ಸಂವಿಧಾನಾತ್ಮಕ ಹೋರಾಟದ ಮೇಲಿನ ನಿಷೇಧ ತೆರವುಗೊಳಿಸಿ: ಸುರೇಖಾ ಕುಲಕರ್ಣಿ

ಸುರಪುರ: ಅಂಗನಾಡಿ ಕಾರ್ಯಕರ್ತೆಯರು ಮತ್ತು ಸಹಾಯಕಿಯರು ಅಲ್ಪ ಸಂಬಳದಲ್ಲಿ ದಿನವಿಡೀ ಕೆಲಸ ಮಾಡುತ್ತೇವೆ.ಅಲ್ಲದೆ ಸರಕಾರದ ಜನಪ್ರೀಯ ಯೊಜನೆಗಳನ್ನು ತಳಮಟ್ಟದಿಂದ ಜಾರಿಗೊಳಿಸಲು ಅವರತ ಕೆಲಸ ಮಾಡುತ್ತೇವೆ.ಆದರೆ ನಮ್ಮ ಬೇಡಿಕೆಗಳನ್ನು ಇಟ್ಟುಕೊಂಡು ಸಂವಿಧಾನಾತ್ಮಕ ಹೋರಾಟದ ಮೇಲೆ ನಿಷೇಧ ಹೆರುವುದು ಸರಿಯಲ್ಲ ಇದನ್ನು ತೆರವುಗೊಳಿಸುವಂತೆ ತಾಲೂಕು ಅಂಗನವಾಡಿ ನೌಕರರ ಸಂಘದ ಕಾರ್ಯದರ್ಶಿ ಸುರೇಖಾ ಕುಲಕರ್ಣಿ ಸರಕಾರಕ್ಕೆ ಒತ್ತಾಯಿಸಿದರು.

ನಗರದ ತಹಸೀಲ್ ಕಚೇರಿ ಮುಂದೆ ಹಮ್ಮಿಕೊಂಡಿದ್ದ ಪ್ರತಿಭಟನೆಯ ನೇತೃತ್ವ ವಹಿಸಿ ಮಾತನಾಡಿ,ಡಿಸೆಂಬರ್ ೧೦ ರಂದು ರಾಜ್ಯದ ಅಂಗನವಾಡಿ ಕಾರ್ಯಕರ್ತೆ ಮತ್ತು ಸಹಾಯಕಿಯರು ಹಲವಾರು ಬೇಡಿಕೆಗಳನ್ನಿಟ್ಟುಕೊಂಡು ತುಮಕೂರಿನಿಂದ ಬೆಂಗಳೂರಿನವರೆಗೆ ಹಮ್ಮಿಕೊಂಡಿದ್ದ ಕಾಆಲ್ನಡಿಗೆ ಜಾಥಾ ನಿಷೇಧಿಸಿ ಸರಕಾರ ನಿಷೇಧಾಜ್ಞೆ ಜಾರಿಗೊಳಿಸುವ ಜೊತೆಗೆ ಕಲಂ ೧೪೪ ಜಾರಿಗೊಳಿಸುವ ಮೂಲಕ ನಮ್ಮ ಹೋರಾಟವನ್ನು ಹತ್ತಿಕ್ಕುವ ಕೆಲಸ ಮಾಡಿತ್ತು.ಅಲ್ಲದೆ ನಮ್ಮ ಸಂಘಟನೆಯ ರಾಜ್ಯಾಧ್ಯಕ್ಷರಾದ ವರಲಕ್ಷ್ಮೀ ಮತ್ತಿತರೆ ಮುಖಂಡರ ಮೇಲೆ ಸುಳ್ಳು ಪ್ರಕರಣ ದಾಖಲಿಸುವ ಮೂಲಕ ಅನ್ಯಾಯ ಮಾಡಲಾಗಿದೆ.ಆದ್ದರಿಂದ ಕೂಡಲೆ ನಿಷೇಧಾಜ್ಞೆಯನ್ನು ಹಾಗು ದಾಖಲಿಸಿದ ಪ್ರಕರಣವನ್ನು ರದ್ದುಗೊಳಿಸಬೇಕು. ಅಲ್ಲದೆ ನಮ್ಮ ನ್ಯಾಯಯುತ ಬೇಡಿಕಡಗಳಾದ ಪ್ರಾಥಮಿಕ ಪೂರ್ವ ಶಿಕ್ಷಣವನ್ನು ಅಂಗನವಾಡಿಗಳಲ್ಲೆ ಮುಂದುವರೆಸಬೇಕು ಮತ್ತು ಕನಿಷ್ಟ ೨೧ ಸಾವಿರ ವೇತನ ನಿಗದಿ ಮಾಡಬೇಕೆಂದು ಸರಕಾರಕ್ಕೆ ಆಗ್ರಹಿಸಿದರು.ನಂತರ ತಾಲೂಕು ಪಂಚಾಯತಿ ಕಚೇರಿಗೆ ತೆರಳಿ ಕಾರ್ಯನಿರ್ವಾಹಕ ಅಧಿಕಾರಿಯವರಿಗೆ ಮನವಿ ಸಲ್ಲಿಸಿದರು ಮತ್ತು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಅಭಿವೃಧ್ಧಿ ಇಲಾಖೆ ಅಧಿಕಾರಿಗಳಿಗೂ ಇದೇ ಸಂದರ್ಭದಲ್ಲಿ ಮನವಿ ಸಲ್ಲಿಸಲಾಯಿತು.

ನಂತರ ಮುಖ್ಯಮಂತ್ರಿಗಳಿಗೆ ಬರೆದ ಮನವಿಯನ್ನು ತಹಸೀಲ್ದಾರ ನಿಂಗಣ್ಣ ಬಿರೆದಾರ ಮೂಲಕ ಸಲ್ಲಿಸಿದರು.ಪ್ರತಿಭಟನೆಯಲ್ಲಿ ಸಂಘಟನೆಯ ತಾಲೂಕು ಅಧ್ಯಕ್ಷೆ ಬಸಮ್ಮ ದೊರೆ ಆಲ್ಹಾಳ,ಕಾರ್ಯಾಧ್ಯಕ್ಷ ನಸೀಮಾ ಮುದ್ನೂರ,ರಾಧಾ ಸುರಪುರ,ಮಂಜುಳಾ ಝಂಡದಕೇರಾ,ರುಕ್ಮಿಣಿ ಕರಡಕಲ್,ಸರಸ್ವತಿ ಸುರಪುರ.ಲಲಿತಾ ಅಮ್ಮಾಪುರ,ಪರ‍್ವಿನ್ ರಂಗಂಪೇಟೆ,ಜಯಶ್ರಿ ಕೊಳೂರ,ಸೂಗಮ್ಮ,ಮಾಲಾ,ಅಹ್ಮದ ಪಠಾಣ,ಯಲ್ಲಪ್ಪ ಚಿನ್ನಾಕಾರ,ಭೀಮರಾಯ ಸಿಂಧಗೇರಿ,ಪ್ರಕಾಶ ಆಲ್ಹಾಳ,ಸಿದ್ದಯ್ಯ ಸ್ವಾಮಿ ಸ್ಥಾವರಮಠ ಸೇರಿದಂತೆ ಅನೇಕರಿದ್ದರು.