ಬಳಗಕ್ಕೆ ಸಂಚಾಲಕರಾಗಿ ಬಡಿಗೇರ, ಮಠಪತಿ ನೇಮಕ

ಕಲಬುರಗಿ: ಸಮಾಜಮುಖಿ ಕಾರ್ಯಕ್ರಮಗಳನ್ನು ಆಯೋಜಿಸುವ ದಿಸೆಯಲ್ಲಿ ಸ್ಥಾಪಿಸಿಕೊಂಡಿರುವ ಸಹೃದಯಿ ಸ್ನೇಹ ಬಳಗದ ಸಂಚಾಲಕರನ್ನಾಗಿ ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಸದಸ್ಯ ಸುರೇಶ ಡಿ.ಬಡಿಗೇರ ಹಾಗೂ ಜನಪರ ಚಿಂತಕ ನಾಗಲಿಂಗಯ್ಯಾ ಜಿ.ಮಠಪತಿ ಅವರನ್ನು ನೇಮಕ ಮಾಡಿ, ಹೂಗುಚ್ಚ ನೀಡಿ ವಿಶೇಷವಾಗಿ ಗೌರವಿಸಲಾಯಿತು.

ನಾಡು-ನುಡಿ, ಕಲೆ, ಸಾಹಿತ್ಯ, ಸಂಸ್ಕೃತಿ ಕ್ಷೇತ್ರಗಳ ಬೆಳವಣಿಗೆಗಾಗಿ ಈ ಭಾಗದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಕಳೆದ ಅನೇಕ ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿರುವವರು ಒಂದೆಡೆ ಸೇರಿ ಸ್ಥಾಪಿಸಿಕೊಂಡಿರುವ ಬಳಗ ಇದಾಗಿದೆ.
ಮುಂದಿನ ದಿನಗಳಲ್ಲಿ ತಿಂಗಳಿಗೊಂದರಂತೆ ವಿಶೇಷ ಮತ್ತು ವಿನೂತನ ಕಾರ್ಯಕ್ರಮಗಳನ್ನು ರೂಪಿಸುವ ಯೋಜನೆಯನ್ನು ರೂಪಿಸಿದ್ದು, ಅದಕ್ಕೆ ಸಂಚಾಲಕರನ್ನಾಗಿ ಇವರನ್ನು ನೇಮಕ ಮಾಡಲಾಗಿದೆ.

ಸಹೃದಯಿ ಸ್ನೇಹ ಬಳಗದ ಪ್ರಮುಖರಾದ ವಿಜಯಕುಮಾರ ತೇಗಲತಿಪ್ಪಿ, ಹಣಮಂತರಾಯ ಅಟ್ಟೂರ, ಶರಣರಾಜ್ ಛಪ್ಪರಬಂದಿ, ರವಿ ಶಹಪುರಕರ್, ಶಿವಾನಂದ ಮಠಪತಿ, ಸಂಗಮೇಶ ಶಾಸ್ತ್ರಿ ಮಾಶಾಳ, ರಾಜಕುಮಾರ ಉದನೂರ, ಜಗದೀಶ ಪಾಟೀಲ, ಬಸವರಾಜ ರಾವೂರ, ಪ್ರಮೋದ ಕಟ್ಟಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.