ನೇತಾಜಿ ಜಯಂತಿ ೩೧ ರಂದು

ವಾಡಿ: ನೇತಾಜಿ ಸುಭಾಶ್ಚಂದ್ರ ಬೋಸ್ ಅವರ ೧೨೩ನೇ ಜನ್ಮದಿನಾಚರಣೆ ನಿಮಿತ್ತ ಎಐಡಿಎಸ್‌ಒ, ಆವಿಷ್ಕಾರ ಪ್ರಗತಿಪರ ಸಾಂಸ್ಕೃತಿಕ ಸಂಘಟನೆ ಹಾಗೂ ಎಐಡಿವೈಒ ಸಮಿತಿಗಳ ನೇತೃತ್ವದಲ್ಲಿ ಜ.೩೧ ರಂದು ಸಾಯಂಕಾಲ ೫:೦೦ ಗಂಟೆಗೆ ಪಟ್ಟಣದ ಅಂಬೇಡ್ಕರ್ ವೃತದಲ್ಲಿ ಸಾರ್ವಜನಿಕ ಸಭೆ ಏರ್ಪಡಿಸಲಾಗಿದೆ.

ಎಐಡಿವೈಒ ರಾಜ್ಯ ಕಾರ್ಯದರ್ಶಿ ಜಿ.ಶಶಿಕುಮಾರ ಮುಖ್ಯ ಭಾಷಣ ಮಾಡುವರು. ಯುವ ಸಾಹಿತಿ ಕಾಶೀನಾಥ ಹಿಂದಿನಕೇರಿ, ಎಐಡಿಎಸ್‌ಒ ಜಿಲ್ಲಾ ಉಪಾಧ್ಯಕ್ಷೆ ಸ್ನೇಹಾ ಕಟ್ಟಿಮನಿ ಅತಿಥಿಗಳಾಗಿ ಪಾಲ್ಗೊಳ್ಳುವರು. ಇದೇ ವೇಳೆ ನೇತಾಜಿ ಜೀವನ ಹೋರಾಟ ಬಿಂಬಿಸುವ ಸೂಕ್ತಿ ಪ್ರದರ್ಶನ ಏರ್ಪಡಿಸಲಾಗುತ್ತಿದೆ.

ಸಿನಿಮಾ-ಸಂವಾದ: ನೇತಾಜಿ ಜನ್ಮ ದಿನಾಚರಣೆ ಅಂಗವಾಗಿ ಫೆ.೧ ರಂದು ಪಟ್ಟಣದ ಅಂಬೇಡ್ಕರ್ ಸ್ಮಾರಕ ಭವನದಲ್ಲಿ ಸಿನಿಮಾ-ಸಂವಾದ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಅಂದು ಸಂಜೆ ೫:೦೦ ಗಂಟೆಗೆ ಕ್ಯಾ ದಿಲ್ಲಿ-ಕ್ಯಾ ಲಾಹೋರ್ (ಹಿಂದಿ) ಪ್ರಗತಿಪರ ಚಲನಚಿತ್ರ ಪ್ರದರ್ಶನಗೊಳ್ಳಲಿದ್ದು, ಕಲಬುರಗಿ ವಿವಿ ಜೈವಿಕ ತಂತ್ರಜ್ಞಾನ ವಿಭಾಗದ ಮುಖ್ಯಸ್ಥ ಡಾ.ರಮೇಶ ಲಂಡನಕರ್ ಸಂವಾದ ನಡೆಸಿಕೊಡುವರು. ಆವಿಷ್ಕಾರ ಜಿಲ್ಲಾ ಸಮಿತಿ ಸದಸ್ಯ ಪುಟ್ಟರಾಜ ಲಿಂಗಶೆಟ್ಟಿ ಪಾಲ್ಗೊಳ್ಳುವರು ಎಂದು ಎಐಡಿಎಸ್‌ಒ ಅಧ್ಯಕ್ಷ ಗೌತಮ ಪರತೂರಕರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.