ದೆಹಲಿ ಹಿಂಸಾಚಾರ: ಸಮಾಜ ಘಾತುಕ, ಕೋಮುವಾದಿ ಫ್ಯಾಸಿಸ್ಟರ ಮೇಲೆ ಕ್ರಮಕ್ಕೆ ಆಗ್ರಹ

ಕಲಬುರಗಿ: ಪೌರತ್ವ ತಿದ್ದುಪಡಿ ಕಾಯ್ದೆಯ ವಿರುದ್ಧ ಶಾಂತಿಯುತ ಹೋರಾಡುತ್ತಿರುವವರ ಮೇಲೆ ಕ್ರೂರ ಹಿಂಸಾಚಾರವನ್ನು ನಡೆಸಿ, ಅಮಾಯಕರನ್ನು ಪತ್ತೆ ಹಚ್ಚಿ, ಕೊಲೆ, ದೌರ್ಜನ್ಯ ನಡೆಸುತ್ತಾ, ಮಸೀದಿ, ಮನೆ ವ್ಯಾಪಾರ ಕೇಂದ್ರಗಳನ್ನು ಬೆಂಕಿಗಾಹುತಿ ಗೊಳಿಸಿ, ರಾಷ್ಟ್ರದ ರಾಜಧಾನಿಯನ್ನು ಯುದ್ಧ ಭೂಮಿಯನ್ನಾಗಿ ಪರಿವರ್ತಿಸುತ್ತಿರುವ ಸಮಾಜ ಘಾತುಕ, ಕೋಮುವಾದಿ ಫ್ಯಾಸಿಸ್ಟರನ್ನು ಹದ್ದುಬಸ್ತಿನಲ್ಲಿಡಲು ಸರಕಾರ ಮುಂದಾಗಬೇಕೆಂದು ನಯ ಸವೆರ ಸಂಘಟನೆಯ ಅಧ್ಯಕ್ಷರಾದ ಮೋದಿನ್ ಪಟೇಲ್ ಅಣಬಿ ಆಗ್ರಹಿಸಿದ್ದಾರೆ.

ದೆಹಲಿಯ ಹಿಂಸಾತ್ಮಕ ಕೃತ್ಯ ವಿರುದ್ಧ ಪ್ರತಿಕ್ರಿಯೆ ನೀಡಿರುವ ಪಟೇಲರು ಪ್ರತಿಭಟನಾ ಹಕ್ಕನ್ನು ಧಮನಿಸಲು ಸಾಧ್ಯವಿಲ್ಲ, ದೇಶದಲ್ಲಿ ಗಲಭೆ ಸೃಷ್ಟಿಸಿ, ಜನರ ಮಧ್ಯೆ ಕೋಮು ವಿಷಬೀಜವನ್ನು ಬಿತ್ತಲು ಯತ್ನಿಸುತ್ತಿರುವ ಸಂಬಂಧಪಟ್ಟವರು ಅದರಿಂದ ಹಿಂಜರಿಯಬೇಕು ಎಂದಿದ್ದಾರೆ.

ಅಲ್ಪಸಂಖ್ಯಾತರ ಮೇಲಿನ ಯೋಜಿತ ಹಿಂಸಾಚಾರದ ವಿರುದ್ಧ ಶಾಂತಿಯುತ ಪ್ರತಿಭಟನೆಗೆ ನಮ್ಮ ಸಂಘಟನೆಯಿಂದ ಕರೆ ನೀಡುತ್ತಿದ್ದೇವೆ ದೇಶದ ಸಮಗ್ರತೆ ಮತ್ತು ಸಾಂವಿಧಾನಿಕ ಮೌಲ್ಯಗಳನ್ನು ಎತ್ತಿಹಿಡಿಯಲು ಪ್ರಜಾಪ್ರಭುತ್ವವಾದಿಗಳು ಜಾಗರೂಕರಾಗಬೇಕಂದು ಮನವಿ ಮಾಡಿದ್ದಾರೆ.