ಪಾಲಿಕೆ ವಾರ್ಡಗಳ ನಕ್ಷೆ ಹಾಗೂ ಸಲಹಾ ಸಮಿತಿ ರಚಿಸಲು ಶಿವರಾಜ ಅಂಡಗಿ ಮನವಿ

ಕಲಬುರಗಿ: ಮಹಾನಗರ ವ್ಯಾಪ್ತಿಯಲ್ಲಿ ಬರುವ ಎಲ್ಲಾ ವಾರ್ಡಗಳ ನಕ್ಷೆ ತಯಾರಿಸಿ ಕಛೇರಿಯಲ್ಲಿ ಅಳವಡಿಸಬೇಕು ಇದರಿಂದ ಸಾರ್ವಜನಿಕರಿಗೆ ಬಡಾವಣೆ ಮತ್ತು ವಾರ್ಡಗಳಲ್ಲಿ ಬರುತ್ತವೆ ಎಂದು ಜೊತೆಗೆ ಆ ವಾರ್ಡಗಳ ಸುತ್ತಳತೆ ಗುರುತಿಸಲು ಅನುಕೂಲವಾಗುವ ಹಿತದೃಷ್ಠಿಯಲ್ಲಿ ನಕ್ಷ ತಯಾರಿಸಬೇಕೆಂದು ಶ್ರೀ ಮಲ್ಲಿಕಾರ್ಜುನ ತರುಣ ಸಂಘದ ಅದ್ಯಕ್ಷ ಶಿವರಾಜ ಅಂಡಗಿರಯವರು ಪಾಲಿಕೆಗೆ ಮನವಿ ಸಲ್ಲಿಸಿದರು.

ಅವರು ಇಂದು ಮಹಾನಗರದ ನಗರದ ಇಂದಿರಾ ಭವನ (ಟೌನ್ ಹಾಲ್)ನಲ್ಲಿ ಪೂರ್ವಭಾವಿ ಸಭೆಯಲ್ಲಿ ಭಾಗವಹಿಸಿ ಮಹಾನಗರ ಸಭೆಯ ಎಲ್ಲಾ ವಾರ್ಡಗಳಲ್ಲಿ ಸಾಮಾಜಿಕ ಕಾರ್ಯಕರ್ತರ ಸಲಹಾ ಸಮಿತಿ ರಚಿಸಿ ಸಮಿತಿ ಸದಸ್ಯರಿಂದ ಸಮಸ್ಯೆಗಳು ತಿಳದುಕೊಳ್ಳಲು ಮತ್ತು ಪರಿಹಾರ ಸೂಚಿಸಲು, ಆಡಳಿತಾತ್ಮಕ ಅನುಕೂಲಕರವಾಗುತ್ತದೆ.

ಪಾಲಿಕೆಯ ಸಿಬ್ಬಂದಿಗಳು ಮತ್ತು ಅಧಿಕಾರಿಗಳು ಕಛೇರಿಯ ವೇಳೆಯಲ್ಲಿ ನಿಗದಿತವಾಗಿ ಇರುವಂತೆ, ಆಯಾ ಸಿಬ್ಬಂದಿಗಳಿಗೆ ಸಮವಸ್ತ್ರ ಇರಲಿ, ಸಿಬ್ಬಂದಿಯ ಹೆಸರು ಮತ್ತು ಹುದ್ದೆಯ ನಾಮ ನಮೂದಿತವಾಗಿರಲಿ ಜೊತೆಗೆ ಸಾರ್ವಜನಿಕರಿಗೆ ಈ ಅಧಿಕಾರಿಗಳನ್ನು- ಸಿಬ್ಬಂದಿಗಳಿಗೆ ಗುರುತಿಸಲು ಸಹಾಯವಾಗುತ್ತದೆ. ಪ್ರತಿ ಸಣ್ಣ ಕೆಲಸಕ್ಕು ಸಾರ್ವಜನಿಕರು ಅಲೆದಾಡಿಸುವುದು ನಿವಾರಿಸಿ ಜನಸ್ನೇಹಿ ಆಡಳಿತ ನೀಡಬೇಕೆಂದು ಸಲಹೆ ನೀಡಿದ್ದಾರೆ ಎಂದು ತಿಳಿಸಿದ್ದಾರೆ.