ಮರಕ್ಕೆ ಕಾರು ಡಿಕ್ಕಿ ಯುವಕ ಸಾವು: ಮೂರು ಮಂದಿಗೆ ಗಾಯ

ಕಲಬುರಗಿ: ಜಿಲ್ಲೆಯ ಚಿಂಚೋಳಿ ತಾಲ್ಲೂಕಿನ ಹೂವಿನಹಳ್ಳಿ ಹತ್ತಿರ ಸ್ಕಾರ್ಪಿಯೋ ಕಾರೊಂದು ಮರಕ್ಕೆ ಡಿಕ್ಕಿ ಹೊಡೆದಿರುವ ಕಾರಣ ಓರ್ವ ಸಾವನ್ನಪ್ಪಿದ್ದು, ಮೂವರಿಗೆ ಗಾಯಗಳಾಗಿವೆ.

ಕಲಬುರಗಿ ನಗರದ ನಿವಾಸಿ ಮಹಮ್ಮದ್ ಆರೀಫ್ ಮೃತಪಟ್ಟ ಯುವಕ, ನಿನ್ನೆ ಸಂಜೆ ಕಲಬುರಗಿ ನಗರದಿಂದ ಆಂದ್ರಾ ಮೂಲದ ತಾಂಡೂರಗೆ ತೆರಳುತಿದ್ದಾಗ, ನಿಯಂತ್ರಣ ತಪ್ಪಿ ಮರಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಘಟನೆ ಸಂಭವಿಸಿದೆ.

ಮೂವರು ಗಾಯಾಳುಗಳನ್ನು ಕಲಬುರಗಿ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಿಸಿ ಚಿಕಿತ್ಸೆ ನೀಡಲಾಗುತಿದ್ದು, ಈ ಬಗ್ಗೆ ಸುಲೇಪೆಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.