ಜಗದ್ಗುರು ಶ್ರೀ ರೇಣುಕಾಚಾರ್ಯ ಸದ್ಭಕ್ತ ಮಂಡಳಿ ನಿರ್ಣಯಕ ಜಗದ್ಗುರು ಶ್ರೀ ರೇಣುಕಾಚಾರ್ಯ ಸದ್ಭಕ್ತ ಮಂಡಳಿ ನಿರ್ಣಯಕಗಳ ಬಗ್ಗೆ ಸಭೆ

ಕಲಬುರಗಿ: ಜಿಲ್ಲೆಯ ಹರಗುರು ಚರಮೂರ್ತಿಗಳ ಸಂಪರ್ಕ ಮಾಡಿ ಇಲ್ಲಿನ ವಿಮಾನ ನಿಲ್ದಾಣಕ್ಕೆ ಜಗದ್ಗುರು ಶ್ರೀ ರೇಣುಕಾಚಾರ್ಯರ ಹೆಸರಿಡುವುದಕ್ಕೆ ಸರ್ಕಾರದ ಗಮನ ಸೆಳೆಯುವುದು ಮತ್ತು ಕಲಬುರಗಿ ಮಹಾನಗರದಲ್ಲಿ ಬೃಹತ್ ಪ್ರತಿಭಟನೆ ಮಾಡುವುದು ಸೇರಿದಂತೆ ವಿವಿಧ ನಿರ್ಣಯಗಳ ಬಗ್ಗೆ ನಗರದ ಕನ್ನಡ ಭವನದಲ್ಲಿ ಜರುಗಿದ ಜಗದ್ಗುರು ಶ್ರೀ ರೇಣುಕಾಚಾರ್ಯ ಸದ್ಭಕ್ತ ಮಂಡಳಿ ವತಿಯಿಂದ ಸಭೆ ಜರುಗಿತು.

ಮಂಡಳಿಯ ಗೌರವ ಅಧ್ಯಕ್ಷರಾದ ಅನೀಲಕುಮಾರ ಜಮಾದಾರ ಮತ್ತು ಅಧ್ಯಕ್ಷರಾದ ಅಣವೀರಯ್ಯ ಪ್ಯಾಟಿಮನಿಯವರ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಜಿಲ್ಲೆಯ ಅನೇಕ ಹಿರಿಯ ಮುಖಂಡರು ಭಾಗವಹಿಸಿ ಮುಂದಿನ ಹೋರಾಟದ ರೂಪುರೇಷೆಗಳನ್ನು ಕುರಿತು ಅಮೂಲ್ಯವಾದ ಸಲಹೆಗಳನ್ನು ನೀಡಿದರು.

ಸಭೆಯಲ್ಲಿ ಬಸವರಾಜ ಕೋಲಕುಂದಿ, ಶಿವಲಿಂಗಯ್ಯ ಸ್ವಾಮಿ ಸಾವಳಗಿ, ವಿಶ್ವನಾಥ ಸುಲೇಪೇಟ, ಶಿವು ಸ್ವಾಮಿ, ವಿಶ್ವನಾಥ ರೆಡ್ಡಿ ಎಸ್.ಅನಂತರೆಡ್ಡಿ, ಸಿದ್ರಾಮಯ್ಯ ವಿ.ಪುರಾಣಿಕ, ಸೋಮಶೇಖರ ಹಿರೇಮಠ ಗುರುಮಿಟಕಲ್, ಗುರುನಂಜಯ್ಯ ಈರಣಗುಡಿ, ಗುರುಸಂಗಯ್ಯ ಪುರಾಣಿಕಮಠ, ಎನ್.ಎಸ್.ಹಿರೇಮಠ, ಶಿವಾನಂದ ಮಠಪತಿ, ಗಂಗಾಧರ ಸ್ವಾಮಿ ಅಗ್ಗಿಮಠ, ಮಹಾಂತಯ್ಯ ಕೆಳಗಿನಮಠ, ಫಕೀರಯ್ಯ ಸ್ವಾಮಿ ಟೇಂಗಳಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.