ಮೂಲಕ ಪ್ಲಾಸ್ಟಿಕ್‌ನಿಂದಾಗುವ ಹಾನಿ, ಮಧ್ಯಪಾನದ ದುಷ್ಟಪರಿಣಾಮಗಳು, ಸ್ವದೇಶಿ ವಸ್ತುಗಳ ಬಳಕೆ, ಜನಸಂಖ್ಯೆ ನಿಯಂತ್ರಣ ಸೇರಿದಂತೆ ಹಲವು ವಿಷಯಗಳ ಕುರಿತು ಜನರಲ್ಲಿ ಅರಿವು ಮೂಡಿಸಲು ಪ್ರಯತ್ನಿಸಲಾಯಿತು.