ತಾಯಿ ಪ್ರೀತಿ, ವಾತ್ಸಲ್ಯ ಯಾರೂ ಮರೆಯುವಂತಿಲ್ಲ: ಶಂಕ್ರಮ್ಮ ಪಾಟೀಲ್

ಶಹಾಪುರ: ತಾಯಿಗಿಂತ ದೊಡ್ಡವರು ಯಾರೂ ಇಲ್ಲ, ತಾಯಿನೇ ಎಲ್ಲ, ಅವಳು ನಮ್ಮ ಕಣ್ಣಿಗೆ ಕಾಣುವ ದೇವರು ಆದ್ದರಿಂದ ತಾಯಿಯ ಪ್ರೀತಿ ವಾತ್ಸಲ್ಯ ಯಾರೂ ಮರೆಯುವಂತಿಲ್ಲ ಎಂದು ಉಪನ್ಯಾಸಕಿ ಶಂಕ್ರಮ್ಮ ಪಾಟೀಲ್ ಹೇಳಿದರು.

ಹತ್ತಿಗೂಡುರು ಸಮೀಪದ ಗೌರಮ್ಮ ಶಾಂತಿ ಧಾಮದಲ್ಲಿ ಏರ್ಪಡಿಸಿರುವ ಲಿಂಗೈಕ್ಯ ಗೌರಮ್ಮ ಕುರ್ಲೆ ಯವರ ಐದನೇ ಪುಣ್ಯ ಸ್ಮರಣೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು. ಅಮ್ಮ ಎಂಬ ಪದದ ಅರ್ಥ ಬಹಳ ವಿಶೇಷವಾಗಿದೆ ಹುಟ್ಟಿದಾಗಲೂ, ಸತ್ತಾಗಲೂ, ಎಡವಿ ಬಿದ್ದಾಗಲೂ, ನೋವಾದಾಗಲೂ ಒಂದೇ ಸ್ಮರಣೆ ಅದು ಅಮ್ಮ ಎಂಬ ಪದ.ಆದ್ದರಿಂದ ಹೆತ್ತ ತಾಯಿಯನ್ನು ಗೌರವದಿಂದ ಕಾಣಬೇಕು ಎಂದು ಗೋಲಪಲ್ಲಿಯ ವಾಲ್ಮೀಕಿ ಆಶ್ರಮದ ವರದಾನಂದೇಶ್ವರ ಸ್ವಾಮಿಗಳು ದಿವ್ಯ ಸಾನ್ನಿಧ್ಯ ವಹಿಸಿ ಮಾತನಾಡಿದರು.

ಈ.ಕ.ರ.ಸಾ. ಸಂಸ್ಥೆ ಯಾದಗಿರಿಯ ಸಹಾಯಕ ಆಡಳಿತಾಧಿಕಾರಿಗಳಾದ ದೇವರಾಜ್ ಕುರ್ಲೆ ಅವರು ಮಾತನಾಡಿ ಮುಂಬರುವ ದಿನಗಳಲ್ಲಿ ನಮ್ಮ ಸಂಸ್ಥೆಯ ವತಿಯಿಂದ ಆರ್ಥಿಕವಾಗಿ, ಶೈಕ್ಷಣಿಕವಾಗಿ ಹಿಂದುಳಿದ ಬಡಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ಅನುಕೂಲತೆ ಮಾಡಿಕೊಡಲಾಗುವುದು ಎಂದು ತಮ್ಮ ಪ್ರಾಸ್ತಾವಿಕ ನುಡಿಗಳಲ್ಲಿ ಹೇಳಿದರು.

ಸಮಾರಂಭದ ವೇದಿಕೆಯ ಮೇಲೆ ಅರ್ಪಿತ ಜೈನ್’ ಬೀದರ್ ನ ಭದ್ರತಾ ಮತ್ತು ಜಾಗೃತ ತಂಡದ ಮುಖ್ಯಾಧಿಕಾರಿಗಳಾದ ಮಲ್ಲಿಕಾರ್ಜುನ, ರೈಲ್ವೆ ಇಲಾಖೆಯ ಅಧಿಕಾರಿಗಳಾದ ಶ್ರೀನಿವಾಸ್ ತನಿಖೆದಾರ,ಶಿವರಾಜ್ ಕುರ್ಲೆ, ಮಾಧವಿ ಕುರ್ಲೆ ಹಾಗೂ ಇತರರು ಉಪಸ್ಥಿತರಿದ್ದರು.